Limonaddan zəhərlənmə halı ilə bağlı araşdırmalara başlanıldı.

İmişlidə bir ailənin 3 üzvü limonaddan zəhərlənib. İlkin versiyaya görə limonadın içindən siçan çıxıb.

Standartlaşdırma, Meterologiya və Patent üzrə Dövlət Komitəsinin mətbuat ximətinin rəhbəri Fazil Talıblının AzVision.az-a verdiyi məlumata görə, artıq məsələ ilə bağlı Komitə yanında Texniki Tənzimləmə və Standartlaşdırma üzrə Dövlət Nəzarəti Xidməti tərəfindən araşdırmalara başlanılıb.

Qeyd edək ki, İmişli rayonunun Xəlifəli kənd sakinləri 2000-ci il təvəllüdlü Əliyeva İlkanə Kazım qızı, 2001-ci il təvəllüdlü Əliyev Cahid Kazım oğlu və 1997-ci il təvəllüdlü Əliyeva Türkanə Kazım qızı limonaddan zəhərləndiklərinə görə İmişli rayon xəstəxanasının infeksion xəstəliklər şöbəsinə yerləşdirilib.

Xəstəxanadan bildirilib ki, hazırda onların vəziyyəti qənaətbəxşdir. Uşaqların atasının dediyinə görə, limonadın içindən siçan çıxıb.