Hamlet Hüseynov haqqında ilginc iddialar səslənir

«Gündəm xəbər»in ötən sayında Şirvan şəhərində baş verən korruppsiya faktları ilə bağlı yazdığımız yazıdan sonra redaksiyamıza yeni faktlar verilib.

Həmin məlumatlarda bildirilir ki, şəhərin icra başçısı Mərdan Camalovun ərazi dairələri üzrə nümayəndələri də vəzifə səlahiyyətlərini kobud şəkildə aşırlar:

«İcra başçısının ərazi idarələri özlərini yerlərdə Mərdan Camalovdan da ötkəm aparmaqla, ciddi narazılıq aşılayırlar. Şəhərdə artıq narazılıq hər an alovlana bilər. Belə ki, Şirvan İcra Hakimiyyətinin 1 saylı Ərazi Dairəsi üzrə nümayəndəliyin fəaliyyət sferasında baş alıb gedən korrupsiya faktları qanun və sərhəd tanımadan geniş vüsət alıb. İcra başçısı Mərdan Camalovun sözügedən ərazi idarəsinə rəhbər təyin etdiyi Hamlet Hüseynbala oğlu Hüseynovun əmək fəaliyyətinin sırf korrupsiya üzərində qurmağa baaşlayıb. İş o yerə çatıb ki, idarədən alınan arayışlar da konkkret məbləğlərə satılır. Halbuki onun əsas vəzifəsi şəhərin təmizliyi və abadlığdan ibarətdir. Ancaq Hamlet Hüseynov, bu işdə müəyyən "qabaqlayıcı tədbirlər" görməkdə mahirdir. Yaşıllaşdırma kimi aktual bir sahəni də" ağuşuna" alaraq "qanını soran" Hamlet Hüseynov Şirvan İcra Hakimiyyəti başçısı Mərdan Camalovdan xəbərsiz, özünə Bakının "bərk gedən" yerindən villa inşa etdirməklə yanaşı, bahalı avtomobil alması barədə də məlumatlar var».

“Gündəm xəbər”ə verilən məlumataa görə, Hamlet Hüseynov hazırda rəhbərlik etdiyi ərazi üzrə təftiş apararaq, boş torpaq sahəsi axtarışına çıxıb: «O, hətta yaşıllığın olduğu əraziləri də satışa çıxarıb. Onun keçmiş baş memar Hacı Vüqarın yaxın adamı olması da, görünür, belə məsələlərdə «ağıllı» tərpənməsinə səbəb olub. Bundan əlavə, Hamlet Hüseynov yenicə əkilmiş şam ağacları da tərtib olunan sənədlərdə həm qiymətini, həm də irili-xırdalı olmasını da öz arzusuna uyğun yazdırır».

Məlumatda Hamlet Hüseynovun rəhbərlik etdiyi ərazidə şübhəli dini cəryanların nümayəndələri ilə əlaqələrindən də bəhs edilir. Bundan əlavə, onun yerli bələdiyyəni də fəndlə nəzarətinə keçirdiyi də iddia olunur. Bu və ya digər məqamlarla bağlı dəqiqləşdirmələrimiz bitmədiyindən hələlik bəzi təfərrüatlara toxunmadıq.

Cəfər