Keçmiş nazirin“Çudo Peçka” restoranlar şəbəkəsi rəsmən çökdürüldü; bu mağazaların əlindən alınması ilə fəaliyyəti buxovlandı, eks-nazirin ölkədən getdiyi iddia oluur

Bakıda məşhur “Çudo-Peçka” restoranlar şəbəkəsi rəsmən çökdürülüb. Bir vaxtlar dəbdə olan və müştəri izdihamı müşahidə edilən bu restoranların fəaliyyəti sıfıra endirilib. Müğənni Röyanın keçmiş qayınatası Çingiz Cəlilovdan “Çudo Peçka”nın alınması ilə müəssisələrin işində başlanan geriləmə KFC restoranlarının açılması ilə daha da dərinləşib.

“Gündəm xəbər”in əldə etdiyi məlumatda bildirilir ki, sabiq iqtisadi inkişaf naziri Heydər Babayevdən sonra proses daha da mürəkkəb şəklini aldı. Keçmiş nazirə məxsus bu şəbəkə dağıdıldı. Onun istefaya göndərilməsi ilə biznesi də iflas edildi.

“Çudo Peçka”da aparılan araşdırmalar və ciyər kökəsində (peraşki) qurd aşkarlanması müəssisənin fəaliyyət

imkanlarını bir qədər də daraldıb. İndi bu restoranlarda canlanmanın şahidi olmaq mümkün deyil. Müştərilərin artıq bu məntəqələrə ayaq basması təsadüfi hallarda görmək olar. Restoranlarda anti-sanitariyanın aşkarlanması da sabiq nazirin biznesinin çökdürülməsinə hesablanıb.

Xatırladaq ki, Standartlaşdırma, Metrologiya və Patent üzrə Dövlət Komitəsi yanında Texniki Tənzimləmə və Standartlaşdırma üzrə Dövlət Nəzarəti Xidməti “Çudo Peçka” MMC-yə məxsus istehsal sexlərində bir sıra ciddi nöqsanlar aşkar etmişdi.

Sözügedən ticarət şəbəkəsi eks-nazirə məxsus olmuş “Bank Standard”ın nəzarəti altında fəaliyyətini davam etdirib. Amma əl dəyişən “Çudo Peçka” MMC-nin şəhərin müxtəlif yerlərində fəaliyyət göstərən mağazalarında tez-tez qanun pozuntularına yol verilib, həmçinin burada müştərilərə təklif edilən yeməklərin içindən qurd belə çıxır.

Standartlaşdırma, Metrologiya və Patent üzrə Dövlət Komitəsinin rəsmiləri dəfələrlə “Çudo Peçka”nın mağazalarında reyd keçirib, qanunsuzluqları aşkara çıxarsalar da, problem hələ də mövcudluğunu qoruyub saxlayır.

Məlumatlara görə, “Çudo Peçka”da satışa çıxarılan məhsulların əksəriyyəti insan orqanizmi üçün təhlükəlidir. Burda satılan kremli məhsulların, xüsusilə də tortların

istehsal tarixi, yararlılıq müddəti, tərkibi üzərində göstərilmir.

Kremli məhsulların hamısı marqarin yağından hazırlanır. Reklamda bildirirlər ki, guya tortların bişirilməsində yaşıl çay, zəncəfil, karamel, kakao yağı kimi təbii məhsullardan istifadə edilir. Halbuki tortların bişirilməsində bunların heç birindən istifadə edilmir.

İstifadə edilən məhsulların hamısı keyfiyyətsiz olur. Peraşkilər qalırsa, onu təkrar emal edərək yenidən xəmirə qatırlar. Bulkalara çoxlu miqdarda köpürdücü vurulur. Bu da onun rezin kimi şişməsi üçündür. Tərəvəz və meyvə məhsullarının hamısı xarab olur.

Bazarlarda ucuz qiymətə satılan göy və tərəvəzlər alınır. Mağazanın anbarında günlərlə saxlanılır. Sonra da məhsulların hazırlanmasında istifadə edilir. Məhsulların təsdiq olunmuş resepturaları, texnoloji təlimatları yoxlamaya təqdim edilmir. Tort məhsullarının qablaşdırılmasında sanitar normalar pozulur, tozlu qablaşdırma materiallarından istifadə olunur.

Bundan başqa, anbarda xammalların saxlanma rejiminə riayət olunmur. Belə ki, xəmir mayası 0-4 dərəcə, mayonez 0-10 dərəcə, qatılaşdırılmış süd 0-10 dərəcə temperaturda saxlanılmalı olduğu halda, faktiki 20-25 dərəcədə saxlanılır.

Müəssisə tərəfindən istehsal olunan tortların bəzədilməsində və hazırlanmasında da normalara əməl olunmur. Ekspertlər isə hesab edir ki, “Çudo Peçka”

MMC-nin mağazalarında satışa çıxarılan yeməklər insanda piylənmə və müxtəlif xəstəliklərin əmələ gəlməsinə səbəb olur. Belə yeməklər daha çox zərərləri ilə xarakterizə olunur.

Gələn son xəbərlərə görə, Heydər Babayev bayramda ölkə xaricində olub. Verilən məlumata görə, eks-nazir Novruz bayramını Londonda keçirib. Onun oğlunun İngiltərə paytaxtında yaşadığı xəbərlər sırasında yer alır.

Sabiq nazir də bayram günlərində Azərbaycandan kənarda istirahəti seçib. H.Babayevin 2008-ci ildən Londonda yerləşdiyi, biznes əlaqələri yaratdığı bildirilirdi. Hələ 2008-ci ildə vəzifəsini itirən H.Babayev cəmi bir neçə gün sonra ölkəni tərk etmişdi.

O, ara-sıra Bakıya gəlsə də əsasən Azərbaycandan kənarda yaşamağa üstünlük verirdi. Bu müddət ərzində isə onun “ABU-petrol” brendli yanacaqdoldurma məntəqələri, bankları, klinikası əlindən çıxdı. Sabiq nazir Londona bağlılığı təsadüfi deyil.

H.Babayev xeyli müddət yəhudi əsilli milyarder Vladimir Qusinskinin sahibi olduğu “Mostbank”ın London filialında məsul vəzifələrdə çalışıb.

O, Azərbaycanın Qiymətli Kağızlar üzrə Dövlət Komitəsinə rəhbər təyin olunmazdan öncə də məhz “Mostbank”ın London filialında fəaliyyət göstərib və eyni zamanda Qusinskinin “Mostholdinq”ində vitse-prezident postunu tutub.