Ağstafa rayon İcra Hakimiyyəti başçısının müavini Aydın Hacıyevin xaricdə təhsil alan oğlu Naid Hacıyevin sosial şəbəkələrdə …”Naid Hacıyev rus qızlarını qucaqlamaqla, ağzında qəlyan və ya şampanla şəkil çəkib bizimlə paylaşmaqda nə məqsəd güdür?”

Ölkədə məmur övladlarının dəbdəbəli və əyləncəli həyatı son illərin ən çox diqqətçəkən mövzularındandır.Sosial şəbəkələrdə gözqamaşdıran şəkillər paylaşan müftə yeyənlər cəmiyyət tərəfindən normal qarşılanmır.

Ölkəmizdə elə məmurlar var ki, onların övladları, yaxın qohumları özlərindən daha çox tanınır. Az qala hər gün mediada vəzifəli şəxslərin, deputatların övladları haqqında geniş yazılara yer verilir. Amma bu, həmin məmur balalarının hansısa müsbət işləri ilə yox, daha çox onların törətdiyi özbaşınalıqlarla bağlı olur.

Prezidentin xəbərdarlığından bəziləri hələ də nəticə çıxarmayıb.Yadınızdadırsa, prezident ötən görüşlərdən birində bəzi məmurlara öz iradını bildirərək onların özlərinin və övladlarının özbaşına işlərlə məşğul olduqlarını vurğulamışdı.

Belə ki, məmur övladlarının sosial şəbəkələrdə paylaşdıqları fotoşəkilllərdə xaricdə Son aylar ərzində müxtəlif yüksək vəzifələrdə çalışan şəxslərin övladlarının «instagram» sosial şəbəkəsində yayılan şəkilləri cəmiyyət tərəfindən birmənalı qarşılanmayıb. Sadə insanların böyük əksəriyyəti bu biabırçılığa son verilməsini tələb edir. Dünən saytlarda Ağstafa rayon İcra Hakimiyyəti başçısının müavini Aydın Hacıyevin xaricdə təhsil alan oğlu Naid Hacıyevin sosial şəbəkələrdə maraqlı görüntüləri yayılıb.Aydın Hacıyevin oğlu xarici ölkələrdə və Azərbaycanın ən bahalı hotellərində çəkdirdiyi şəkillərini paylaşaraq yaşadığı oliqarx həyatını ictimailəşdirib.

Xatırladaq ki, hələ bir müddət əvvəl sabiq məmurlardan birinin oğlu avtomobillərinin və yaşadığı villaların şəklini internetə qoymuşdu. Bundan qısa müddət sonra həmin gəncin atası müvafiq əmrlə işdən uzaqlaşdırıldı. Ümidvarıq ki, ölkə rəhbərliyi səviyyəsində həddini aşan bəzi məmurlara və müftə yeyən övladlarına qarşı mübarizə daha da sərtləşdiriləcək.