Onlar atıq kəbin kəsdiriblər.

Müğənni Afaq Aslan ikinci dəfə ailə qurur.

gundemxeber.az xəbər verir ki, ifaçı bildirib ki, o, məmur oğlu ilə nikah masasına oturacaq.

"Bu günə qədər bir çox evlilik təklifi almışam. Amma həmin təkliflərə ciddi yanaşmamışam. Hər bir qadın kimi mən də xoşbəxt ailə arzulamışam. Amma bəzən həyatda hər şey insanın istədiyi kimi olmur. Mənim ilk evliliyim uğursuz oldu. Boşanandan sonra yenidən ailə qurmaq barədə fikirləşmirdim. Bütün diqqətimi ifaçılıq fəaliyyətimə yönəltmişdim. Lakin daha sonra fikrimdən daşındım. Çünki Allah arzu etdiyim, xəyalını qurduğum insanı qarşıma çıxartdı".

Müğənni ailə quracağı şəxsin adını açıqlamasa da, artıq kəbin kəsdirdiyini deyib:

"Ailə qurduğum şəxsin adını açıqlamaq istəmirəm. Çünki o və onun ailəsi adlarının mətbuatda hallanmasını istəmirlər. Bircə onu deyə bilərəm ki, o, məmur oğludur. Onun valideynləri də mənə dəstək olurlar. Artıq biz dini kəbinimizi də kəsdirmişik. Yaxın zamanda toy olacaq. Toyumuz da fərqli məkanda olacaq. Artıq toy hazırlıqlarına başlamışıq. Onu da deyim ki, toy mediaya qapalı olacaq".

Qeyd edək ki, 2010-cu ildə ilk dəfə ailə quran Afaq Aslan 2011-ci ildə rəsmən boşanıb