Ağdamda ərindən boşanmış 24 yaşlı qadın özünü asıb. Hadisə rayonun İmamqulubəyli kəndində baş verib.

Ağdam Rayon Prokurorluğundan ANS PRESS-ə verilən məlumata görə, əslən Ağdamın işğal altındakı Tərneft kəndindən olan 1991- ci il təvəllüdlü Zənurə Araz qızı İbrahimova dünən günorta saat 14 radələrində özünü yaşadığı evin həyətindəki damdan asaraq intihar edib.

Prokurorluqdan intihara ilkin ehtimal kimi “mərhumun ruhi xəstə olması və hərəkətlərini bilməməsi”nin səbəb olduğu bildirilir.
Hadisə baş verən vaxt evdə mərhumun anası və azyaşlı bacısı olub.

Xatırladaq ki, Zənurə İbrahimova 2 il əvvəl ərindən boşanıb və uşağı olmayıb. 2 aydır ki, ruhi xəstəlikdən əziyyət çəkirmiş. Onun müayinəsi özünü asdığı günə qədər davam edib.

Faktla bağlı rayon prokurorluğunda Cinayət Məcəlləsinin 125-ci (özünü öldürmə həddinə çatdırma ) maddəsi ilə cinayət işi açılıb, araşdırma aparılır.