AXCP-nin Əli Kərimli qanadı sosial şəbəkələri söyüş və təhqir makinasına çevirib. Tərəfdarları fərqli düşüncə sahiblərini təhqir etməyi özlərinə “vəzifə borcu” bilir, bununla sanki Əli Kərimli qarşısında öyünmək fürsəti əldə edirlər. Son olaraq sosial şəbəkələrdə Əli Kərimliyə yaxınlığı ilə bilinən Ayət İsmayıl adlı gənc “liderini” despotizm, avtoritarizmdə günahlandıranları və onun təzyiqlərinə məruz qalanları təhqiredici status paylaşıb. Beləliklə də bu şəxslərin nəinki özlərini, hətta ailələrini alçaldıcı ifadələrlə təhqir edib, bəzilərinə də öz çirkin, tərbiyəsiz, əxlaqsız əməllərini davam etdirməyə meydan verib. Əli Kərimlinin göstərişi ilə hərəkət edən, təhqiri siyasi mübarizə üsulu sayan bəziləri də Razi Nurullayev və onunla birgə AXCP Etimad Qurultayının Təşkilat Komitəsinə daxil olan partiya üzvlərinə qarşı bu münasibəti nəinki qınamır, əksinə kimin daha yaxşı təhqir edəcəyi ilə bağlı “yarışa” qoşulublar. Öncəki yazılarda qeyd etdiyimiz kimi, bu əxlaqsız statusu bəyənənlər arasında xalq hərəkatının aparıcı nümayəndələrindən İbrahim İbrahimli, İqtisad Universitetinin müəllimi Eldar Hüseynov kimi “ziyalı”lar da var. Statusu bəyənənlərdən biri də AXCP-nin Əli Kərimli qanadının üzvü, Sabirabad rayon Türkədi kənd orta məktəbinin müəllimi, dindar Sahib Rüstəmlidir. Təəssüf ki, yenə əxlaqsız ifadələr və həmin ifadələri bəyənən daha bir müəllim... Qeyd edək ki, Sahib Rüstəmli həm də AXCP-nin Əli Kərimli qanadının Sabirabad şöbəsindən Ali Məclisin üzvü, “Azadlıq” qəzetinin əməkdaşıdır. Hər zaman özünün dinə bağlılığı ilə öyünən, özünü dindar kimi qələmə verən məktəb müəlliminin bu hərəkəti- əxlaqsızlığa dəstək verməsi onun təlim-tərbiyə prosesində fəaliyyətini şübhə altında qoyur. Görəsən, siyasi mövqeyinə, fərqli düçüncəsinə görə təhqirə məruz qalan şəxslərə ünvanlanan əxlaqsız fikirlərin altından öz imzasını qoyan “müəllim” qarşısındakı şagirdlərə- Azərbaycanın gələcəyi dediyimiz uşaqlara nə öyrədəcək? Onlara əxlaqdan, mənəviyyatdan, tərbiyədən danışmağa utanmayacaqmı? Nə zamansa şagirdləri ona hərəkətini xatırladacağı təqdirdə veriləcək cavabı olacaqmı? Yoxsa sadəcə susacaq və ya bu dəfə sual sahibini təhqir edəcək? Minlərlə sosial şəbəkə istifadəçisi qarşısında əxlaqsız statusu bəyənən “müəllimin” şagirdinə qarşı da təhqirə əl atması gözləniləndir və bəraəti olmayan əməldir. Uşaqların belə əməl sahibinə etibar edilməsi gələcək üçün geridönüşü olmayan fəsadlar yarada bilər və məktəbdə də, təhsil sistemi rəhbərliyində də bu barədə düşünməlidirlər. Əks təqdirdə nə təhsil sisteminin, nə də uşaqların gələcəyi ilə bağlı nikbin düşünməyə əsas qalmaz. Cebhe.info olaraq bu cür əxlaqsızlıqlara dəstək verənləri cəmiyyətə təqdim etməyə davam edəcəyik.

Vilayət Muxtar