Məlumdur ki, sosial şəbəkələri söyüş və təhqir makinasına çevirən bir qrup var və qrupun başında da Əli Kərimli dayanır. Onun tərəfdarları tez-tez digər fikir və düşüncə sahiblərini bu imkandan istifadə edərək təhqir edirlər. Son olaraq isə Əli Kərimliyə çox yaxın olan bir şəxs – Ayət İsmayıl adlı şəxs Əli Kərimlini despotizmdə, avtoritarlıqda günahlandıranlar və onun təzyiqlərinə məruz qalanlarla bağlı təhqir dolu status paylaşıb. Bu şəxslərin nəinki özlərini, hətta ailələrini təhqir edib. Acınacaqlı hal odur ki, bu adamlar hər zaman bu işlə məşğul olublar və onların “dediyini deməyənləri” bu şəkildə təhqir ediblər. İndi də öz çirkin, tərbiyəsiz, əxlaqsız əməllərini davam etdirirlər.




Əli Kərimlinin şəxsi göstərişi ilə bu dəfə Razi Nurullayev və onunla birgə AXCP Etimad Qurultayının Təşkilat Komitəsinə daxil olanları bu qədər şərəfsiz və alçaqcasına təhqir olunub. Ən acınacaqlısı odur ki, bu şərəfsiz, alcaq və tərbiyəsiz statusu həm də xalq hərəkatının aparıcı adamlarından biri olan, istiqlalçı millət vəkili İbrahim İbrahimli “like” edib. Biz mətbuat olaraq, bu tip əxlaqsız status yazanları və o statusları bəyənənləri tək-tək öz oxucularımıza çatdıracaq və onlar haqqında məlumatlar verəcəyik. Aydınlaşdıracağıq ki, bu nəyin göstəricisidir? Daxili əxlaqınmı, tərbiyəninmi? Yoxsa bu, Elçibəyin hər zaman dediyi, aşıladığı əxlaqlı siyasətdən imtina etmək və Kərimlinin hər zaman əsas silahı olan əxlaqsız mübarizəyə dəstək verməkdir? Fikrimizcə, bu Kərimlinin əxlaqsız siyasətinə birbaşa dəstəkdir. İlk öncə İbrahim İbrahimlidən başlayaq. Kəskin etirazlara səbəb olan təhqir dolu statusları bəyənənlərdən biri, Milli Şuranın Koordinasiya Mərkəzinin üzvü İbrahim İbrahimliyə bununla bağlı müraciət etdik. İbrahim İbrahimli əvvəlcə bu haqda məlumatsız olduğunu bildirdi. Lakin ona “axı siz bunu bəyənibsiniz, necə xəbəriniz yoxdur” deyəndə isə “mən bu cür mövzularda müsahibə vermirəm” deyərək telefonu söndürdü. Azərbaycanda söz sahibi olmaq istəyən, “ölkəyə demokratiya gətirəcəm” deyənlərdən biri olan, özünü radikal müxalifətçi sayan İbrahim İbrahimli bu düşüncəyləmi xoşbəxtlik və ya demokratiya gətirəcək? Söz sizindir, hörmətli oxucular. Başqasının ailəsini təhqir edən, namussuz, əxlaqsız düşüncələrə rəvac verən bu şəxslərə nəsə etibar etmək olarmı? Qətiyyən, yox! Bu adamlar millət üçün təhlükədir. Başqasını təhqir etdirənlər, başqasının ailəsinə namussuz statusları yazdıranlar və bəyənənlər özləri hansı əxlaqın sahibidir? Onlara millətin taleyini etibar etmək olarmı?

Vilayət Muxtar