Şəmkirin Seyidlər kəndində yol qəzası baş verib. Kəpəz TV-nin (Region TV) məlumatına görə, "VAZ-21015" markalı avtomobil aşıb və nəticədə iki nəfər - Seyidlər kənd sakinləri, 51 yaşlı İntizar Xəlilov və 44 yaşlı Nazim İmanov müxtəlif xəsarətlərlə Şəmkir Mərkəzi Rayon Xəstəxanasının Travmatologiya şöbəsinə yerləşdiriliblər.

Elşən Quliyev, həkim: "Şöbəmizə avtoqəza nəticəsində iki xəstə daxil olub. Hər iki xəstəyə bədənin müxtəlif sıyrılmış-cırılmış yaraları, qapalı kəllə-beyin travması diaqnozu qoyulub. İlkin tibbi yardımdan sonra stasionar müalicəyə cəlb olunublar".

Faktla bağlı Şəmkir rayon Polis Şöbəsində araşdırma aparılır.