gundemxeber.az Kəpəz TV-yə (Region TV) xəbər verir ki, Gəncədə yol qəzası baş verib. "Opel Astra" markalı avtomobil Atatürk prospekti ilə hərəkətdə olarkən sürücü 25 yaşlı Çingiz Həsənov idarəetməni itirib və avtomobil yol kənarındakı işıq dirəyinə çırpılıb. Nəticədə işıq dirəyi yolun hərəkət hissəsinə aşıb və nəqliyyatın hərəkətində qismən problem yaranıb. Avtomobil yararsız hala düşüb, sürücü yüngül xəsarət alıb. Polis sürücünün qəzanı sərxoş vəziyyətdə törətdiyini bildirir.

Hazırda işıq dirəyinin yoldan qaldırılması və nəqliyyatın hərəkətinin bərpa edilməsi istiqamətində iş aparılır.