Həbsdən müəmmalı şəkildə azadlığa çıxan İlqar Hacıyev və həyat yoldaşı Aynur Hacıyeva yenə də vətəndaşların əmlakını mənimsəməkdədir, hətta qaynının obyektini, kimsəsiz rus qadının evini də fırıldaqla ələ keçiriblər; bu qanunsuz dəstəni himayə edən məmurun kimliyi haqda müdhiş iddialar...
Azərbaycanda səs-küylü dələduzluq faktı ilə bağlı yeni məqamlar ortaya çıxmaqdadır. Belə ki, “Gündəm Xəbər”ə daxil olan məlumatlara görə, ər-arvadın yaratdığı cinayətkar qruplaşma ölkədə onlarla vətəndaşa kələk və hədə-qorxu gələrək, onların əmlaklarını mənimsəməkdə davam edirlər. Bu barədə “Gündəm Xəbər” qəzetinə yeni cinayətlərin təfərrüatı açıqlanıb. Əldə etdiyimiz xəbərə görə, söhbət bir müddət əvvəl müəmmalı şəkildə azadlığa çıxan İlqar Hacıyev və onun əməllərini davam etdirən həyat yoldaşı Aynur Hacıyevadan gedir. İ.Hacıyev dələduzluq əməlinə görə 14 il azadlıqdan məhrum edilməsinə baxmayaraq, bu yaxınlarda qəfildən sərbəst buraxılıb. Bunun müəmmalı və sirr dolu səbəbləri məlum deyil. Çünki dələduzluğa görə barəsində hökm oxunanlar nə əfv olunur, nə də şərti azadlığa buraxılır. İ.Hacıyev isə CM-nin bütün maddələrin güc gələrək istəyinə müvəffəq olub. 11 il həbs cəzası alan cinayətkarın isə 3 il sonra azadlığa çıxası yəqin ki, vəkilləri, hakimləri də maraqlandırmalıdır. Görünür, qanunları tapdalayan İ.Hacıyevin arxalandığı qüvvələr var. Əks halda heç bir dələduz belə asanlıqla azadlığa qovuşmazdı. Ardınca azadlığa çıxar-çıxmaz köhnə işinin başına keçib. Məlumatda bildirilir ki, Hacıyevlər yenidən fəaliyyəti gücləndirib. Onlar Bakıda insanları aldatmaqla, fırıldaqçılıq yolları ilə mal-mülklərinə sahiblənməkdədirlər. Hətta iş o yerə çatıb ki, A.Hacıyeva öz qardaşı Vüsal Hacıyevə belə fırıldaq gəlməyə nail olub. O, doğma qardaşı olan Vüsal Hacıyevin obyektini satdırıb. Şikayətçi V.Hacıyevin sözlərinə görə, paytaxtın Süleyman Rəhimov küçəsi, döngə 4, ev 3 ünvanında yerləşən əmlakı əlindən alınıb. Şikayətçi qeyd edib ki, bu qanunsuzluğa yol verən bacısı tanışı olan bir notariusda saxta sənədləşmə ilə məsələni rəsmiləşdirməyə çalışıb. Bacısının və yeznəsinin dələduzluq əməllərinə son qoyulmadığını deyən V.Hacıyev bu qanunsuz dəstənin ifşa olunması üçün hüquqi müstəvidə mübarizə aparır. Əldə etdiyimiz bilgilərə görə, onun növbəti dələduzluq əməli Bakıda yaşayan rus qadınına qarşı olub. Əvvəlcə yaşlı və baxımsız rus qadınını himayəsinə götürüb. Sonra onun qayğısına “qalaraq” mənzilinə yiyələnib. Bildirilir ki, qadın müəmmalı şəkildə dünyasını dəyişib və paytaxtın Zivər bəy Əhmədbəyov küçəsi 45 ünvanında yerləşən ev İ.Hacıyev tərəfindən mənimsənilib. Atasını qocalar evinə qoyan İ.Hacıyevin yaşlı qadına bu “nəzakətli” davranışının səbəbi aydındır. O, heç də yaşlı insana əl tutmaq deyil, əmlakını ələ keçirmək niyyəti ilə bu addımı atıb. Əks halda öz valideynini qocalar evinə atmazdı. Məlumatda bildirilir ki, Hacıyevlərin bu cinayətlərinin sayı statistikadır. Bu dəstənin digər üzvü Elman Bəhlulovdur. O, hazırda həbsdədir. E.Bəhlulov dələduzluqda təqsirləndirilərək həbs olunub. İyulda apelyasiya məhkəməsi olub və hökm qüvvədə saxlanıb. Redaksiyamıza bu məlumatları verən qaynaq vətəndaşları ayıq-sayıq olmağa çağırır. O, Hacıyevlərin toruna hər bir kəsin düşmək ehtimalı olduğunu istisna etmir. Mənbə qeyd edir ki, bu ailənin dələduzluq əməlləri o qədər geniş miqyas alıb, artıq istənilən vətəndaş oxşar aqibəti yaşaya bilər. Məlumatda deyilir ki, İ.Hacıyev vaxtilə keçmiş spiker, hazırda ABŞ-da olan Rəsul Quliyevi hava limanında gəlişini dəstəkləyənlərdən olub. Onun həyat yoldaşı, bu şəbəkənin əsas iştirakçılarından olan Aynur Hacıyeva hazırda Hərbi Hospitalda həkim vəzifəsində işləyir. Qaynağımızın iddialarına görə, bu şəbəkənin himayədarı var. Onlara hami çıxan və bütün törədikləri cinayətləri ört-basdır edən şəxsin rütbəli bir məmur olduğu bildirilir. İddia edilir ki, Ədliyyə Nazirliyində işləyən Ellada Əliyeva bu dəstənin əsas himayəçisidir. Onun Ədliyyə Nazirliyinin Beynəlxalq əməkdaşlıq İdarəsinin baş məsləhətçisi olduğu vurğulanır. E.Əliyeva vaxtilə Məhkəmə Tibbi Ekspertizanın rəisi vəzifəsində çalışmış İdris Əliyevin qızıdır. Məlumata görə, Hacıyevlər bu gün də vətəndaşları aldatmaq yolu ilə əmlaklarını ələ keçirirlər və onlara E.Əliyevanın sayəsində “gözün üstə qaşın var” deyən yoxdur. Ədliyyə məmurunun sağ əlinin onların üzərində olması bu dələduz şəbəkənin işini davam etdirməyə kömək edir. O da bildirilir ki, heç bir əməlindən çəkinməyən və açıq şəkildə qanunsuzluqla məşğul olan İlqar Hacıyevin çeçenlərlə, o cümlədən olduqca varlı iş adamları ilə işbirliyi var. İlqar Hacıyev təkcə dələduzluq əməllərinə görə məsuliyyətə cəlb olunmayıb. O, qətl törətmək təqsirli bilinib. Belə ki, Qobu qəsəbə sakini, 1973-cü il təvəllüdlü Töhvə Məmmədova tərəfindən sifarişlə qanlı cinayət törədilib. Aparılan istintaqla müəyyən edilib ki, Məmmədova Töhvə Tahir qızı 1954-cü il təvəllüdlü, Şuşa şəhərində anadan olmuş Ağayev Elxan Fəxrəddin oğlu ilə yaxın münasibətlərdə olub. E. Ağayev bundan istifadə edərək mobil telefonu ilə T. Məmmədovanın çılpaq halda erotik pozalarda fotoşəkillərini və videogörüntülərini çəkib. Daha sonra onu şantaj etməyə başlayıb. Buna görə o, E.Ağayevə Qobu qəsəbəsində 3 mərtəbəli ev tikdirib. Son 8 ayda isə Ağayevə hər dəfə 1000-1500 manat olmaqla cəmi 15000 manata qədər pul verib. Lakin E.Ağayev bütün bunlarla kifayətlənməyib. Onu şantaj eləməyə davam edərək, biznes sahəsindəki gəlirlərinin hamısını ona deməməkdə günahlandırıb. Bundan bezən T. Məmmədova E. Ağayevi öldürtmək qərarına gəlib. Bu məqsədlə o, Qasımov Vüqar Tofiq oğlu ilə razılaşıb. V. Qasımov E. Ağayevi öldürtmək İlqar Hacıyevlə görüşüb. O, T. Məmmədovanın sifarişini İ. Hacıyevə çatdırıb. İlqar Hacıyev 25 min manat pulun müqabilində E.Ağayevi öldürməyə razılıq verib. Onlar 25 000 manatın 10 min manatının əvvəlcə verilməsi, 15 min manatının isə E.Ağayev öldürüləndən sonra verilməsi barədə razılığa gəliblər. Beləcə, E.Ağayev Qobu qəsəbəsindəki yeni tikilməkdə olan evinə gəlib. Onu izləyən İ.Hacıyev yaxınlaşaraq qəsəbədə 1 sot torpağın qiymətinin neçəyə olduğunu soruşub. O, bu məsələ ilə bələdiyyələrin məşğul olduğunu söyləyib. E. Ağayev geri dönmək istəyərkən, İ. Hacıyev “Makarov” tipli tapança ilə onu bel nahiyəsindən bir dəfə atəş açaraq, ağır yaralayıb, hadisə yerindən qaçıb. Sonra V. Qasımova zəng edib, öldürdüyünü deyərək, pulun qalanını istəyib. V.Qasımov dərhal T.Məmmədovaya zəng edərək E.Ağayevin öldürüldüyü xəbərini verib.T.Məmmədova E.Ağayevin ölmədiyini, bu işlə əlaqədar qardaşlarının Abşeron Rayon Polis Şöbəsinə gətirildiyini, özünün də orada olduğunu bildirib. Daha sonra İ.Hacıyevin yaşadığı evə qayıdaraq, E.Ağayevin ölmədiyini, ona görə də pulun qalan hissəsinin verilməyəcəyini söyləyib. Xatırladaq ki, Abşeron RPŞ əməkdaşlarının keçirdiyi əməliyyat axtarış tədbirləri nəticəsində hər üç şəxs yaxalanaraq, istintaqa təhvil verilib. T.Məmmədova və V.Qasımov barəsində Azərbaycan Respublikası CM-nin 29, 120.2.1-ci, İ.Hacıyev isə həmin məcəllənin 29, 120.2.1 və 228.1-ci maddələri ilə cinayət işi açılıb.
Cəfər

“Gündəm Xəbər”