Noyabrın 16-da Bakıda avtobus qəzası baş verib.

Lent.az-ın məlumatına görə, Salyan şossesidə, 20-ci sahə dairəsi yaxınlığında «BakuBus» MMC-yə məxsus 6 saylı marşrut üzrə hərəkət edən avtobus divara çırpılıb. Qəza nəticəsində 1979-cu il təvəllüdlü Tofiq Əliyev də daxid olmaqla 7 nəfər yüngül xəsarət alıb.

Xəsarət alanlar dərhal xəstəxanaya çatdırılıb və onlara ilkin tibbi yardım göstərilərək evə buraxılıb.

Faktla bağlı araşdırma aparılır.

* * *10:11

Xətai rayonunda yol qəzası baş verib.

Lent.az-ın məlumatına görə, 8 saylı "BakuBus"un avtobusu "Maserati" markalı avtomobillə toqquşub.

Qəza rayonun Afiyəddin Cəlilov küçəsində qeydə alınıb. Sərnişin avtobusu sola dönən zaman "Maserati"ni gözləməyib. Nəticədə toqquşma baş verib. Qəza zamanı xəsarət alan olmayıb.

Hadisə yerinə Dövlət Yol Polisinin Xətai Rayon Şöbəsinin əməkdaşları gəliblər.

Faktla əlaqədar araşdırma aparılır.