Rayon müəllimləri kütləvi aksiyalara qərar verib

Cəlilabad ziyalıları Xalqxeber.Az-a məktub və şok yaradacaq rüşvət siyahısı göndəriblər. Məktubu olduğu kimi təqdim edirik:
“Hörmətli cənablar. Biz Cəlilabad ziyalıları olaraq təhsilimizdəki biabırçı halları sizin nəzərinizə çatdırırıq. Cəlilabad Təhsil şöbəsində hesablama palatasının yoxlamasının aldığı pullar barədə bazarlarda oturub göy satan qadınlar dəqiqliyi ilə bildiyi halda bizim hüquq mühafizə orqanları susur, bütün bu çirkin əməllərə dövlət göz yumur. Bütün bu çirkin hallar rüşvətxorluq xalqın dövlətə olan etibarını azaldır, hər şeyi rüşvət həll etdiyini zənn edərək ümidsiz bədbin vəziyyətə düşür sonda da çıxış yolunu tapa bilmirlər .
Cəlilabad Təhsil şöbəsinin müdiri Ədalət Əsgərov nə boyda adamdır ki, hamının gözü qarşısında 22 ildir ki məktəbləri talan edir. Məktəblər hər ay əmək haqqı aldıqdan sonra onun otağı ilə üzbəüz müəyyən siyahı əsasında çox böyük rəqəmlərlə (500-800 manat) arası özünün əl altısı olan Ələddin Əsədullayev ən böyük rəqəmləri isə “narkotiklə tutularaq 8 ay həbs cəzası almış bacısı oğlu Rəşad Salmanov” tərəfindən bu pullar toplanılır. Rayon hüquq mühafizə orqanlarının gözü qarşısında günün–günorta çağı yığılan pullar Ə.Əsgərovun evinə göndərilir. Ə.Əsgərovun bu cürə korrupsioner fəaliyyəti onu göstərir ki, onun əli çox uzaqlara çatır. Təhsil şöbə müdirinin yığdığı pulların müəyyən hissəsi bu xalqın çörəyini yeyib boya başa çatmış bir çox yüksək məmurların cibinə gedir. Korrupsioner Ə.Əsgərovun dövlətə qarşı zidd hərəkətlərini sizin nəzərinizə çatdırırıq. Ə.Əsgərov bir valideyn kimi nə qədər əxlaqdan kənar olan insandır ki, vaxtı ilə böyük pullar üstündə düşən mübahisədə bacısı oğlu Rəşad Salmanovun şəxsi maşınına narkotik maddə atdıraraq tutdurmuşdur. Cəlilabad camaatının böyük nifrətindən belə çəkinməmiş hər şeyin rüşvət həll etdiyi indiki zamanda sonra onu yenidən gətirərək RTŞ –da “buxaltr” müavini vəzifəsinə qoymuşdur.
Vaxtı ilə Cəlilabada qaçqın kimi ailəvi gələn Rəxşəndə Qasımova heç yerdə işləmədiyinə baxmayaraq RTŞ-da bağça tərbiyəsi metodisti kimi vəzifəyə gətirmişdir. Hal hazırda dövlət qulluqundan imtahandan keçməyərək Təhsil Nazirliyi ilə əlaqəyə girmiş onu dövlət qulluqçusu kimi kadrlar şöbəsinə rəhbər təyin etmişdir .Təhsil Nazirliyinin əmirinə zidd olaraq sinifdən şagirdin sayının 40 nəfərdən çox olduğu halda bölünməsi nəzərdə tutulmasına baxmayaraq Cəlilabad RTŞ-də 21,22,23,24,26,27 şagirdi olan sinifləri iki “komplet” halında fəaliyyət göstərməsinə şərait yaratmış, dövlətin küllü miqdarda pulunu mənimsənilməsi işini davam etdirir. Bildiririk ki, 2012-ci ilin Noyabr ayında Respublika Hesablama palatası bütün bu nöqsanları ört-basdır edərək RTŞ-dən küllü miqdarda pul almış 5-6 sinif bağlamışdı. Yekunda təmizlik aktı yazdılar. Hal hazırda Cəlilabad rayonunda ümumi təhsil məktəblərinin 40 direktoru Təhsil Nazirliyi tərəfindən təsdiqindən keçmədən işləyir, bəzi məktəb direktorları isə Ə.Əsgərovun rüşvət tələblərinə duruş gətirə bilməyərək vəzifələrindən imtina edirlər. Hal–hazırda məktəblər başlı başına buraxılaraq səriştəsiz müəllimlərə tapşırılıb. Onların işi isə aylıq pullarını vaxtı vaxtında müəllimlərdən yığmaqdır. Sizin nəzarətinizdə Ə.Əsgərovla bağlı küllü miqdarda matriyalların olmasına saxta diplomlar, ali təhsili olmayan məktəb direktorlarının vəzifəyə rüşvət yolu ilə təyin edilməsi və sair, baxmayaraq bugünkü günə qədər heç bir ciddi tədbir görülməyib, həmin şəxslər saxta diplomla böyük miqdarda rüşvət verərək Ə.Əsgərov tərəfindən müəllim və direktor vəzifəsinə təyin edilmişlər. Həmin direktor və müəllimlər dövlətin küllü miqdarda pullarını mənimsəmişlər. Sizə müraciət edərək soruşuruq. Korrupsiya necə olur?
Dövlət tərəfindən təhsil üçün illik ayrılmış təmir və inventarların alınmasına Ə.Əsgərovun bacısı oğlu R.Salmanov, baş buxaltırın müavini vəziyyətləri vəsaitləri zəruri ehtiyacı olan məktəblərə deyil pulu mənimsəmək mümkün olan məktəblərə ayıraraq, sənədləşmə işləri aparılır, küllü miqdarda pullar dayı-bacıoğlu arasında bölüşdürülür . Ə.Əsgərov RTŞ-ni özünün qanunları ilə idarə edir cəzasızlıq və nəzarət olmayan hazırkı şəraitdə 3 aparıcı məsləhətçi ştatının vakant olması barədə Təhsil Nazirliyinə məlumat verməyərək bu məsələni ört-basdır etmişdir. Aparatda iş bilməyən səriştəsiz adamlar toplusu yaratmışdır. Hazırda Cəlilabad ümumtəhsil məktəblərində istər şəhər və ya kənd məktəblərində dərslər keçirilmir, davamiyyət sıfır dərəcəsindədir, müəllimlər şagirdləri fərdi məşğələlərə cəlb edirlər, sinif otağında repititırlar hazırlıq keçir və aylıq pul Ə.Əsgərova verirlər. Bunuda deyim ki, aylığı gecikmiş məktəb direktorları cərimələnirlər. Məsələn 500 manat aylıq verən direktor 1 gün belə olsa bu pulu gecikdirərsə ondan cərimə haqqı olaraq 100 manat daha əlavə tutulur. Buda toplamada 600 manat edir.
Bu hələ ən az edən məktəb direktorunun aylıq rüşvətidir. Ə.Əsgərovun göstərişi əsasında rayon ümumtəhsil məktəblərində 30-40 il bundan əvvəl təşkil olunmuş fənd kabinetləri hələdə saxlanılır. Rayon üzrə tələbələri ödəyə biləcək 50 fənd kabineti yoxdur, halbuki 700-800 fənd kabinetini pulunu dövlət büdcəsindən ödənilib. Bu cür dövlətin pulları göyə sovrulur. Məktəblərdə fənd kabinetlərinin üstündə ancaq onların adları var. Cəlilabad rayonunun Ümumtəhsil məktəblərində əmək intizamı yox dərəcəsində olduğuna görə müəllimlər Ə.Əsgərovun və məktəb direktorlarının təhriki ilə kütləvi şəkildə xəstəliklə bağlı bülütenə çıxarıllar, həmin müəllimlər bülütenə getməyərək işlədikləri məktəblərdə qalaraq əvvəlki dərslərini tədris edirlər həmin pulları əksər hissəsi RTŞ-nin müdiri Ə.Əsgərova çatır.
Hörmətli cənablar nəzərinizə çatdıraq ki, Ə.Əsgərov haqqında baş prokrorluğa və aidiyyəti qurumlara ünvanladığımız yazıdan sonra onu işdən çıxarmasına baxmayaraq sabiq RTŞ müdiri Ə.Əsgərovu həbs etmək əvəzinə onu Cəlilabad rayonunun məktəblərinin birinə məktəb direktoru təyin etmək istəyirlər. Biz ziyalılar hökumətə buradan səslənirik, cənab prezident korrupsiya necə olur əyər bu şəxsi rüşvətə görə işdən uzaqlaşdırmısınızsa niyə məsuliyyətə cəlb etmirsiniz, əksinə yeni bir vəzifəyə təyin edirsiniz. Biz Cəlilabad ziyalıları olaraq bu məsələyə aidiyyəti qurumlar, hüquqi qiymət verməzlərsə o zaman biz müəllimlər kütləvi olaraq etiraz aksiyasına qalxacağıq”.