İmişlinin aqrar sektorunda yeyintilər, icra başçısı hələ
tikilməmiş məktəbi istifadə olunmuş kimi təqdim edib

Azərbaycan hökümətinin respublikada ərzaq təhlükəsizliyinin təminatı üçün qeyri-neft sektorunun, xüsusilə də aqrar sektorun inkişafına xüsusi diqqət göstərməsinə baxmayaraq bolğələrdə bu prosses tənəzüllə uğrayır. Təxminən 5 ilə yaxındır həyata keçirilən subsudiyalaşma kənd təsərrüfatı məhsulları istehsalçılarını, fermerləri həddən artıq çox sevindirsə də, təəssüf ki, bəzi maxinasiya və korrupsiya hallarına yol verilməsi ictimai qınaq, ictimai narahatlıq və narazılıq doğrumaya bilməz. Bu gün qeyd etdiyimiz sahədə ən ciddi problemlərin yaşandığı rayonlardan biri də İmişli rayonudu. Çünki subsudiyalar verilən dövrdə icra bşaçısı Əbülfəz Ağayev həmin subsudiyaların mənimsənilməsi üçün özünəməxsus metodlardan istifadə edib. Yəni, subsudiyaların verilməsi üçün fermerlərə əkin-biçin sahəsinin ərazisinə uyğun olaraq «şapka»lar təyin edib. Bundan əlavə, fermerlərə 50 faiz güzəştlə verilən subsudiyaların 50 faizini özünə götürüb. Beləliklə də fermerlərə çatacaq məbləğ 25 faiz olub. Təbii ki, bütün bunlar kənd təsərrüfatı məhsulları istehsalçılarını narahat etməyə bilməzdi. Çünki az məbləğdə pula yüksək məhsuldarlığa malik məhsullar istehsal etmək mümkün deyil. Ona görə də fermerlər ərzaq təhlükəsizliyinin təminatında əsas rol oynayan taxılçılığı inkişaf etdirməkdən vaz keçməyə qərar verdilər. Üstəlik, bəzi fermerlər əvvəllər taxıl zəmilərinin göz oxşadığı sahələri yonca və ot sahələrinə çevirdilər. Şübhəsiz ki, belə bir vəziyyət dövlət rəhbərliyini, şəxsən prezident İlham Əliyevi narahat etməyə bilməzdi. Məhz bu səbəbdən də dövlət başçısı Əbülfəz Ağayevi vəzifədən uzaqlaşdıraraq onun yerinə Vilyam Hacıyevi icra başçısı təyin edib.
İmişlilər indi də yağışdan çıxıb yağmura düşüblər
Yeni başçının İmişli rayonuna təyinatından sonra yenidən sevinən fermerlər subsudiyaları tam şəkildə ala biləcəklərinə inansalar da, Vilyam Hacıyev də onların bütün ümidlərini puça endirib. Bu barədə "AzeriNews.org"a daxil olan məlumatlarda qeyd edilir ki, İmişlidə ilbəil məbləği azaldılan subsudiyalar icra başçısı Vilyam Hacıyevin göstərişi ilə onun yaxın adamlarına, xüsusilə də şərik olduğu fermerlərə verilir. Üstəlik, bəzi fermerlərdən subsudiyaların alınması üçün əlavə pullar da istənilir. Hətta fermerlər o qədər soyulub-talanır ki, artıq İmişlidə əkin-biçinə maraq belə qalmayıb. Bu da İmişli əhalisinin böyük əksəriyyətininin məskunlaşdığı kəndlərdə sosial bəlalara yol açıb. Bəzi kəndlilər torpaq sahələrini əkib-becərməyin əlavə xərc olduğunu düşündüyündən qazanc dalınca Bakı şəhərinə və respublikanın digər iri şəhərlərinə üz tutmağa başlayıblar. Bütün bunlar da o deməkdir ki, yaxın vaxtlarda İmişli rayonu aclıq və səfalət içində yaşayan ailələrin, işsizlərin sayına görə respublikamızda öncül yerlərdən birini tutacaq.
Məsələ ilə bağlı araşdırmalarımız davam edir. Növbəti saylarımızda oxucularımıza İmişli rayonundakı fermerlərə ayrılan subsudiyalar, onların bölüşdürülməsi proseduru, Vilyam Hacıyevin fermerlərə təyin etdiyi «şapka»lar, həmçinin əkin sahələrinin və məhsuldarlığın ilbəil azalması ilə bağlı statistik göstəriciləri və digər məlumatları oxucularımızın diqqətinə çatdıracağıq. Amma
Fevralın 26-da İmişli rayonunun Xoşçobanlı kəndinin bir qrup sakini İlqar Əhmədov adına orta məktəbin həyətinə yığışaraq narazılıqlarını bildiriblər. Onlar sözügedən təhsil müəssisəsində aparılan təmir-tikinti işlərindən şikayətləniblər. Kənd sakinlərindən Hüseyn Həsənov bildirdi ki, 2011-ci ildə məktəbin iki tədris binasının əsaslı təmiri üçün büdcədən 33.2 min manat ayrılıb: «Amma binalardan birinin dam örtüyünün dəyişdirilməsi və kiçik kosmetik işlərlə bu vəsait göyə sovruldu. Halbuki cəmi 160 şagird oxuyan bir məktəb üçün elə bu pulla yeni bina tikmək olardı. Növbəti il isə «təmirdən çıxan» binaların biri söküldü. Bizə deyildi ki, burada müasir üslublu, hər cür texniki vəsait və avadanlıqlarla təchiz olunan yeni bina tikiləcək. Məktəbin kənarları abadlaşdırılacaq, açıq və qapalı yerlərdə idman qurğuları quraşdırılacaq. Bu məqsədlə 861 min manat vəsait ayrılmışdı. Amma bunların heç biri olmadı».
Məktəb üçün ayrılmış ərazi olduqca genişdir. Amma gözə nə bir ağac dəyir, nə də futbol qapısı. Bir neçə avtomobil təkəri yerə basdırılıb. Məktəbin müəllimi Tərmilə Hacıyeva deyir ki, bura təhsil müəssisəsindən çox, maldarlıq təsərrüfatına bənzəyir: «Biz nə qədər maraqlansaq da, təmir-tikinti işlərinin layihəsi üzə çıxarılmadı, podratçı təşkilatın adını belə öyrənə bilmədik».
Məktəbin istifadəsində olan ərazinin kənarlarına dəmir tor çəkilib. Məktəb direktorunun təsərrüfat işləri üzrə müavini Vüqar Bağırov deyir ki, əvvəlki torlar bundan qalın və etibarlı idi, indikilər qısa müddətdə sıradan çıxacaq: «İşə başlayan vaxtlar məktəbin həyətinə qalın armaturlar, bəzəkli metal lövhələr tökmüşdülər. Onu bircə günün içində yoxa çıxarıb, bu nazik künclükləri və simdən toxunmuş torları aldılar, yöndəmsiz halda ətrafı çəpərlədilər. Bundan əvvəlkiləri, habelə sökülən binaların şiferlərini, taxta materialları neylədilər, bilən yoxdur? Yeni tikdikləri binanın özülü etibarsızdır, çökək yerləri eləcə şoran torpaqla doldurublar, yer bərkidilməyib. Tikintidə mənşəyi bilinməyən sementdən istifadə edilib. Təzə elektrik transformatorunun alınıb quraşdırılması üçün 17 min manat silinib, halbuki bu, elə əvvəlkidir. Hətta ayaqyolu binası belə primitiv üsulla tikilib - kişi və qadın üçün nəzərdə tutulan otaqların qapıları yanaşıdır».
Səslənən iradları məktəbin direktor əvəzi Əlizamin Əhmədov da təsdiqlədi. Direktor əvəzinin bildirdiyinə görə, kənd sakinlərinin və pedaqoji kollektivin şikayətindən sonra İmişli rayon İcra Hakimiyyəti və təhsil şöbəsinin nümayəndələri gəlib məktəbə baxıblar. Əlizamin Əhmədov deyir ki, bina hələ istifadəyə verilməyib, amma plastik qapılardan biri artıq sıradan çıxıb, onu öz pullarıyla düzəldiblər.
Məktəbin nə giriş qapısı önündə, nə də həyətdə təmir-tikinti barədə məlumat lövhəsi var. Yeni dərs ili başlanmazdan əvvəl bəzi KİV-lərdə Xoşçobanlı kənd tam orta məktəbi üçün 2 yeni korpusun inşa edilərək, pedaqoji kollektivin və şagirdlərin ixtiyarına verilməsi barədə məlumatlar getmişdi. Halbuki həmin korpuslardan biri hələ də hazır deyil.