Bir sıra “Islam Dövləti” yaraqlısı və ailə üzvlərinin Dəməşqin cənubundakı rayonlardan çıxarılacağı gözlənilir.

Proses BMT-nin nəzarəti altında keçirilir.

Londonda fəaliyyət göstərən İnsan Haqları Mərkəzi onların təhlükəsiz çıxmasına şərait yaradıldılacağını bildirir.

Onların “İslam Dövləti” qrupunun nəzarətində olan Raqqa və digər ərazilərə çəkiləcəkləri gözlənilir.

İnsan Haqları Mərkəzi artıq həmin əraziyə avtobuslar göndərildiyini bildirir.

Hazırda Suriya və İraqın bir çox əraziləri “İslam Dövləti” qrupunun nəzarətindədir.