Rusiya Tacikistandakı 201 saylı hərbi bazasında hərbçilərin sayını azaltmaq niyyətindədir. APA-nın “Reuters”ə istinadən verdiyi xəbərə görə, bu barədə Rusiya Müdafiə Nazirliyinin nümayəndəsi bildirib.

“Hərbçilərin sayı azaldılacaq, lakin operativlik və yarana biləcək hər-hansı hadisəyə təcili reaksiya vermək qabiliyyəti xeyli artırılacaq”, deyə Rusiya Müdafiə Nazirliyinin nümayəndəsi qeyd edib.

Nazirliyin nümayəndəsi kontingentin azaldılması ilə bağlı konkret rəqəm və tarix açıqlamayıb.