Şəki rayonunun Kiçik Dəhnə kəndinin (Acınohur) ərazisində qeydə alınmış 120-dən çox Ağ Dərə kurqanlar qrupu dağılma təhlükəsi ilə üzləşib. Turan-ın bölgə müxbiri kurqanların yerləşdiyi ərazidə olub. Tarix üçün əhəmiyyətli, özündə dövrünün mifalogiyasını, astral təsəvvürləri cəmləşdirən kurqanlar yerli sakinlər tərəfindən şumlanır. Bu proseslərə yerli hakimiyyət də göz yumur. Ərazidə həm də orta və son tunc dövrünə aid yaşayış məskəni (tədqiq olunmayıb) şumlanıb və üst təbəqə məhv edilib.