Məhəmməd Gəncəvi: “Mən həmin şəxslərə bildirirəm ki, istədiyiniz qədər yalan danışın, böhtan atın. Ancaq unutmayın ki, tərcümeyi-halı təmiz olan hər kəsə atılan ləkə, dərhal bumeranq effekti də verəcək”
Gəncə şəhər sakini Məhəmməd Gəncəvi “Gündəm Xəbər” qəzetinin çoxsaylı oxucularından biridir. O, bildirir ki, “bu günədək üzləşdiyim haqsızlıqlarla bağlı ayrı-ayrı dövlət qurumlarına yüzlərlə şikayət ərizələri ünvanlamışam, teleqramlar vurmuşam, amma haqqımın bərpasına heç cür nail ola bilməmişəm. Çünki, məni olmazın müsibətlərlə üz-üzə qoyanların tam əksəriyyəti, yüksək çinli vəzifə sahibi olanlar olduğundan, onlar məni hətta həbs də etdirə biliblər. Amma, daxili qürurum, əyiləməz iradəm, məni bu gündə mübarizə aparmağa sövq edir. Çünki, nəslim-əcabətim Gəncəli olub və bu gün də mən nəslimin ad-sanını yaşadanlardanam”. Sözsüz ki, bütün bunlar ahıl yaş həddinə çatan, amma bugünkü iradəsi ilə heç də gənclərdən geri qamlmayan Məhəmməd Gəncəvinin açıqlamalarıdır. Odur ki, onun bir daha redaksiyamızın elektron poçtuna göndərdiyi və üzləşdiyi problemlərin həllinə kömək məqsədilə ölkə rəhbəri cənab İlham Əliyevə ünvanladığı müraciəti, çoxsaylı oxucularımızın da diqqətinə çatdırırıq.
Möhtərəm prezident! Mənim Sizdən xahişim oudur ki, ünvanınıza yazmış olduğum şikayət ərizəsini səlahiyyət verdiyiniz şəxsə, yəni Gəncə şəhər İcra Hakimiyyətinin başçısı cənab E.Vəliyevə göndərilməsinə imkan verməyin. Ona görə ki, o, Sizi eşitmir, Sizə xəyanət edir və məni də, dələduzluqla məşğul olan cinayətkarların ayaqlarına verir. Əgər bu belə olmasaydı, o halda cinayətkarlar hələ də azadlıqda gəzməzdilər. Mən bundan əvvəlki açıqlamamda da bildirmişdim ki, 2005-ci ildə, Gəncə şəhərində bəzi qüvvələrin dövlət çevrilişinə cəhd etdikləri zaman, başıma gətirilməyən müsibətlər qalmadı. Başda Dövlət Təhlükəsizliyi Xidmətinin bugünkü rəisi M.Quliyev olmaqla, Gəncə şəhər Polis İdarəsinin sabiq rəisi, mərhum R.Musayev (Allah-Təala ona rəhmət eləsin), şəhərin sabiq prokuroru A. Vəliyev (hal-hazırda Baş Prokurorluqda vəzifə daşıyır), Gəncə şəhər İcra Hakimiyyətinin sabiq başçısı E. Əzizov (o, hal-hazırda Səbail rayon İcra Hakimiyyətinin başçısıdır), Gəncə şəhər Səhiyyə İdarəsinin rəisi, professor, “əməkdar həkim” adlarını daşıyan Ə. Məmmədov, 2 saylı Poliklinikanın baş həkimi, "əməkdar həkim" İ.Babayev, təhqiqat şöbəsinin rəisi F.Ağayev və.s kimiləri, görəsən hansı fəaliyyətlərinə görə general rütbələri, əməkdar həkim fəxri adları və.s kimi titullara sahib görülüblər?
Mən cəzaçəkmə müəssisəsində olarkən bu çox cənayətlərə görə də səsimi ucaltdım və heç bir əsas olmadan da, cəzamın 2 il 9 ayını Qobustan Ciddi Rejimli Həbsxanada da çəkdim. Həbsxanada mərhum prezidentimiz Heydər Əliyevin və ölkə rəhbərimiz cənab İlham Əliyevin plakat-şəkillərini qanım hesabına qorudum. 2008-ci ildə 16 saylı həbsxanada dustaqlardan yalnız mən, İTV kanalında ölkə rəhbərimizin ünvanına xoş sözlər deyə bildim. O vaxt Qobustan həbsxanasına göndərilməyimə səbəb, Pentensiar Xidmətdə işləyən Elçin müəllimin vermiş olduğu göstəriş oldu. (O, hal-hazırda 16 saylı cəzaçəkmə müəssisəsində rəis müavinidir). Bakı şəhər Apelliyasiya Məhkəməsində üstümdən 2 il 6 ay iş götürülsə də, o, mənimlə qəddarcasına davrandı və məndən heyf çıxmaq üçün, məni 14 saylı cəzaçəkmə müəssisəsinə də göndərdi.
Onu da qeyd edim ki, 1995-ci ildə cənab Mədət Quliyev Gəncə şəhər Polis İdarəsində idarə rəisi idi. Həmin vaxt sabiq Daxili İşlər Naziri İ.Həmidovun yaxını olan Zaur adlı şəxs, yoldaşımla mübahisə edərkən demişdi: "ay Ema xala, onsuz da hökumət yoxdur, mən heç kimdən qorxmuram. Dayım N.Əfəndiyevdir". Həmin vaxt yoldaşım onun danışdıqlarına dözmür və Zaurun sifətinə bir sillə də vurur. Mən də əlimdəki armaturla Zauru döyə-döyə şöbəyə apararkən o, trolleybusdan düşüb qaçdı. Həmin vaxt Mədət Quliyev baş verən olay barədə məlumatlı olsa da, nədənsə Zaurla bağlı heç bir tədbir görmədi. Mən isə, heç bir əsas olmadan Gəncə təcridxanasına salındım. İstədilər ki, həyat yoldaşımı da həbs etsinlər, o vaxt Milli Məclisdə İnsan Haqları Komissiyasının sədri olan və mərhum prezidentimiz Heydər Əliyevə rəğbət bəsləyən Aslan Abbasov, bizim həbs olunmağımızın qarşısını ala bildi. Əfsuslar olsun ki, belə bir millət vəkilini kimlərə görəsə işindən də azad etdilər. Mən mətbuat vasitəsilə Aslan müəllimə salamımı yetirirəm, ona uzun ömür və can sağlığı da arzulayıram. Bu gün mən cənab Mədət Quliyevə sual verirəmki, “o vaxt Milli Qəhrəman fəxri adı sizə düşürdü, yoxsa həyat yoldaşıma?”
Mən dəfələrlə mərhum prezidentimiz Heydər Əliyevin, ölkə rəhbəri cənab İlham Əliyevin və daxili işlər naziri Ramil Usubovun şəkillərini təhqir edənlər haqda, türk dünyasının lideri Mustafa Kamal Atatürkün və hökumətimizin ünvanına təhqiramiz ifadələr işlədənlər barədə Prezident Aparatına, Baş Prokurorluğa, Daxili İşlər Nazirliyinə və Milli Təhlükəsizlik Nazirliyinə şikayət ərizələri yazmışam. MTN-dən mənə bildirirlər ki, “sənin şikayət ərizənə mütləq baxılacaq”. Altı ay bundan əvvəl isə, nazirlikdən mənə bildirdilər ki, “biz elə işlərlə məşğul olmuruq”. Görəsən Milli Təhlükəsizlik Nazirliyi hansı işlərlə məşğul olur? Mən cinayətkarlar barəsində və Milli Təhlükəsizlik Nazirliyindən verilən cavablarla əlaqədar baş prokurorun I müavini cənab Rüstəm Usubova, Dövlət Təhlükəsizlik Xidmətinin rəisi cənab Mədət Quliyevə şikayət ərizələri ünvanlasam da, onlar heç bir tədbir görmədilər. Ona görə ki, cinayətkar F.Abdullayeva mərhum prezidentimiz Heydər Əliyevin sırf düşməni olmuş F.Məmmədovun, (Frenk Elkaponi) Gəncə şəhər Polis İdarəsinin sabiq rəisi N.Əfəndiyevin, sabiq şəhər prokuroru A. Vəliyevin və Gəncə şəhər icra hakimiyyətinin sabiq başçısı E.Əzizovun adamıdır. V.Hümbətovun əmisi isə, Gəncə şəhər Dövlət Təhlükəsizliyi Şöbəsinin rəisi olub. Sabiq Milli Təhlükəsizlik naziri E. Mahmudovun da dostudur.
M.Quliyev Pentensiar Xidmətin rəisi olarkən demişdi: "Prezdient İlham Əliyev mənə etimad göstərib, mən də bu etimadı doğrultmağa çalışacağam”. Artıq şəhərin prokuroru F.Həsənəliyev, şəhər prokurorluğunu təmsil edə bilmir. Qanunu pozanlar, mənəviyyatını itirənlər, dələduzlar həmişə ifşa olunublar, bundan sonra da olacaqlar. Mən mətbuat vasitəsilə üzümü dələduzluqla məşğul olan V.Hümbətova tutaraq deyirəm ki, “şər atan kim olar?” Deyirəm kişinin gərək ləyaqəti, dəyanəti olsun. Əsas da "üzdəniraq" olmasın. Deyirəm ki, mənə, mərhum prezidentimiz Heydər Əliyevin, ölkə rəhbərimiz cənab İlham Əliyevin plakat-şəkillərinə şər və böhtan atan, məsxərəyə qoyan dələduzun arvadı fahişə, özü isə "üzdəniraq" olur. Cinayətkarları da müdafiə edən hüquq-mühafizə orqan əməkdalarına ayıb olsun deyirəm. Allah-Təala Gəncə şəhər İcra Hakimiyyətinin başçısı, prezidentimizin səlahiyyətli nümayəndəsi E.Vəliyev cənablarına bir az insaf versin ki, bəlkə ona arxa-dayaq olan Bəylər müəllimə bir az hörmət qoya bildi.
Son hadisələr bir daha sübut edir ki, “zəhmli fərman”ların vaxtı-vədəsə çoxdan çatıb. Bu hadisələrdə əli olan insanlar elə cəza almalıdırlar ki, gərək yeddi nəslə örnək olsun. Mən ölkə Prezidentinin bu məsələni nəzarətinə götürəcəyinə inanıram. Mən o hala da inanıram ki, Gəncə şəhər hüquq-mühafizə orqan rəhbərləri mənə heç bir halda zərbə vura bilməyəcəklər. Əslində ən böyük zərbəni, elə onlar özlərinə vururlar. Mən həmin şəxslərə bildirirəm ki, “istədiyiniz qədər yalan danışın, böhtan atın. Ancaq unutmayın ki, tərcümeyi-halı təmiz olan hər kəsə atılan ləkə, dərhal bumeranq effekti verəcək. Üzünüzə sıçrayan ləkəni silməyə cəhd etməyin, çünki su bütün ləkələri yumağa heç də qadir deyil. Ardı var...

Məhəmməd Gəncəvi