İnformasiya agentliyi qəzetin məhkəmə prosesləri haqda düzgün olmayan xəbərlər yayır

Aprelin 4-də saat 15:00-da Gəncə şəhər Kəpəz rayon məhkəməsində hakim Yaşar Həşimovun sədrliyi ilə “Gündəm Xəbər” qəzetinin təsisçisi və baş direktoru Şirin Cəfərinin AR CM-nin 213.2.2 maddəsi ilə hazırlıq işi başlanmışdır. Məhkəmə proseduralarına uyğun olaraq hakim Y. Həşıimov qəzetin təsisçisi barədə toplanmış materiallarla Ş. Cəfərini tanış etmiş, sonra onu dinləmişdir. Qanunun aliliyinə hörmətlə yanaşan qəzet təsisçisi məhkəmə prosesində “haqq və ədalətın əsas meyar olacağına, azad mətbuatın və sözün qorunmasına, eyni zamanda ölkədə sərbəst məhkəmə orqanının bu işə vicdanla yanaşacağına” inanaraq qarşıya çıxacaq sullrı cavablandırmağa hazır olduğunu bildirmişdir.
Hazırlıq işində Şirin Cəfəri Dövlət tərəfindən ona ayrılan vəkil Yusif Hüseynovdan imtina etdiyini və yeni vəkil tutacağını da hakimin nəzərinə çatdırmışdır. Müşavirədən sonra hakim Yaşar Həşımov məhkəmə prosesinin 11 aprel 20013-cü il tarixində saat 15:00-da keçiriləcəyini qərara almışdır.
Onu da bildiririk ki, müdafiə tərəfi məhkəmədə Ş. Cəfərinin CM-nin 213.2.2-maddəsi ilə təqsirləndirilən şəxs qismində cəlb ediləcək barəsində başqa yerə getməmək haqqında iltizam qətimkan tədbirinin ləğv olunması barədə heç bir vəsatət qaldırmamışdır. Bu haqda APA informasiya agentliyinin yaydığı xəbər təxribat xarakteri daşıyır. Çünki buna qədər də sözügedən agentlik qəzetlə bağlı məhkəmə prosesləri haqda düzgün olmayan informasiyalar vermişdi.
Qeyd edək ki, Baş prokuror yanında Korrupsiyaya qarşı mübarizə idarəsində “Gündəm xəbər” qəzetinin təsisçisi Şirin Cəfəri barəsində Cinayət Məcəlləsinin 213.2.2 (vergi ödəməkdən yayınma) və 308.1-ci (vəzifə səlahiyyətlərindən sui-istifadə) maddələri olan cinayət işinin istintaqı aparılıb. İstintaqla müəyyən edilib ki, guya qəzetin təsisçisi Şirin Cəfəri vergi ödəyicisi kimi qəzetin nəşri və satışını həyata keçirərkən 71 min 478 manat məbləğində külli miqdarda vergini dövlət büdcəsinə ödəməkdən yayınıb. Bu işin qondarma və sassız olması ən azından rəqəmlərdən görünür.