Beynəlxalq təşkilatların nümayəndəsinin aldadan təcridxana rəisinə töhmətdə verilib

Qadın məhkumlar arasında ciddi xəstəliklər yaranıb, Qobustan həbsxanasında işgəncələr davam edir

Ötən həftə Ədliyyə Nazirliyi Penitensiar Xidmətdə kadr dəyişikliyinin baş verməsi ilə bağlı məlumat yayılıb. Həmin məlumatda qeyd olunub ki, Gəncə istintaq təcridxanasının rəisi Şakir Bayramov xidmətdə verdiyi nöqsanlara görə vəzifəsindən azad olunub. Aparılan yoxlamalar zamanı təcridxananın bir neçə əməkdaşının da işində nöqsanlar aşkar edilib və onlar da vəzifələrindən azad olunublar.

Şakir Bayramovun və bir neçə işçisinin vəzifəsində azad edilməsinin bəzi səbəbləri üzə çıxıb. Bir ay əvvəl istintaq təcridxanasına beynəlxlaq təşkilatların nümayəndəsi gəlib. Şakir Bayramov bərbad vəziyyətdə olan təcridxananın bir korpusunu üzdən təmir edib və həmin təmir olunmuş korpusu beynəlxalq təşkilatlara bir neçə korpus kimi təqdim etməyə çalışıb.

Belə ki, beynəlxalq təşkilatların nümayəndələri gəlməmişdən əvvəl Şakir Bayramovun göstərişi ilə təcridxananın təmin olunan korpusuna reklam lövhələri asıb və təşkilat nümayəndələrini həmin korpusla tanış edib. Bundan sonra nümayəndələr başqa korpusa keçmək istəyən zaman reklam lövhələri götürülüb və təcridxana rəhbəri əcnəbiləri yenə də həmin korpusa gətirib.

Həbsxanalarda nə baş verir?

Amma təcridxana rəhbərliyi əcnəbiləri aldada bilməyib. Onlar bildiriblər ki, bayaq olduqları yerdir, məhkumlarda həmin şəxslərdir. Beynəlxalq təşkilatların nümayəndələri baş verən bibarıçı hadisə ilə bağlı müvafiq qurumlara məlumat veriblər və öz hesabatlarında baş verənləri kəskin tənqid ediblər.

Bundan sonra Penitensiar Xidmətin rəhbərliyi səviyyəsində Gəncə istintaq təcridxanasında ciddi yoxlamalar aparılıb. Aşkar olunan nöqsanların nəticəsi olaraq təcridxananın rəisi və bir neçə məsul şəxsi töhmət alaraq vəzifələrindən qovulublar.

Daha sonra Penitensiar Xidmətin nəzdində olan bir neçə cəza çəkmə müəssisəsində də yoxlamalar başlayıb. Yoxlamaların nəticəsi olaraq 4 saylı cəzaçəkmə müəssisəsinin rəis müavini, ədliyyə polkovnik-leytenantı Emin İslamov tutduqları vəzifələrdən kənarlaşdırılıb. Buna səbəb həbsxanada məhkumlar arasında ciddi xəstəliklərin baş verməsi ilə bağlı olub.

Bildirilir ki, 2005-ci ilə kimi müddətdə həbsxanalarda saxlanma şəraiti normal olub. Aydın Qasımov Pentensiar Xidmətdə rəhbəlikdən kənarlaşdırıldıqdan sonra vəziyyət daha acınacaqlı duruma səbəb olub.

Nazim Ələkbərov Pentensiar Xidmətə rəhbər gətiriləndən sonra və onun rəhbərliyi olduğu 5 il müddətində türmələrdə özbaşınalıq ən pis həddə çatmışdı.

Amma Mədət Quliyev bu quruma rəhbər gətiriləndən sonra problemələr həll olunmağa başladı. Hətta məhkumların saxlanma şəraiti yaxşılaşdırıldı. Amma Mədət Quliyev bu qurumdan gedəndən sonra acı günlər yenə də başladı.

Bu gün ən acınacaqlı vəziyyət isə Qobustan Həbsxanasında baş verir. Həbsxanada məhkumların saxlanma şəraiti dözülməz həddə çatıb. Həbsxana rəisi Fikrət Qafarovun məhkumlara işgəncə verməsi barədə hər gün məlumatlar yayılır.

Ömürlük məhkumların müdafiə komitəsinin sədri, Qobustan Həbsxanasında cəza çəkən Şakir Rzaxanovun anası Müslümat Rzaxanovanın sözlərinə görə, Qobustan həbsxanasında məhbusların saxlanma şəraitinin dözülməzdir: “Həbsxana rəis Fikrət Qafarov gələndənqapalı həbsxanada səbəbi bildirilmədən hər zaman təhqiramiz surətdə əl qandalı tətbiq etməsi, məhbuslara şəxsən əvvəl özü işgəncələr

verərək, əlavə olaraq digərləri tərəfindən döyülüb karsa salınır. Məhkumlara mənəvi, fiziki işgəncələr tətbiq etdiyi barədə müraciət etdiyimiz əlaqədar rəhbərlik tərəfindən qarşısı alınmır.Rüşvətxorluq və digər cinayət xarakterli hərəkətlərə son qoyulmasına kömək etmək, həyatlarına rəis tərəfindən yaradılmış təhlükənin qarşısının alınması üçün məhbuslar müraciət edir”.

Komitə sədri bildirib ki, Fikrət Qafarovun ilk gündən məhbuslara işgəncələr verməklə səlahiyyətlərinin icrasına başlayıb: “İşgəncələrə dözməyərək özlərinə qəsd etmək məcburiyyətinə gətirilmiş məhbuslar barədə mətbuatda kifayət qədər məlumatlar yayılıb. Fikrət Qafarovun qəddarlıqlardan biri də heç bir səbəb olmadan qapalı həbsxanada saxlananməhbuslarahər zaman qolları ağrılı vəziyyətdə arxadan qandallanaraq 2-3, bəzən 5 saat kabinetinin qarşısında saxlamaqla, bəzən də cərimə təçridxanasında qolları arxadan çarpayıya qandallanaraq istirab verməklə, şəxsi metodu ilə “məhbusu islah” etməsinin nəticəsində məhbusa özünəqəsddən başqa seçim qoymur. Fikrət Qafarovun ilk iş günü, özünü təqdim etmədən məhbusla “tanışlığı” barədə məhbusun məktubunu olduğu kimi nəzərinizə çatdırmaq istəyirəm.

“Məni karsa saldılar”

“2014-cü ilin dekabr ayında bu barədə yazıb, sizə göndərməyə nə qədər cəhd eləsəm də mümkün olmadı. Məktublarımızı həbsxana rəisi zərfi ancaq açıq qəbul edir. Şikayət olan məktubu oxuduqdan sonra ünvanına göndərmir və həmin məhbus artıq Fikrət Qafarovun qara siyahısına düşür. Dekabırın 20-də, gündüz, təxminən 12.00-da qəflətənsaxlandığım kameranın qapısı açıldı. Əvvəllər heç vaxt görmədiyim, polkovnik, arxası ilə də içəri korpusun starşinası Asif və bir də həbsxananın psixoloqu kapitan Ədalət kameraya girən kimi, var gücü ilə üzümə möhkəm yumuruq vuraraq üstümə qışqırıb təhqir etdilər. Güclə, birtəhər özümə gələrək Asifdən soruşdum ki, mən nə eləmişəm, bu kimdir? Asif dedi ki, bu həbsxanaya təzə təyin olunmuş rəis Fikrət Qafarovdur. Mən birtəhər özümə

gələrək soruşdum ki, rəis mənim günahım nədir? Rəis mənim sualımı eşidən kimi nəzarətçilərə göstəriş verdi ki, əllərini qandallayın,aparın bunu salın karsa. Məni dərhal qollarımı arxadan, dözülməz ağrılı vəziyyətdə qandallayıb, karsa saldılar. Mən həbsxana rəisi ilə belə tanış oldum. Həbsxana rəisi bununla kifayətlənmədi, dəfələrlə məni zorakılıqla tam xasiyyətimizin tutmadığı, mənə təzyiq göstərmək üçün öyrədilmiş məhbuslarla bir kameraya köçürülürdüm.

Sonra isəheç bir səbəb olmadan, korpusda işləyən Emin Cəfərov adlı zabit rəisin göstərişi ilə mənə əl qandalı tətbiq etdi. Kapitan Emin Cəfərov mənə təzyiq etmək üçün təhqiramiz surətdə gah arxadan ağrılı vəziyyətdə, gah da qabaqdan hər addım başı qandal tətbiq etməyə başladı, mənə təsir etmək üçün kefi istəyən hərəkətlərə yol verirdi. Bir gün ona dedim ki, Emin müəllim, mən heç bir qanunsuzluğa və ya hər hansı hərəkətə yol vermədiyim halda, niyə mənə beləqandal tətbiq edirsiniz? Mənə cavabı bu oldu ki, dustağa qandal vurarlar da!”.

“Məni küçə söyüşləri ilə təhqir etdi”

Mən digər həbsxana personalından soruşdum ki, mən nə eləmişəm bu əziyyəti mənə verib, daim qollarımı arxadan qandallayırsız. Cavabını bilirdim deyəcəklər rəisin göstərişidir. Bu barədə Ombudsman Elmira xanıma 2 dəfə 7 mart və 18 aprel tarixlərdə müraciət etdim. 18 aprel 2016-cı il tarixdə, təxminən saat 17.30-da məni gözlənilmədən 4-cü korpusun inzibati otağına apardılar Orada məni 4-cü korpusun Rural adlı zabit və əməliyyat şöbəsinin işçisi Emin Cəfərov gözləyirdilər. Mən içəri gələn kimi onlar məni təhqir edib, hədələməyə başladılar ki, mən izahat yazım və həmin izahatda həbsxana rəisi Fikrət Qafarovun tərəfindən mənə qarşı heç bit kobudluq və qanunsuz əməl olmayıb. Mən onlara heç vaxt belə bir izahat yazmayacağımı bildirdim. Emin Cəfərov məni küçə söyüşləri ilə təhqir edib və sonra bildirdi ki, əgər dediyi izahatı yazmasam, onun başıma gətirəcəklərindən sonra peşman olacam.

Bildirdim ki, 4-cü korpusun daxilində 3 kamera quraşdırılın, dediklərimin hamısı oraya yazılır. Həyatıma onlar tərəfdən yaranmış təhlükənin qarşısını alınması üçün mən 18 aprel 2016-cı il tarixdə səlahiyyətli nümayəndəmə və Milli Məclisin İnsan Haqları şöbəsinin rəisinə müraciət etmişəm. Lakin bu günə kimi müraciətlərimin heç birinə cavab almamışam.

İzahat yazmağa etiraz etdiyim üçün Emin Cəfərov məni küçə söyüşləri ilə təhqir edərək hədələyib, nəzarətçi Rüfəti çağıraraq qollarımı qandallayıb və saxlandığım kameraya aparmağı əmr etdi.Mən Dövlət Başçısına, bütün əlaqədar rəhbərliklərə müraciət edirəm. Bu haqsızlıqlar təkcə mənə qarşı tətbiq edilmir. Bütün imkansız məhbuslar mənim günümdədir. Həbsxana rəisinin qəddarlıqları son həddə çatıb, həyatımıza qəsdən yaradılmış təhlükənin qarşısını alıb, cəzamızı dinc şəraitdə, qanunsuz, heç bir səbəb olmadan qandal tətbiq etməklə mənəvi işgəncələrin nəticəsidir.

“Rəhbərliyinin sərəncamını icra etdiyini” bildirən Fikrət Qafarovun rəis olduğu qısa zamanda ardıcıl məhbus ölümü baş verir. Məhbus yaxınları Dövlət Başçısından kömək istəyir.

gundemxeber.az