Azərbaycan Vergilər Nazirliyinin dəfələrlə vergidən yayınmaqda ittiham etdiyi, maliyyə pozuntuları və maliyyə öhdəliklərinin yerinə yetirilməməsi və bu kimi çoxsaylı əməllərinə görə dəfələrlə məhkəmələrdə sürünmüş və elə bu səbəbdən də cəmiyyətdə "məhkəmələrdə sürünən Nazim” imici qazanmış Nazim Məmmədovla bağlı daha bir məqam ortaya çıxıb.
Başda Azərbaycan Prezidenti İlham Əliyev olmaqla Azərbaycan cəmiyyətinin bütün ləyaqətli insanlarının 15 iyul 2016-cı ildə Türkiyədə baş verən hərbi çevriliş cəhdini narahatçılaqla izlədiyi və qardaş ölkənin lideri Rəcəb Tayyib Ərdoğana mənəvi-siyasi dəstək verdiyi bir zamanda keçmiş deputat, iqtisadiyyat üzrə ali təhsili olmadığı halda özünü "tanınmış iqtisadçı” kimi təqdim edən Nazim Məmmədov ("Bəydəmirli”) Fətullah Gülənə dəstək verib. Belə ki, o, bu barədə öz Facebook profilində xüsusi status paylaşıb və həmin status dərhal Fətullah Gülən cameəsinə bağlı olduğu heç kimdə şübhə oyandırmayan "Zaman” qəzetinin Azərbaycan versiyasında tirajlanıb.
Link: http://zaman.az/NewsContent/ZNewsContent/5265
Göründüyü kimi, həmin statusda və linkdə Nazim Məmmədov Türkiyə prezidenti Ərdoğanın hərbi qiyam əleyhinə xalqı küçələrə çağırmasını Ərdoğanın Türkiyəni "vətəndaş müharibəsi təhrik etməsi” kimi qələmə verir.
Halbuki mərhum Azərbaycan Prezidenti, Ümummili Lider Heydər Əliyev Surət Hüseynovun qiyam cəhdinə qarşı vaxtilə məhz bu cür çağırış etmişdi və bunu xatırlayan Azərbaycan cəmiyyəti "Ərdoğan Heydər Əliyevin üsulundan istifadə edir” deyə onun məqsəd və məramının məhz dövlətçiliyi qorumaq olduğu yönündə fikir bildirirdilər.
Əsl ixtisası "yer quruluşu” olan saxta "iqtisadçı”nın Azərbaycan-Türkiyə strateji əməkdaşlığına xələl gətirən bu mövqeyi isə Fətullah Gülənçilərin o qədər xoşuna gəlib ki, onun "fikirlər”inin qısa zamanda yayılmasına təşəbbüs göstəriliblər. Və bu Nazim Məmmədovun Fətullah Gülənə sevgi izhar etdiyi yeganə status deyil:




Məmmədovu Fətullah Gülənlə hansı tellər bağlaya bilər?
Azərbaycan Respublikası Vergilər Nazirliyini rəsmi saytında əks olunan məlumatlara görə, Məmmədov Nazim Hüseyn oğlu "Atahan Dəmir Sənaye” MMC-nin qanuni təmsilçisidir.
"Atahan Dəmir Sənaye” MMC 1000092671 saylı VÖEN-lə 2003-cü ildə qeydiyyatdan keçib. Yenə VN-nin rəsmi saytından məlum olur ki, həmin MMC Bakı şəhəri, Binəqədi rayonu, Dərnəgül qəsəbəsi, 3097- ci məhəllədə qeydiyyatdan keçib.



MMC-nin adını- "Atahan Dəmir Sənaye” Google axtarış sistemində arayan zaman özünü "Atahan Dəmir Sənaye”nin təmsilçisi kimi təqdim edən başqa bir şəxsin də kimliyi üzə çıxır. Həmin şəxs "Ahmet Atahan” isimli və soyadlı Türkiyə mənşəli şəxsdir. Bu məlumat TUSİAB adlanan və Azərbaycan mediası tərəfindən dəfələrlə "Fətullah Gülənin Azərbaycandakı iş adamları şəbəkəsi” kimi təqdim edilən qurumun rəsmi saytında yayınlanıb.



Həmin şəxsin sosial şəbəkə profillərindən o da məlum olur ki, Ahmet Atahan adlı şəxs Türkiyənin Balıqəsir bölgəsindəndir.



İnternet axtarış sistemlərində üzə çıxan məlumatlardan o da aydın olur ki, Türkiyənin Balıqəsir bölgəsində "Atahan Demir Sənaye” adlı bir şirkət də movcuddur.

azim Məmmədovu Virtaulaz.org saytından "eşidək”:
"Mənim səhmdarı olduğum "Ataxan Dəmir Sənaye” MMC 2003-cü ildə dövlət qeydyyatından keçib, 2004-cü ildə fəaliyyətə başlamışıq. Yüz faiz xarici investisiyalı həmin müəssəyə mən 50 faiz payla şərik olmuşam və ora 700 min dollar məbləğində investisiya yatırmışam”.
2012-ci ildə "”Bzim Yol” qəzetinin internet versiyasında dərc olunmuş bir xəbərdə "Atahan Dəmir Sənaye” MMC Azərbaycan-Türkiyə birgə müəssisəsi kimi təqdim olunur.
Beləliklə, Nazim Məmmədovun özünü "Atahan Dəmir Sənaye”nin patronu və ya partronlarından biri kimi təqdim edən Ahmet Atahanla əlaqələrinin mövcudluğu şübhəli görünmür.
Nazim Məmmədovun Ərdoğan əleyhinə yazdığı statusun "Zaman” qəzetində yayınlanması, Ahmet Atahanın TUSİAB üzvü olması isə "Atahan Dəmir Sənaye”nin Balıqəsirdən Azərbaycana Fətullah Gülənin sayəsində gəlib-gəlməməsi ilə bağlı şübhələr və suallar yaradır. Bu suallara cavab almaq üçün Tezis.az saytı olaraq Ahmet Atahanın mövqeyini yayınlamağa hazırıq. Bilmək istəyirik ki, Ahmet Atahanın Nazim Məmmədovun qardaş Türkiyənin terrorçuluqda suçladığı Fətullah Gülən lehinə təbliğat aparmasında hər hansı rolu varmı?
Mövzunu davam etdirəcəyik.