Hadisə zamanı vəfat edən 2 yaşlı uşağın nənəsi dövlət qurumlarını ittiham etdi

Zəhra Babayeva: “FHN işçisi çıxıb balkonda oturub siqaret çəkirdi”

İyulun 14-də Bakı Ağır Cinayətlər Məhkəməsində Binəqədi rayonunda 16 mərtəbəli binada baş vermiş yanğınla bağlı həbs olunan şəxslərin məhkəməsi keçirilib.

Hakim Əfqan Hacıyevin sədrlik etdiyi prosesdə zərərçəkmiş Təyyar Cavadov ifadə verib. Təyyar Cavadov bildirib ki, təqsirləndirilən şəxslərdən heç kimi tanımır: “Hadisə vaxtı evdə qızım Şahnaz Qəniyeva və onun 1 yaş 9 alıq övladı Ömər içəridə olub. Mən isə həmin gün Bakı Qızlar Unversitütində imtahan komissiyasının üzvü oımuşşam. Bu zaman qızım mənə zəng vurdu və binanın yandığını, içəridən çıxa bilmədiklərini dedi. Təxmonən 15 dəqiqəyə evə gəkdim. Arıq yanğınsöndürənlər orda idi”.

Təyyar Cavdov bildirib ki, azyaşlı nəvəsi hadisə yerində ölüb, qızı isə xəstəxanada tibbi yardım alıb. O, bildirib ki, hadisə zamanı ona 74 min manat ziyan dəyib: “Mən hadisə zamanı 4 saat həyətdə qışqərmışam ki, iki nəfər jöməksiz vəziyyətdə 2-ci blok, 7-ci mərtəbə, 39-cu mənzilldə qalıb. Bir neçə saatdan sonra dedilər ji, içəridə heç kim qalmayıb. Məndə xəstəxanaya getdim. Orada nəvəmin öldüyünü bildim. Ailəmin və özümün sarsıntı keçirmətimlə bağlı təzminat tələb edirəm. Mənəvi zərərin miqysı yoxdur. Dünya miqyası ilə ölçülsə, bu 10 mikypn miqdarındadır.

Amma Azərbaycan rellığı ilə 100 min manat təzminat tələb exirəm. Burada mühakimə olunan 8 nəfərin cinayətkar olduğunu bilmorəm. Əgər məhkəmənin qərarı ilə bu şəxslər cinayətkar olduğu müəyyən olunsa dəymiş həm ziyanı, həm də mənəvi ziyanı onlardan tələb edəcəm”.

Digər zərərçəkmiş Rəsmiyyə Mustafayeva ifadə verib. O, bildirib ki, hadisə zamanı evdə olmayıb. Zərərçəkmiş Səbinə Manafova qeyd edib ki, işdə olduğu vaxt anası Elmira zəng vurub: “Anam dedi ki, bina yanır, köməksiz qalmışaşm. Tələsik evə gəldim. Anamı bonanın həyətində tapdım. Anamın vəziyyəti ağıd idu. Onu xəstəxanaya apardıq”.

Daha sonra zərərçəkmiş Ilqar Vahabov ifadə verib. O bildiribki, hadisə zamanı işdə olub: “Həyat yoldaşım Aysel zəng vurub və binanın yandığını deyib. Ona tez evdən qaçmasını bildirib. Təxminən saat 11-də zəng vurdum. Yoldaşıma zəng catmadı. Həyacalı olduğum üçün evə gəldim. Həyat yoldaşımı tapa bilmədim. Həmin vaxt uşaqlar dərzdə idi. Məndəməktəbə grtdim. Həyat yoldaşım məktəbdə idi”.

Ilqar Vahabov qeyd edib ki, ona 30 min manat maddi ziyan dəyib: “Bunu iddia ərizəmdə göstərmişəm. Allah bir daha göstərməsin, dəhşətli hadisə idi”.

Daha sonra zərərçəkmiş Ərəstun Nemətov bildirib ki, binanın 16-cı mərtəbəsində yaşayır: “Mən taksi fəaliyyəti ilə məşğul olduğum üçün binanın həyətində maşında oturmuşdum. Birdən bina yanmağa başladı. Evdə həyat yoldaşım, oğlum və azyaşlı nəvəm var idi. Evə qaçdım ki, ailəmi çıxardım. Birtəhər onları evdən

çıxara bildim. Onlar tüstüdən boğylurxu. Nəvəm dedi ki, baba ölürəm. Ona dedim ki, qoymaram öləsən”.

Yanğın zamanı vəfat edən Ayxan Babayevin nənəsi Zəhra Babayeva ifadə verib. O deyib ki, qızı yenicə ana olduğu üçün prosesə qatıla bilmir: “Yanğın vaxtı rəfiqəm zəng edib dedi ki, binanız yanır, evdə kimsə var? Dedim uşaqla dayə evdədi. Dayə ilə danışdım, dedi yanğın böyükdü, çıxa bilmirik. Mən gəlib çatanda gördüm bizim mənzil tərəf yanmır, rahatlaşdım ki, indi söndürəcəklər. Orda itki az ola bilərdi, nəvəm sağ qala bilərdi. Biz FHN işçilərinə yalvarırdıq ki, binanın bu tərəfi yanmır, kranla çıxın adamları düşürdün. Saat 12-yə kimi nəvəm sağ olub. Dayə ilə danışırdıq, deyirdi daha nəfəs ala bilmirəm, uşaq da boğulur. Nə qədər sonra kran gəldi, 5-ci mərtəbədən yuxarı qalxmırdı. FHN işçiləri gəlmişdilər, maskasız idilər deyə binaya girə bilmirdilər. Özümüz girmək istəyəndə bizi vururdular, kürəkənimin alnını partlatdılar. Deyirdik adamları çıxardın, qərargahın rəhbərliyi deyirdi qoy yanğını söndürək, sonra adamları çıxararıq. Bizə yalandan deyirdilər hamı bir otaqdadı, dayə də ordadı, uşaq da. Amma həmin vaxt uşaq ölübmüş. Ayxan saat 12:03-də boğulub. FHN işçisi çıxıb balkonda oturub siqaret çəkirdi. Saat 2-də kran gəldi, FHN işçisi binanın çölündən koridora baxıb deyirdi ki, “adam yoxdu”, daha binaya girmirdi. Özündən gedən adam gəlib dəhlizdə uzanır? Budur Azərbaycanın fövqəladə sistemi? Biz çöldə dayanmışdıq, vertolyot suyu binanın üstünə yox, bizim üstümüzə tökürdü. Uşağı çıxaranda bizi qoymadılar təcili yardım maşınına minməyə. Uşağın köynəyinin üstündən ona iynə vurmuşdular. “Semaşko”ya getdik, siyahıya baxdım, gördüm Ayxanın adının üstündən xətt çəkiblər. Soruşdum, dedilər burda yoxdu, ona görə.

Amma ölübmüş, bizə demədilər. Axşamüstü saat 5-də morqda tapdıq. Biz həmin gün hər şeyi yuxu kimi yaşayırdıq. Ayxan bizim ilk nəvəmiz idi. Biz onum yeriməyinə, dil açmasına sevinmişdik. Həkim ölüm kağızına yazıb ki, dəm qazından zəhərlənib ölüb. O həkimin üzünə tüpürərəm, orda dəm qazı var idi?!”.

Rəna Əhmədova deyib ki, yanğın başlayan vaxt evə gəlib: “Gördüm nəsə ağ tüstü var, ordakı adamlardan soruşdum, dedilər nəsə yanğın var. Xətaidəki yanan bina gözümün qabağına gəldi. Tez yuxarı çıxıb, gəlinimlə nəvəmi götürüb binadan çıxartdım”.

Yanğınsöndürən Xətai Şahverdiyev deyib ki, mayın 19-u səhər növbəni təhvil verib imtahana gedib: “Orda Binəqədi rayonunun zabitlərinə dedilər ki, ərazinizdə yanğın var, gedin. Mən də Nəsimi rayonunun rəisi ilə danışıb icazə aldım, kömək üçün getdik. Biz imtahandan çıxıb getdiyimiz üçün formada deyildik, əsgər paltarındaydıq. Ora çatanda iş yoldaşlarımız dedi ki, temperaturdan qalxmaq olmur. Mən başıma papaq qoyub qalxdım, ratsiyam yox idi. On dördüncü mərtəbəyə kimi qalxdım, səkkizinci mərtəbədə uşaq meyiti gördüm, onu düşürməyi vaxt itkisi hesab etdiyim üçün yuxarı qalxıb sağ adam axtardım. 14-cü mərtəbədə açıq qapıdan girdim, yaşlı qadın var idi. Papağımı çıxarıb onun başına keçirtdim, bir az düşdük, dedi astmayam gəlmədi. Mən paltarımı da, balonu da ona verib, özüm qaçaraq düşdüm. Sonra gördüm ki, həmin şəxs düşmək istəmir, qorxur. Qayıdıb onu götürdüm, 6-cı mərtəbəyə kimi düşdük. Orada yanğınsöndürənləri gördüm, tüstüdən zəhərlənmişdim, özümdən getdim. Əməkdaşlarımız bizi çölə çıxartdılar. Binadan çıxanda da şüşə sınıb qolumu kəsmişdi. Heç bir tələbim yoxdur”.

Məhkəmə prosesi iyulun 19-da davam edəcək.

Qeyd edək ki, 2015-ci il mayın 19-da paytaxtın Binəqədi rayonu ərazisində çoxmərtəbəli yaşayış binasında ağır nəticələrə səbəb olan yanğın hadisəsi baş verib. Yanğın nəticəsində 16 nəfər ölüb, 50 nəfər xəsarət alıb.

“Qlobal Stone” MMC-nin baş direktoru Uğur Bəşirov, “Global Construction” MMC-nin təsisçisi və idarə heyətinin sədri Miryusif Mahmudov, həmin cəmiyyətin idarə heyətinin sədr müavini Ələkbər Əsgərov, Binəqədi rayon İcra Hakimiyyəti başçısının sabiq birinci müavini Qəzənfər Novruzov, 2012-2013-cü illərdə Binəqədi rayon Mənzil-Kommunal Təsərrüfat Birliyinin rəisi işləmiş rayon İcra Hakimiyyətinin Təsərrüfat şöbəsinin müdiri Ədalət Rəcəbov, Binəqədi rayonu, 72 saylı Mənzil Kommunal İstismar Sahəsinin rəisi Nizami Orucov, “Dərnəgül Boru Zavodu” Qapalı Səhmdar Cəmiyyətinin sınaq laboratoriyasının müdiri Ağacavad Məmmədov həbs olunublar.

Onlar Cinayət Məcəlləsinin 225.2 (yanğın təhlükəsizliyi qaydalarını pozma ehtiyatsızlıqdan zərərçəkmiş şəxsin ölümünə və digər ağır nəticələrə səbəb olduqda), 308.2 (vəzifə səlahiyyətlərindən sui-istifadə ağır nəticələrə səbəb olduqda) və 313-cü (vəzifə saxtakarlığı) maddələri ilə ittiham ediliblər.