Onun səhhətindəki problemlər getdikcə artir

“Gülər Əhmədovanın səhhətindəki problemlər son zamanlar özünü daha tez-tez göstərir. Son günlərdə bir neçə dəfə huşunu itirib. Yalnız həkim müdaxiləsindən sonra vəziyyəti normallaşıb”. Bunu AzNews.az-a hazırda istintaq təcridxanasında saxlanılan sabiq deputat G.Əhmədovanın vəkili Raqif Mustafayev bildirib: “Biz məhkəmə prosesində də bəyan edəcəyik ki, Gülər Əhmədovanın həbsinin heç bir qanuni əsası yoxdur”.
Mayın 13-ə qədər keçirilməsi nəzərdə tutulan məhkəmə prosesində G. Əhmədovanın iştirakına gəlincə, vəkil müdafiə etdiyi şəxsin məhkəməyə gətiriləcəyini bildirib: “Yəqin ki, Gülər Əhmədova məhkəməyə gətiriləcək”.