Son zamanlar ölkəmizdə intiharların sayı həddindən artıq çoxalıb. Ən acınacaqlı məqam burasındadır ki, həyat uğrunda mübarizədən imtina edib, canına qəsd edənlərin əksəriyyəti yetkinlik yaşına çatmayanlar və gənclərdir. Ömrünün bahırında intihar edən həmin bu insanların əksəriyyəti isə nakam sevgi qurbanlarıdır.
gundemxeber.az A24.Az-a istinadən sizə son zamanların ölkəmizdə baş verən sevgi intiharlarının bəzilərini təqdim edir.
1997-ci il təvəllüdlü Tamara Vidadi qızı Abbasova özünü hündürmərtəbəli binanın 4-cü mərtəbəsindən ataraq intihar edib. Ağır bədən xəsarətləri alan qız dərhal təcili tibbi yardım maşını ilə xəstəxanaya çatdırılıb. Məlumata görə, T. Abbasova sevdiyi oğlandan “yox” cavabı aldığı üçün belə bir addım atıb.



Ürək dağlayan intihar hadisələrindən biri də Xaçmazda baş verib. Belə ki, şəhər sakini 22.08.1998-cil il təvəllüdlü Quliyev Vasif Yaşar oğlu və 27.05.1997-cil təvəllüdlü Tağıyeva Nərgiz Nurməmməd qızı birlikdə meşədə intihar ediblər. Onlar Xaçmaz şəhər 2 saylı orta məktəbin 10-cu sinif şagirdləri olub.
Gənclər sevgili olublar və ayrılmamaq üçün intihar ediblər. Ailəsi qızı Rusiyada yaşayan qohumları ilə nişanlayıb. Daha sonra gənclər ayrılmamaq üçün intihara əl atıblar. Gənclər birlikdə meşə massivinə gediblər. Onların yanında oğlanın sinif yoldaşı Amin adlı şəxs də olub.
Amin gənclərin intihar etmək niyyətlərini başa düşəndə onlara yalvarıb ki, bu yoldan dönsünlər. Hətta Amin sinif yoldaşlarını intihar fikrindən daşındırmaq üçün qolunu yaralayıb. Amma sevgili olan gənclər onu aldadıblar və evə yola salıblar. Evə gələn Amin hadisələri öz ailəsinə və gənclərin ailəsinə danışıb. Valideynlər meşə massivinə gəliblər və orada gənclərin asılmış vəziyyətdə olan meyitləri ilə qarşılaşıblar. Oğlanın belində olan dəri kəmərlə, qızın isə parça kəmərlə özünü asdığı məlum olub.



Bərdə rayonun İmamqulubəyli kənd sakini, 1980-ci il təvəllüdlü Şirinov Muxtar həyat yoldaşı ilə ayrılığa dözməyərək intihar edib. O, 1 aya yaxın imiş ki, həyat yoldaşı və uşaqlarından ayrı yaşayırmış. Mərhumun özünü öldürməsindən təxminən 1 ay əvvəl onun xanımı ailədaxili məsələlər səbəbindən 3 uşağı ilə birgə Tərtərə ata evinə gedib. Qürurunu “sındırıb” həyat yoldaşının arxasınca getməyən 36 yaşlı Muxtar doğmalarının da Tərtərə gedib onu dilə tutmasına razılıq verməyib və tüfənglə özünü güllələyərək intihar edib.



Azərbaycana səs salan dəhşətli məhəbbət intiharlarından biri də, Saatlı rayonunda baş verib. Rayonun Məmmədabad kənd sakinləri 17 yaşlı Şəfəq Ağaşova və 21 yaşlı Mürşüd Askanov aralarında sevgi münasibətləri olduğuna görə özlərini meşədə iplə ağacdan asaraq öldürüblər. Şəfəq Mürşüd Askanovun baldızı olub.
Onlar intihar etməmişdən əvvəl valideynlərinə sms yazıblar. Belə ki, Şəfəq Ağaşova atasının, Mürşüd Askanov isə anasının mobil telefonuna “Bizi bağışlayın, bu vəziyyətdə yaşaya bilmərik. Ən yaxşı seçim bu idi. Gəlib meyitimizi Məmmədabad kəndi yaxınlığındakı meşədən apararsız” sözlərini yazaraq onlara göndəriblər.



Bakıda 15 yaşlı məktəbli qız da, doğum günündə intihar edib. Aygün Qəniyevanın təhsil aldığı Laçın rayon 6 saylı orta məktəbindən bildirilib ki, o, sakit təbiətli şagird olub. Onu tanıyanların sözlərinə görə, 15 yaşlı Aygünün ailədə problemləri olub. Belə ki, valideynləri onun ailə qurmasını və hazırda hərbi xidmətdə olan oğlan qayıtdıqdan sonra nişanlanmasını istəyiblər. 9-cu sinifdə oxuyan qız isə buna qarşı çıxıb.



Daha bir intihar hadisəsi isə Yeni Günəşli qəsəbəsi “AB” yaşayış massivi ev 56, mənzil 27 ünvanında qeydə alınıb. 1997-ci il təvvəllüdlü Əsgərova Sərvinaz Salman qızı şam yeməyi vaxtı həyat yoldaşı ilə mübahisə edib. Bundan sonra o, qollarını kəsməyə başlayıb. Həyat yoldaşı isə ona mane olmağa çalışıb. Lakin fikrindən dönməyən gənc qadın özünü yaşadıqları evin eyvanından yerə atıb. O, yerə düşərkən paltarların asıldığı iplərə dəyib. Yerə çırpılan S.Əsgərova xəstəxanaya aparılarkən Təcili Tibbi Yardım maşınında dünyasını dəyişib. Ölən qadının 2 yaşlı övladı var.



Ürək dağlayan növbəti intihar hadisəsi isə Bakı şəhərinin Nərimanov rayonunda, Arif Heydərov küçəsində yerləşən “Kosmos” yaşayış kompleksində baş verib. Belə ki, özünü binadan ataraq intihar edən 1994-cü il təvəllüdlü Sadıqova Zəhra Telman qızı bir müddət əvvəl həmin mənzilə köçübmüş və sevgilisi ilə birgə yaşayırmış. Bir neçə gün imiş ki, onun sevgilisi ilə münasibətləri pozulub. Son günlərdə zorakılıqla üzləşən qadın hətta üzündəki izləri gizlətmək üçün sifətini də bağlayıbmış.
Bildirilir ki, Z.Sadıqova 3-cü mərtəbədə yaşasa da, liftlə 16-cı mərtəbəyə çıxıb və pilləkən dəhlizinin eyvanından özünü atıb. O, özünü atmazdan əvvəl telefonu eyvana qoyub. Telefonda Zəhranın mesajları tapılıb. Son yazışmalarında 22 yaşlı qadın onu atan sevgilisinə bir daha onu görməyəcəyini deyib.
İntihar edərkən Z.Sadıqovanın üzü bağlı olub. O, özünü binadan atarkən sevgilisinin xidməti formasını geyinibmiş.



Qeyd edək ki, 16-cı mərtəbədən özünü atan 22 yaşlı qız əvvəlcə 1-ci mərtəbədəki marketin damına, oradan isə yerə düşüb. Təcili Tibbi Yardım briqadası gələnədək o, keçinib.
Növbəti sevgi qurbanının ünvanı Sabunçu qəsəbəsi, “Stansiya” adlanan ərazi olub.
Orada yaşayan 1994-cü il təvəllüdlü Yusif İlqar oğlu Sultanov yaşadığı evdə özünü asıb. İşdən evə qayıdan ana 22 yaşlı oğlunun özünü asdığını görüb və şok keçirib. İlkin araşdırmalar zamanı 22 yaşlı Yusifin məktubu tapılıb. O, məktubunda anasından halallıq istəyib: “Bu gün mənsiz yatın, bundan sonra saat yoxdur…”.
Yaxınlarının bildirdiyinə görə, 22 yaşlı Yusif Sultanov xeyli vaxtmış bir qızı sevirmiş. Lakin qızın yaxınları bu izdivaca qarşı çıxıb və onların qovuşmasına imkan verməyib.



Bakıda 26 yaşlı daha bir qadın sevdiyi kişi üçün intihara əl atıb. 1990-cı il təvəllüdlü H.Ə. Lev Starçuk küçəsində yaşadığı binanın üçüncü mərtəbəsindən özünü atıb. O, ağır vəziyyətdə 3 saylı Şəhər Kliniki Xəstəxanasına çatdırılıb. H.Ə.-nin intihara cəhdinə sevgilisinin ondan ayrılması səbəb olub.
Daha doğrusu, onunla yaxın münasibətdə olan kişi evlənməkdən imtina edib. H.Ə. isə hamilə olduğunu düşünüb və özünü öldürmək qərarına gəlib. O, özünü atmazdan əvvəl Whatsapp-la keçmiş sevgilisinə vida ismarışı da yazıb. Xəstəxanaya gətirilən H.Ə.-nin hamilə olmadığı üzə çıxıb.



Daha bir dəhşətli intihar faktı Şərifzadə küçəsi, 136 ünvanında baş verib.Təxminən 19-21 yaşlarında olan Esmira Məmmədova 9 mərtəbəli binanın üzərinə çıxaraq özünü atıb.
Hadisə şahidlərinin dediyinə görə, intihar edən Esmira Məmmədova bu ərazidə yaşamayıb. Onun binanın damına necə çıxdığı bəlli deyil. Bina sakinləri onu dayandırmağa çalışsalar da, o, öz fikrindən dönməyib.
Hadisə şahidlərinin sözlərinə görə, qızın cibindən intihar məktubu çıxıb.
“Bayaq polislər söhbət edirdi ki, cibindən kağız çıxıb, sevgi məktubu imiş. Yazılıbmış ki, “daha mənlik deyilsən”. Yəqin sevgilisinə yazıb. Amma yaxşısını Allah bilir, indi o dünyadadı, haqqına girməyim”.

Yaxınlarını və eşidən hər kəsi sarsıdan daha bir intihar hadisəsi Bakının Yasamal rayonunda baş verib. 23 yaşlı Nigar Vahabova özünü asıb.
İlkin məlumatlara görə, o, ölümündən qabaq məktub yazaraq bununla da öz hərəkətinə görə, üzr istəyib. Nigarın intihar etməsinə səbəb onun Həsən (ad şərtidir) adlı sevgilisidir. Nigarla oğlanın 3 illik münasibəti olub. Daha sonra mərhum Nigar Vahabova sevgilisinin evli olduğunu öyrənib və ondan ayrılmaq qərarına gəlib.
Həsən (ad şərtidir) isə ayrılığa razı olmayaraq Nigara müxtəlif yollarla təzyiqlər göstərib. Nigarı onda olan uyğunsuz fotoları ilə şantaj edib. Bütün bunlara dözməyən gənc qız çıxış yolunu intiharda görüb.



Qeyd edək ki, N.Vahabova İctimai televiziyanın aparıcısı Aytac Vahabovanın bacısıdır.