Milli Məclisin sabiq işçisinin qətli ilə bağlı məhkəmə istintaqı yekunlaşdı

Bakı Ağır Cinayətlər Məhkəməsində həyat yoldaşını baltalayaraq qətlə yetirməkdə təqsirli bilinən 1950-ci ildə Quba rayonunda anadan olmuş Məzahir Qasıminin cinayət işi üzrə məhkəmə prosesi keçirilib.

Hakim Əlövsət Abbasovun sədrlik etdiyi prosesdə şahid qismində Kamal İsmayılov ifadə verib. O bildirib ki, təqsirləndirilən şəxslə 20 ilə yaxındır qonşu olub, onunla ədavəti və ya deşmənçilyi yoxdur: “Hadisə baş verən günü işdə olmuşam. Günortadan sonta evə qayıdanda həyətdə polislərin olduğunu gördüm. Orada eşitdim

ki, Məzahir Fəridəni öldürüb. Onun belə hərəkət etməsinə inanmadım. Çünki Məzahir sakit adam idi. Heç vaxt Fəridə ilə dalaşmasının, mübahisə etməsinin şahidi olmamışam. Fəridənin qaşığı qızdıraraq Məzahirin bədəninə vutmasını görməmişəm. Bununla bağlı Məzahir heç vaxt şikayət etməyib”.

Daha sonra hakim bildirib ki, iş üzrə iki şahid - təqsirləndirilən şəxsin birinci həyat yoldaşı Nailə Qasımlı və mərhum Fəridə Məcidovanın rəfiqəsi Qalina Quliyeva prosesə gəlməyib. Hakim hər iki şahidin istintaqa verdiyi ifadəsinin elan edilməsini təklif edib. Tərəflər hər iki şahidin istintaqa verdiyi ifadələrinin elan edilməsinə etiraz etməyiblər.

Daha sonra hakim hər iki şahidin istintaqa verdiyi ifadəsini elan edib. Nailə qasımlı istintaqa verdiyi ifadəsində bildirib ki, təqsirləndirilən şəxs onun keçmiş həyat yoldaşı olub: “Məzahir ilə 1983-cü ildə münasibətləriniz pozulub və Binəqədi rayon Məhkəməsinin qərarı ilə rəsmi olaraq boşanmışıq. Bizim rəsmi nikahımızdan iki oğlumuz olub. Oğlumun birinin adı Elman, digərinin adı Vüqardır. Boşansaqda Məzahir bizə dolanışıq cəhətdən maddi yardım göstərib, oğlanlarımın toyunda iştirak edib. Sonradan oğlum Vüqar Məzahirin Fəridə ilə birfə yaşadığı evə gedib-gəlməyə başlayıb. Oğlum Fəridənin özündən razı adam kimi tanıyıb. Buna görə də oğlum sonradan onlara az getməyə başlayıb, sonradan isə heç getməyib”.

Nailə Qasımlı daha sonra ifadəsində göstərib ki, Məzahirin “Sədərək” Ticarət Mərkəzində obyekti olub. Şahid əlavə edib ki, oğlu Vüqarın narahat olduğunu görüb: “Oğlumdan narahat və həyəcanlı olmasını n səbəbini soruşdum. Dedi ki, atam Fəridəni

öldürüb. Onun bu hərəkətinə inanmağım gəlmədi. Çünki Məzahir mülayim adam idi, heç kimlə işi olmayıb”.

Digər şahid Qalina Quliyeva istintaqa verdiyi ifadəsində göstərib ki, Fəridə Məcidova onun rəfiqəsi olub. Şahidin sözlərinə görə, Fəridənin Məzahirlə dava-dalaş etməsinin şahidi olmayıb, Fəridə də Məzahirlə arasında olan mübahisələr barədə heç nə deməyib.

Şahid qeyd edib ki, hadisədən bir ay əvvəl Məzahir Fəridənin boğazında olan zob xəstəliyini yoxlatmaq üçün xəstəxanaya aparıb: “Bundan sonra onların münasibətləri barədə heç nə eşitməmişəm, Fəridə də Məzahirlə bağlı mənə heç bir söz deməyib. Hadisə günü Fəridənin Məzahir tərəfindən qətlə yetirilməsini eşitdim”.

Daha sonra hakim iş materiallaında olan ekspertiza rəyləri və digər sənədləri elan edib. Sonra təqsirləndirilən şəxsin vəkili Asif Abdullayev vəsatət lə çıxış edib. Bildirib ki, Məzahir Qasımı hadisəni törədən zaman psixi pozğunluq keçirib.

Vəkil qeyd edib ki, Məzahir Qsıminin barəsində təkrar tibbi ekspertiza keçirilməlidir. Prokuror müdafiəçinin vəsatətinin təmin edilməməsini istəyib.

Müşavirə keçirən hakimlər vəsatəti təmin etmətib. Hakim Əlövsət Abbasov bildirib ki, istintaq dövründə Məzahir Qasıminin barəsində ekspertiza keçirilib, onun anlaqlı olması müəyyən edilib.

Daha sonra hakim məhkəmə istintaqının tamamlanması barədə tərəflərin fikirlərini öyrənib. Tərəflər məhkəmə istintaqının tamamlançasına etiraz etməyiblər.

Yerində müşavirə keçirən hakimlər məhkəmə istintaqının tamamlanması barədə qərar qəbul ediblər. Sonra çıxış etmək üçümşn prokuror a söz verilib. Amma prokuror çıxışa hazır olmadığını, çıxışa hazırlaşmaq üçün bir həftə vaxt istəyib.

Bu səbəbdən növbəti proses fevralın 14-ə təyin edilib.

İttihama görə, hadisə 2016-cı ilin sentyabrın 9-da Səbail rayonu Bayıl qəsəbəsi, Xanlar küçəsi ev 10, mənzil 4 ünvanında baş verib. Həmin ünvanında yaşayan Məzahir Qasımi həyat yoldaşı Fəridə Məcidovaya balta ilə xəsarət yetirib. Qadın aldığı xəsarətdən hadisə yerindəcə keçinib. Hadisəni törədən Məzahir Qasımi saxlanılıb.

Qətlə yetirilən Fəridə Məcidova Milli Məclisin Aparatında sektor müdiri vəsifəsində çalışıb. O, ötən il yaşı ilə əlaqədar təqaüdə göndərilib. Mərhum ümumən 30 il Milli Məclis aparatında müxtəlif vəzifələrdə işləyib.

Yaxınlarının sözlərinə görə, Fəridə Məcidova ilə həyat yoldaşı Məzahir Qasimi arasında mülklə bağlı mübahisə olub. Daha sonra mübahisə qızışıb və Məzahir Qasimi tamah məqsədi ilə qadını amansızcasına qətlə yetirib.

Aslan