“Rüşvət vermədiyimizə görə bizi cəzalandırdılar”

Zaqatala rayonunda fəaliyyət göstərən “Ləzzət” Məhdud Məsuliyyətli Cəmiyyətinin kollektivi üzləşdikləri problemlə bağlı Azərbaycan Prezidenti İlham Əliyevə müraciət ediblər. Onlar müraciətin bir nüsxəsini də “Gündəm xəbər”in redaksiyasına ünvanlayıblar.

“Ləzzət” MMC-nin kollektivi nədən narazıdırlar? Gəlin, onların şikayət məktubunda yer alan məqamlara diqqət yetirək.

Müraciət müəllifləri bildirir ki, qanuni obyektləri – “Şəlalə” istirahət zonası qanunsuz yolla onların əlindən alınıb. Buna görə onlara külli miqdarda ziyan dəyib.

Şikayətçilər yazır ki, onlar təkcə Zaqatalada deyil, bütövlükdə Azərbaycanda ilk koorperativ hərəkatına qoşulanlardandırlar: “Hörmətli Prezident, biz sizin televizyadakı çıxışlarınızı müntəzəm izləyirik. Sizin sahibkarlığın inkişafı və qorunması üçün verdiyiniz sərəncamları böyük ruh yüksəkliyi ilə qarşılayırıq. Sizin çıxışlarınızdan ruhlanaraq daha fəal olamağa çalışırıq. Ancaq bəzi qanunsuz fəaliyyətlə məşğul olan məmurlar ki, yerlərdə sahibkarlara mane olurlar. Onlar layiqincə cəzalansalar, daha yüksək vəzifəyə getməsələr, ölkəmizdə biz sahibkarlara qarşı törədilən haqqsızlıqlar, cinayət tərkibli hadisələr baş verməz. Ancaq çox təəssüflər olsun ki, bizim həyatımızı rüşvət vermədiyimizə görə cəhənnəmə döndərən rüşvətxor, cinayətkar dövlət məmurları qanunsuz əməllərindən əl çəkmirlər. Onların haqqında sizə və adiyyatı dövlət orqanlarına son 15 ildə dəfələrlə müraciət etmişik”.


Müraciət müəllifləri bildirirlər ki, vəziyyət o həddə çatıb ki, yerli məmurlar onlara “Azərbaycanda kimə istəsəniz, necə istəsəniz yazın. Sizin yazdığınız şikayət məktubları, sizə cavab vermək üçün bizə göndəriləcəkdir deyirlər: “Onlar bildirirlər ki, “Azərbaycan dövləti bizimdir. Biz bir- birimizi cəzalandıran deyilik. Sizə məsləhətimiz odur ki, ağıllı olun. Biz deyəni edin. Allah sizə verən ömrü bir təhər başa vurun”.

Şikayətçilər bildirilər ki, onlar 15 ildir olmazın əzablara dözürlər: “Hörmətli Prezident, biz bilmirik ki, biz kimik? Azərbaycan dövlətindən bizə pay yoxdurmu? Biz dərdimizi kimə deməliyik? Hörmətli Prezident, biz artıq 15 ildir rüşvətxor məmurların oyuncağına çevrilmişik, təziqlərinə məruz qalmışıq. Bu artıq 4-cü məktubdur ki, 15 ildə sizə ünvanlayırıq. 1-ci məktubu sizə ünvanladıq. Baş vermiş cinayət hadisələrini açıqladıq. Hətta sizə ünvanlanan məktubu “Bakı xəbər” qəzetində olduğu kimi dərc etdik. Ancaq sizdən cavab almadıq. Sizə yazdığımız məktuba kimdən yazmışdıq, o cavab verdi”.


Şikayətçilər daha sonra məktubda konkret faktlara keçirlər: “Rüşvətxorluqla məşğul olan meşə departamentinin “qüdərtli” sədri Rövşən Cəlilov deyir ki, mən nə istəsəm, Azərbaycanda onu da edirəm. Mən rüşvət alıram, həm də verirəm”.

“Ləzzət” MMC-nin kollektivi bildirir ki, Rövşən Cəlilov Hacıbəy Zakatalskinin ondan Zaqatala məhkəməsinə, Prezidentə şikayət etməsindən, “Bakı xəbər” qəzetində onu tənqid etməsindən qəzəblənib: “Rövşən Cəlilov deyir ki, “Hacıbəy Zakatalski məni rüşvətxor adlandırıb. Mənə böhtan atıb. Hacıbəyin ağlı yoxdur, mənimlə tərəziyə oturur. Mən ancaq rəhbərliyin dediyini edənəm”.

Şikayətçilər bildiri ki, Rövşən Cəlilov hətta sahibkar Hacıbəy Zakatalskiyə verilməli cəza maddələrini belə sadalayır: “Rövşən Cəlilovun ağlı ilə hərəkət edən meşə departamentinin işçiləri bildirir ki, “Rövşən Cəlilov nə istəsə, edəndir. Çünki onun arxasında yüksək vəzifəli məmur durur. Sahibkar Hacıbəy nahaq yerə Rövşən Cəlilova qarşı çıxır. Ağsaqqal kişidir, dövürlə ayaqlaşa bilmir”. Biz onların bu sözlərindən çox heyrətlənirik. Bu həyatda yaşayışımıza nifrət edirik”.


Müraciət müəllifləri bildirir ki, Zaqatala rayon məhkəməsinin hakimi Seyfəli Seyfullayev onların prezidentə yazdığı məktubu açıqlamadan ağsaqqal Hacıbəy Zakatalskiyə “ağıllı ol” deyir: “Məhkəmənin sədri deyir ki, dovşan həmişə canavarla dostluq etməyə çalışıb, sən də onun kimi elə”.

“Ləzzət”in kollektivi bildiri ki, hakim Seyfəli Seyfullayev haqq-ədaləti pozaraq Hacıbəy Zakatalskiyə sifarişlə icbari altı ay iş kəsdi: “21.04.2007 ci ildə sahibkar Hacıbəy Zakatalskinin həyat yoldaşı Dali Aleksandrova hazırda Azərbaycanın birinci vitse-prezidenti, Heydər Əliyev fondunun prezidenti YUNESKO və İSESKO-nun xoş məramlı səfiri, Azərbaycanın 1-ci xanımı Mehriban xanım Əliyevaya ərinin amansızcasına tapdalanmış huquqlarının bərpası üçün məktub ünvanladı. Ancaq şikayətlərimizdən sonra da bizə qarşı özbaşınalıqlar davam edir. Hörmətli Prezident, sizə ünvanladığımız 2-ci məktubun da sizə çatmasına imkan vermədilər. 3-cü məktubu 11 dekabr 2016-cı ildə sizə ünvanladıq. 16 dekabr 2016-cı ildə Azərbaycan Respublikasının Ekologiya və Təbii Sərvətlər nazirliyindən bizə T.Mustafayeva adlı şəxsdən məktub gəldi. Bildirdilər ki, Sizin Azərbaycan Respublikası Prezidentinin administrasiyasından Ekologiya və Təbii Sərvətlər Nazirliyinə daxil olmuş müraciətinizə baxılır və nəticəsi barədə sizə məlumat veriləcəkdir. Bizim şikayətimiz Meşə Departamentindən, Zaqatala meşə idarəsindən, Rövşən Cəlilovdandır, axı onlar bizə nə məlumat verəcəklər? Artıq 3-cü aydır ki, nə Zaqatala meşə idarəsi, nə meşə departamenti, nə də Ekologiya və Təbii Sərvətlər nazirliyi bizimlə əlaqəyə çıxmır. Bizim məktubumuzu kim araşdırır, necə araşdırır, bilmirik. Artıq yaz fəsli yaxınlaşır. “Şəlalə” istirahət zonasını kol-kosdan təmizləmək lazımdır. 2 hektar fındıq bağı kol-kosun altında batıb gedir. Kivi bağı tam yararsız hala düşüb. Dağıdılan “Şəlalə” istirahət zonasının əsaslı təmirə ehtiyacı vardır. “Şəlalə” istirahət zonasında meşə departamenti və Zaqatala meşə idarəsi tərəfindən bizə vurulan ziyan nə vaxt və necə ödənəcəkdir? Bizimlə icarə müqaviləsi nə vaxt bağlayacaqlar? Biz bu doğma vətənimizdə necə yaşamalıyıq? 15 ildir bizə qarşı olan haqqsızlığın sonu yoxdur. Biz də insanıq”.

Şikayətçilər daha sonra prezidentə ünvanlanan müraciətdə bildirirlər: “ Hörmətli Prezident, bizim göydə Allaha, yerdə ancaq sizə ümüdümüz var. Biz kiçik etnik xalqıq, iş yerlərimizi itirmək istəmirik. Bizim də yaxşı yaşamaq arzumuz var. Artıq dərəcədə xahiş edirik, bizə qarşı törədilən cinayətləri araşdırmaq üçün dövlət komissiyası göndərin. Bizim halal “Şəlalə” istirahət zonamızı bizə qaytarsınlar. Biz “Şəlalə” istirahət zonasını yaratmaq üçün çox əziyyət çəkmişik. Bizim əlimizdə hüquqi sənədlər, dövlət tərəfindən verilən “kupça”mız var. 1-ci instansiya Şəki Apellyasiya Məhkəməsi “Şəlalə” İstirahət Zonasına baxış keçirərək, iddanın əsassız olduğunu bildirərək, bizə qarşı olan qondarma şikayəti rədd edib: “Meşə Departamenti Ali Məhkəmə tərəfindən rədd edilən iddanı yenidən baxılması üçün Şəki Appelyasiya məhkəməsinə qaytarmağa nail olub. Bu hərəkət bizə qarşı olan qərəzçiliyə subut deyilmi? Ali Məhkəmə nəyə əsaslanaraq rədd edilmiş iddanı yenidən baxılması üçün Şəki Appelyasiya Məhkəməsinə qaytarıb. Bəlkə Ali Məhkəmə də Rövşən Cəlilovun havadarıdır? Şəki Apellyasiya Məhkəməsinin hakimi nə səbəbə görə, hansı faktlara əsaslanaraq, bizə qarşı qondarma qərar çıxarib? Deməli kiminsə sərt sifarişi olub. Həmən hakim Azərbaycan dövlətinin qanunlarını oyuncaq hesab edir. Şəki Apellyasiya məhkəməsini özəlləşdiriblərmi? Biz dəyən ziyanın ödənilməsini tələb edirik. Bizə ziyanı hansısa adi vətəndaşlar vurmayıblar. Bizə ziyanı rüşvətxor dövlət məmurları dövlətin onlara ehtibar etdiyi vəzifədən istifadə edib vurublar. Dövlətdən oğurluq edənlər yenə də oğurluq edəcəklər. Onların itirəcək heç nəyi yoxdur. Dövlət məmurunun vəzifəsindən sui-istifadə edərək vətəndaşa, sahibkara vurulan ziyan dünyanın hər yerində bağışlanılmazdır. Hörmətli Prezident, bizim 30 illik zəhmətimiz 1 nəfərin - Rövşən Cəlilovun rüşvət almaq arzusuna çata bilməməsi səbəbindən məhv edilib. Ümid edirik ki, onun istədiyi rüşvəti almadığına görə hüquqlarımızı tapdalamasına imkan verməyəcəksiniz. Yenə artıq dərəcədə xahiş edirik: “Şəlalə” istirahət zonasını bizə qaytarılmasına və bizə vurulmuş ziyanın ödənilməsinə köməklik göstərin. Əgər yazdıqlarımız yalan və böhtandırsa, bizə ömürlük cəza verilsin və biz də bir də belə məktub yazmayaq. Koolektivimiz səbirsizliklə cavab gözləyir”.

Samir