Azərbaycanda Cəzaçəkmə müəssisələrində saxlanılan məhkumların sayı açıqlanıb

Bu barədə Ədliyyə Nazirliyi Penitensiar Xidmətin Qeydiyyat İdarəsinin rəisi Rafiq Ramazanov bildirib.

R. Ramazanov məhkumların sayının mütəmadi olaraq dəyişdiyini qeyd edib: “Bu rəqəmlər tez-tez dəyişdiyi üçün konkret rəqəm demək olmur. Bilirsiniz ki, hazırda Milli Məclisin “Heydər Əliyevin 90 illik yubileyi münasibətilə amnistiya elan edilməsi haqqında” 7 may 2013-cü il tarixli qərarının Cəzaçəkmə müəssisələri üzrə icrası davam edir. Bu akt nəticəsində məhkumlardan azadlığa buraxılan olacaq. Nəticədə müəssisələrdə saxlanılan məhkumların sayı 15 minə qədər azalacaq”.

Qeyd edək ki, bu gün Amnistiya aktı 7 və 15 saylı Cəzaçəkmə müəssisələrində icra olunub. 7 saylı cəzaçəkmə müəssisəsindən 3, 15 saylı cəzaçəkmə müəssisəsindən isə 4 məhkum azadlığa buraxılıb.