Thomas Blachman (solda) şou ilə qadınlara sitayiş edildiyini bildirib.

Bir il bundan əvvəl mən Danimarkanın ictimai yayımçısı DR-in qərargahına gəlmişdim ki, "Borgen" və "The Killing" adlı seriallarının beynəlxalq müvəffəqiyyəti haqqında veriliş çəkim.

O serialların iki qəhrəmanı - heç kimlə güzəştə getməyən, möhkəm, əzmli qadınlar idi.
Mövzular


Beləliklə Danimarkaya qayıdıb eyni yayımçının yeni, "Blachman" adlı verilişi haqqında danışmaq, bir qədər inanılmazdır.

Tamaşada çılpaq, 28-85 yaş arasında olan qadın, tam geyimli kişilərin qabağında səssiz-səmirsiz durur. Kişilər isə onun bədənini müzakirə edirlər.
Pornoqrafiya ya poeziya?

"Realiti-şou deyil!" onun təsisçisi və aparıcısı Thomas Blachman deyir. "Və bu, pornoqrafiya deyil, poeziyadır."

Hər halda, ona baxmaq asan deyil. Blachman üst düyməsi açıq köynəyində, moda dizayneri dostu ilə oturub qadının qasıq tüklərinə baxır.

"Mən tüklərin qırxılmasını sevmirəm", o deyir, və ikinci aparıcıya qadının ayaqlarının gözəl olduğunu qeyd edir.

Verilişdə iştirak etməsi üçün 250 avro verilən qadın şərhləri səssizcəsinə qəbul edir.

Mən deyəndə ki, bu məni dilxor edir, Blachman "Bəsdirin də!" cavab verir.

"Qadınlar bütün günü danışdılar - bu veriliş kişilərə qadınların bədənləri haqqında söz vermək üçündür."

'Cəfəng gender ayrı-seçkiliyi'

Blachman düşünür ki, sərt bərabər imkanlar qanunları olan müasir Danimarkada güclü qadınlar kişiləri zəiflədib, siyasi korrektlik isə onları susdurub.

"Qadınların bədənləri kişilərin sözləri üçün yanır!" o israr edir. "Aqressiv feministlərin bizə reaksiyaları o qədər pis olub, mən heç gözləmirdim... Təbii ki, bir az provokasiya etmək istəyirdim, amma bu gender ayrı-seçkiliyi deyil."

Cazibədar, söhbətcil ibtidai məktəb müəlliməsi Nina da Blachmanın çılpaq etüdlərindən biri olub. Mən onunla görüşəndə, o, bu təcrübənin gücləndirici olmasından danışdı.

Eyni zamanda o deyir ki, danışmaq olsaydı daha yaxşı olardı, xüsusilə Blachman və qonağı onun qeysər kəsiyini müzakirə edəndə.

Yayımdan sonra, Ninaya çoxlu dəstəkləyici məktublar və beş evlilik təklifi gəlib.

Amma danimarkalı komik Sanne Sondergaard kimi feministlər qəzəblidirlər.
Nina adlı iştirakçı

Nina deyir ki, şouda iştirakdan sonra beş dəfə evlənmək təklifini alıb.

"Danimarkada gender ayrı-seçkiliyi problem deyil", o deyir. "Amma bu tamaşa peyda olundu. Bu, cəfəng gender ayrı-seçkiliyidir."

DR2-ə ən çox şikayət Blachman verilişi haqqında gəlir. Eyni zamanda onu çox adam izləyib, xüsusilə telekanalın "yenidən bax" internet saytında.

Proqramın sifarişçisi və redaktoru Sofia Fromberg israrlıdır ki, döş və arxalarla izləyici qazanmağa çalışmır.
"Debat yaratmaq"

"Blachman heç də ən çox izlənilən verilişimiz deyil. DR2-nin məqsədi - cəmiyyətdə vacib məsələlər haqqında müzakirə yaratmaqdır. Və çoxlu müzakirə yaradıb!" o deyir.

Amma necə baxsan, veriliş nə qədər şok edici olsa, bir o qədər çox izləyici qazanır.

Ötən həftə Niderlandda Langs de Leeuw adlı aparıcı verilişinin ana südünə ithaf olunan parçasında işarə etdi ki, ana südünün dadına baxmaq istəyir.

Auditoriyada bir qadın ona şüşəyə sıxdığı südü təklif etdi. Amma de Leeuw dedi ki, südü mənbədən almaq istərdi və canlı yayımda qadının hər iki döşünü əmdi.
Sanne Sondergaard

Feminist Sanne Sondergaard deyir ki, veriliş onu qəzəbləndirib.

Yayım şirkəti hərəkətin cinsi xarakterli olmamasını desə də, hadisə sosial şəbəkələrdə böyük qalmaqal yaratdı.

Bir neçə il bundan əvvəl mən digər holland veriliş haqqında film hazırladım. Onun adı isə "Səndən uşaq istəyirəm!" idi.

Uşaq istəyən subay qadın bir qrup kişi arasında uşağının atasını seçə bilərdi. Hər həftə o, ən zəif bəndi müsabiqədən çıxardır. Bu veriliş də Niderlandda qalmaqal yaratdı və hətta parlamentdə sualların qaldırdırılmasına səbəb oldu. Verilişin bircə epizodu buraxıldı.

Danimarkaya qayıtsaq, Blachman deyir ki, çılpaq qadının bədənlərini heç vaxt mühakimə və ya tənqid etməyib.

"Bu veriliş əslində qadınlara sitayiş edir", o deyir.

Amma telekanal bu "sitayiş"i yenidən sifariş etməyib.