«Azər-lift Servis»in Sumqayıt İdarəsiinin rəisi Cümşüd İmiyevin idarəçilik qaydaları

gundemxeber.az «Azər-lift Servis»in Sumqayıt regional idarəsində işçilərlə rəis Cümşüd İsmiyev arasında çoxdandır ki qalmaqal yaşanmaqdadır. Sumqayıt şəhəri, 9-cu mikr. Heydər Parkı ilə üz-üzə yerləşən idarə kənardan da bədbin bir görkəm almışdır. Redaksiyamıza müraciət edən və adının çəkilməsini istəməyən idarə işçisinin sözlərinə görə uzun müddətdir ki, burda əməkhaqqı verilmir «4 aydır ki, aylıq məvacibimizi (85 AZN) ala bilmirik. İdarənin büdcəsi 50 faiz Mənzil İstismar İdarəsindən ayrılan vəsait heabına, digər 50% isə Baş İdarədədən köçürülür».
Mənbəmizin sözlərinə görə, «Azər-lift Servis»in Sumqayıt regional idarəsindəki qanunsuzluqlar yalnız əməkhaqqının verilməməsi ilə yekunlaşmır: «Təlimata əsasən hər bir lift nəzarətçisi 2-3 liftə nəzarət edə bilər. Hal-hazırda nəzarətçilər 9-10 lifti nəzarətə götürüblər. İşçilər normativ 8 saat əvəzinə 16 saatadək işlədilirlər». İşçilərdən aldığımız məlumata görə ötən günlərdə rəis Cümşüd İsmiyev sahə ustalarını bir araya toplayaraq işçilərin 80%-ni öz hesablarına məzuniyyətə göndərilməsi haqqında siyahını kadrlar şöbəsindən tələb etmişdir. Bu hal baş verərsə hər bir lift nəzarətçisi təqribən 25 liftə baxmalı olacaq.
Bu da təkcə daxili təlimatın yox, həm də əmək qanunvericiliyinin kobud surətdə pozulması deməkdir. Bundan da zərər çəkən yenə xüsusiylə üst mərtəbələrin sakinləri olan ahıl, xəstə insanlar olacaq. Rəis bildirmişdir ki, əmək haqlarının verilməməsini Sumqayıt İH Başçısı Eldar Əzizov da bilir. O, başçının da bu işdən xəbərdar olmasını bir daha vurğulayıb. Son toplantıların birində rəis barmağıyla hamını hədələyərək: «Hamınızı işə mən qəbul etmişəm. İdarə mənimdir. Kimin xoşu gəlmir öz xoşuyla ərizəsini yazıb çıxıb gedə bilər!»- deyib.
«Azər-lift Servis»in Sumqayıt regional idarəsinin rəhbəri 4 ay işçilərə maaş verməməsinə baxmayaraq lift nəzarətçiləri tərəfindən sakinlərdən yığılmış 35-40 manat pulu təcili olaraq idarəyə təhvil vermələrini tələb etmişdir. O, işçilərə xitabən: «Bu dövlətin puludur. Verməsəniz sizləri məhkəməyə verəcəyəm!»- söyləyib. Digər bir nəzarətçidən aldığımız məlumata görə isə İsmiyev, üstəlik əvvəllər öz oğlunu özünü müavin kimi işə qəbul da etmişdir. Sonradan Baş İdarənin təftişi sırasında oğul müavin vəzifəsindən azad edilmişdir.
Redaksiyamıza üz tutan idarə əməkdaşı əslində İsmiyevin fəaliyyətində ciddi maxinasiya hallarının olduğunu bildirdi: «Əgər sözügedən idarənin büdcəsi axsayırsa İsmiyevin Sumqayıt şəhərində yeni inşa edilmiş binaların birində eyni mərtəbədə sahibləndiyi iki mənzil, ailənin hər birinin (oğul, qız, ata) istifadəsindəki bahalı avtomobilllər, həmçinin bağ evində tikdirdiyi dəbdəbəli möhtəşəm ev haradandır!?. İşçilərin minimum əmək haqqı ödənilmədiyi halda İsmiyev bu qədər varidatı hansı qanuni yolla əldə edib!?»
Mövzunu diqqətdə saxlayaraq bu suallara növbəti saylarımızda cavab tapmağa çalışacayıq...

Vaqif