Naxçıvanda sahibkar və kürəkəni girov saxlanılır

gundemxeber.az Ailə üzvüləri 08 dekabr tarixdə Sədərək Keçid Məntəqəsində hücuma məruz qaldıqdan sonra orada saxlanılan, sonraki taleyindən xəbər çıxmayan sahibkar Məhəmməd Qurbanovun və həmin vaxt 30-dan artıq mülki geyimli şəxslərin hücumu nəticəsində vəşicəsinə döyülən və şərlənərək həbs edilən Nadir Məmmədovun taleyindən narahatdır. Dünən qohumları onlara yemək aparsalarda, Sədərək rayon Polis Şöbəsinin rəisi onları təhqir edərək, şöbədən uzaqlaşdırıb və şöbədə Məhəmməd Qurbanov və Nadir Məmmədov adlı adamların saxlanmadığını deyib.
“Biz şöbədə Nadiri gördük. Siqret çəkirdi. Bizi göprən kimi onu yuxarı çıxardılar. Amma buna baxmayaraq onların şöbədə olmadığını bildirdilər”- sahibkarın kürəkəni Toğrul Abbasov deyib. Abbasov deyib ki, sahibkar Məhəmməd Qurbanovun yük maşınını Sədərək Keçid Məntəqəsinin həyətində, “toyuta” markalı avtomobili isə Sədərək polisinin qarşısında olub. Buna əsasən demək olar ki, sahibkarda orada saxlanılır.
Sahibkarın həyat yoldaşı Fəridə Məmmədovanın bildirdiyinə görə, həyat yoldaşı Məhəmməd Qurbanov haqqını tələb etdiyi üçün həmişə təzyiqlərlə üzləşib. 22 ildir bu hakimiyyət onlara əziyyət verir. Bir dəfə 15 sutka həbs olunub. 2009-cu ilin sentyabrında 28 gün psixoloji disponserdə yatırılıb. “Biz bir tikə çörəyimizi qazanmaq istəyirik. Buna imkan vermirlər. yoldaşım tələb edir sənəd verin, sənəd vermirlər, rüşvət alırlar. Tutub döyürlər. 8 min manat dəyərində malı gömrükdə heç bir əsas olmadan saxlayıblar. Həyat yoldaşım həbs olunarkəndə cibində 4000 manat pul olub” –F.Məmmədova deyib.
F. Məmmədova bildirib ki, onun əri və kürəkənləri heç bir cinayət törətməyib. Sadəcə mallarını almağa getmişdilər.Onların üzərinə 30-40 nəfər hücum edib. Kürəkənlərinin hər ikisini vəhşicəsinə döyüblər. İndidə tutub qoyublar içəri. Harada olduqlarını, niyə həbs olduqlarını onlara deyən yoxdur. Bu işləri MR MTN-i təşkil edib. Hətta adam öyrədərək, ötən il məktəbi qurtaran qızına ziyan vurmaqda istəyiblər. Əgər onlara bu cür münasibət bəsləyirlərsə, bütün məsələləri qoçu dəstələri zorakılıqla həl edirsə, qanunlar işləmirsə, həyatlarına hər an təhlükə yaradılırsa o, zaman onları başqa ölkəyə köçürsünlər.
Nadir Məmmədovun anası Zülfinaz Məmədova deyilənləri təsdiq edir: “ bundan əvvəldə nazir Əhməd oğlumun dırnaqlarını kəlbətinlə çəkmişdi. İndidə gömrükdə 30-40 nəfər yığışıb döyüblər. Evə qan içində gəldi. Özündə deyildi. Bu azmış kimi şərləyib aparıblar iki gündür xəbər yoxdur. Asəf Məmmədov Biçənək kəndində villalar saldırır, amma mənim uşaqlarım çörək tapmır. Bu necə olur? Bizdə bu ölkənin vətəndaşlarıyıq axı” Girov saxlayıblar. 10 nəfər polis evə soxulanda 2 yaşında uşaq qan bağır oldu ”
Z. Məmmədova deyir ki, oğlu nə edib ki, terrorist deyil, silah daşımır onu qanına boyayıblar. Çox uşaqlı anadır. Əgər Preziden onun və uşaqlarının təhlükəsizliyinə təminat verə bilmirsə o zaman başqa ölkələr sığınacaq versinlərlər.
Qeyd edək ki, Naxçıvanda yaşayan kiçik sahibkar Məhəmməd Qurbanov Türkiyədən satmaq üçün gətirdiyi ərzaq mallarının qanunsuz olaraq gömrükdə saxlanılması, ondan artıq rüsum tələb edilməsi, tələb etməsinə baxmayaraq ona gətirdiyi mallar üçün tətbiq ediləcək gömrük rüsumu haqqında tariflərin göstərilməməsi barədə Naxçıvanda fəaliyyət göstərən jurnalistlər “Turan” İA-nın müxbiri İlqar Nəsibova və RATİ-nin Naxçıvandakı müxbiri Elman Abbasova şikayət edərək, məsələnin araşdırmağı xahiş edib. 8 dekabr 2012-ci il tarixtə jurnalistlər məsələni araşdırmaq və qarşı tərəfin münasibətini öyrənmək üçün Sədərək Gömrük Keçid Məntəqəsinə gediblər. Gömrük işçilərinə özlərini təqdim etsələrdə, onlara peşə fəaliyyətlərini yerinə yetirməyə icaizə verilməyib. Məsələyə münasibət bildirməkdən imtina edilib.Jurnalistlər yük bölməsinin Namiq adlı rəisinin tələbinə əməl edərərk, avtomobilində əyləşiblər və geri dönmək üçün sahibkarın mallarının anbara vurulub qurtarmasını gözləyiblər. Bu zaman oraya Sədərək Gömrük Keçid Məntəqəsinin rəisi Mirməhəmməd Seyidov gəlib. Az müddətdə oraya 40-a yaxın mülkü geyilmli insanlar toblaşıb. Toblaşanlar sahibkarın işçiləri, eyni zamanda kürəkənləri olan Nadir Məmmədovun və Toğrul Abbasovun üzərinə hücum ediblər, vəhşicəsinə döyüblər. Nəticədə onlar hər ikisi ciddi bədən xəsarəti alıblar. Həmin vaxt hadisəni çəkməyə çalışan jurnalistlərdə hücuma məruz qalıblar. Hücumçular onların əyləşdiyi “tayuta” markalı bahlı avtomobilı yumuruq və təpiklə vuraraq əziblər və jurnalistləri döymək üçün avtomobildən çıxarmağa cəhd olunub. Onların mobil telfonları, video kameraları və diktafonları zorla əllərindən alınıb. Hadisəni törədən qoçu dəstəsinin başında bir başa Mirməhəmməd Seyidovun özü dayanıb. Hətda bir başa onun özü avtomobilə soxularaq muxbirlərdən Elman Abbasovun filipp kamerasını əlindən almağa və onu avtomobildən yerə salmağa cəhd edib. Xilas olmaq üçün sahibkar Məhəmməd Qurbanov avtomobili işə salaraq hücumçuların əhatəsindən çıxmağa çalışıb. Bu zaman onun avtomobili böyük yük maşınları və avtomobillərlə 4 tərəfdən mühasirəyə alınıb və onların çıxmasına imkan verilməyib. Jurnalistlər 3 saatdan artıq mühasirədə saxlanılıblar. Qapı və pəncərələri klidləyərək avtomobilin içərisində gözləməyə məcbur olublar. Onlar mülkü geyimli qoçu dəstəsinin üzvüləri tərəfindən söyüşə, təhqirə, təhdidə məruz qalıblar. Yerli hüquq müdafiəçilərinin, jurnalistlərin və Azərbaycandakı xarici ölkə səfirliklərinin müdaxiləsindən sonra jurnalistlərə hadisə yerini tərk etmək imkanı verilib. Onların texniki avadanlıqları və mobil telefonları əllərindən alınmasına baxmayaraq, hadisə ilə bağlı çəkilişin onlarda qalmaması üçün üst-başları dərindən axtarılıb.

Hüseyn