İcra başçısının qanunsuz sərəncamı iki nazirliyi dalana dirəyib

İmişli rayonu Mərkəzi Rayon Xəstəxanası qarşısındakı istirahət parkındakı qanunsuzluqlar və bu ərazinin ayrı-ayrı vətəndaşlara satılması barədə müxtəlif instansiyalara şikayət olunub. Amma bu şikayət məktublarının sonu “Nəzərə almağınızı xahiş edirik” cümləsi ilə bitiriblər. Azərbaycan qanunlarına əməl edilmədən verilmiş sərəncamlar və razılıq məktubları heç də xoş niyyətdən xəbər vermədiyindən biz nəyi nəzərə almalıyıq?
Mənə ünvanlanmış məktubların rayonunun qorunan hissəsini hərraca çıxarıralaq satılmasına şərait yaradanların və onların müdafiəçilərinin cavablarını təhlil etmədən respublika qanunlarını bu adı çəkilən nazirliklərə çatdırmaq istəyirəm. Torpaq məcəlləsinin 47-ci və torpaq islahatı haqqında qanunun 7-ci maddəsinə əsasən yaşayış məntəqəsində yerləşmiş yaşıllıqlar ümumi istifadədə olan torpaqlara aiddir. 86-cı maddənin torpaq bazarı haqqında qanunun 4-cü bəndi bələdiyyə torpaqlarının idarə edilməsi haqqında qanunun 7-ci maddəsinə əsasən bu torpaqlar alqı-satqı obyekti hesab olunmur, hüququ və fiziki şəxslərin mülkiyyətinə verilə bilməz. Bütün bunlardan sonra adı çəkilən parkın satılması üçün kimlərinsə ixtiyarı var idimi ki, birləşib Turizm Nazirliyinin rəsmisi ilə akt tərtib edilib sərəncamlar verilsin. Gəlin sərəncamın məzmunu ilə tanış olaq.
İmişli RİH-nin başçısı Ə.Ağayevin 11 №-li 19.01.2006-ci il tarixli sərəncamı İmişli bələdiyyəsi, Turizm və Mədəniyyət İdarəsi, Torpaq şöbəsini çətin vəziyyətə salıb. Belə ki, İmişlidə Mərkəzi Xəstəxana binası ilə üzbəüz parkın köçürülməsini ehtiva edən sərəncam Respublikanın aidiyyətı Nazirliklərinə İmişli vətəndaşlarının şikayətlərinə rəvac verib. Həmin sərəncama əsasən adı çəkilən park İmişlidə 4 ha sahəni əhatə edən vağzalyanı sahə ilə üzbəüz olan parka köçürülüb. Həmin sahədə isə bir qarış da yer yoxdur hamısı satılıb. Sərəncamın 2-ci bəndində rayonunun Şadlinski küçəsi 8-də yerləşən Qələbə parkı Turizm və Mədəniyyət istirahət parkıının filialının (?) yaradılması üçün onun istifadəsinə verilir. 3-cü bənddə İmişli MRX-nin qarşısında yerləşən (söhbət eyni başı bəla parkdan gedir.)park İmişli bələdiyyəsinin balansına verilir. Yəni torpaq sahəsi, 4-cü bənddə bələdiyyə sədrinə tapşırılır ki, əhalinin istirahəti və asudə vaxtının səmərəli keçirilməsi üçün normal şərait yaratsın. Sonda yenidən Mədəniyyət şöbəsinə tapşırılırki, parkın yenidən qurulması və filialının yaradılması üçün sənədləri aidiyyəti üzrə həmin Nazirliyə göndərsin. Heç cür başa düşülən deyil. Bir yandan ləğv edir, bir yandan tapşırır. Maraqlı məqam isə “Qələbə ”parkının Vətən müharibəsində həlak olanların xatirəsinə 1983-cü ildə yaradılan xatirə kompleksi ili və 1992-ci ildə 20 şəhid dəfn olundu. 1992-ci ildən isə Şəhidlər xiyabanı adlandırıldı və şikayətçilər susduruldu. Nazirliklərdən gələn məmurlar İmişli məmurlarının Vəkili rolunda çıxış etdilər. Məsələ burasındadır ki, bütün bu həngamələr parkın iş adamlarına satılması üçün edilib və satılıb, 2 nəfərə. Ətrafda isə özəl tibb mərkəzi , mebel mağazası tikilib. Park hasara alınıb. Şikayətçilərə isə aiddiyəti nazirliklərdən məktublar axıdılır ki, park satılmayıb və Mədəniyyət Nazirliyinin balansındadır. Rayon Torpaq şöbəsi də izahatlar verirlər ki, park heç bir vaxt alqı-satqı predmeti olmayıb. Hansı ki, sahibkarlara verilən sənəddə torpaq şöbəsi möhürlə sənədləri təsdiqləyib və imza ediblər. Ən böyük korrupsiyadır. Mədəniyyət və Turizm Nazirliyinin qeyri-maddi mədəni irs sektorunun müdiri Yaşar Hüseynli şikayətçiyə 355/03-4-319 №-li 25.05.2010-cu il tarixli məktubunda yazır ki, İmişli şəhərinin mərkəzində yerləşən parkların əraziləri iş adamlarına torpaq satılmamışdır. Həmin nazirliyin mənə sonuncu dəfə ünvanlanan Regionlarla iş şöbəsinin müdiri Pərviz İsgəndərlinin məktubunu oxuduqda heyrətləndim. Çünki, o başçının 2006-cı ilədki sərəncamına istinad edir. Y.Hüseynli isə 2010-cu ildə qeyd edir ki, İmişli şəhərinin mərkəzində yerləşən parkın ərazisi iş adamlarına satılmamışdır. Çox maraqlıdır ki, Ekologiya Nazirliyi adı çəkilən sərəncamın ləğv edilməsi üçün İmişli RİH başçısına məktub göndərdiyini bildirir və ... axıraçan getmir. Nazirlikdən hələlik xəbər yoxdur.
Torpaq Komitəsindən isə hələlik səs çıxmır. Mənə və onun rayon şöbəsinin müdiri V.Məmmədova mənim şikayətimin göndərilməsi barədə məktublar axışmaqdadır. Komitə sədri Q.Məmmədov V.Məmmədova komitəyə və mənə cavab verməsini tapşırır. Vüqarın Q.Məmmədova hansı cavab yazdığını bilmirəm. Hələki mənə cavab yazılmayıb, yazılmayacaqda . 2010-cu ildə yazmışdır ki, parkın ərazisi satılmamışdır və park Mədəniyyət Nazirliyinin balansındadır. Amma iş adamları Aslan Manfovun qohumlarının adına verilmiş adıçəkilən sahədə 2 ha , Elçin şadlıq evinin sahibinə verilən 2 ha torpaq sahəsinin satılmasına V.Məmmədov imza edib və möhür vurub. Özü də 2006-cı ildə daha nə yazmalıdır ki?



Məhbub Zülfiqarlı

Hüquq müdafiəçisi və müstəqil jurnalist