Televiziya reklamları, qəzet elanları və siqaret qutularının üzərindəki xəbərdarlıq yazılarından sonra danışan siqaret qutuları hazırlanıb. İsveçli alimlər siqaret aludəçilərini siqaretdən uzaqlaşdırmaq üçün siqaret qutularının üzərinə qorxulu şəkillər qoymuşdular. Qorxulu şəkillərdən sonra indi də siqaretin zərərləri haqqında danışan yeni siqaret qutuları hazırlayıblar. Yeni siqaret qutuları etdikləri xəbərdarlıqlara görə iki qrupa bölünüblər. Bəziləri siqaretin sonsuzluq yaratdığını deyir. Bəzi qutular isə siqareti tərgitmək istəyənlər üçün psixoloq nömrəsi bildirir. Yeni hazırlanmış qutular yaşı 16-24 arasında dəyişən yüzlərlə qadın üzərində sınaqdan keçirilib. Nəticədə məlum olub ki, uşaq dünyaya gətirmək istəyən qadınlar xəbərdarlıqları eşitdikdən sonra siqaretdən vaz keçirlər.