Sərxoşlardan biri xəstəxanaya, digəri polisə düşüb

Ötən gün axşam saatlarında Quba rayonunda bıçaqlanma olub. Rayon polis şöbəsindən verilən məlumata görə, Qəçrəş kənd sakini, 1967-ci il təvəllüdlü Cavid Hacıyev bıçaqlanıb. Onu Quba Mərkəzi rayon Xəstəxanasına yerləşdiriblər. C.Hacıyev əməliyyat olunub və hazırda vəziyyət orta ağırdır.

Quba rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində onu bıçaqlayan həmkəndlisi saxlanılıb. Araşdırmalar zamanı hadisə baş verərkən hər iki şəxsin sərxoş olması məlum olub.

Faktla bağlı cinayət işi açılıb.