Mərhuma çoxsaylı bıçaq zərbələri vurulub
Şəmkirdə yataq otağında qətlə yetirlən qadının cinayət işinin təfərrüatları məlum olub. Şəmkirdə qadını mənzilində qətlə yetiriblər. Hadisənin qarət məqsədi ilə törədildiyi deyilir.

Mərhumun qohumu Siyavuş Nağdıyev hadisə yerinə gəldikdə artıq gec olduğunu deyir: “Biz gəldik çatdıq ki, yıxılıb yerə. Gözləri açıq vəziyyətdə. Bir də baxdıq ki, bədənində çoxlu bıçaq yaraları var, iyirmiyə yaxın olardı. Heç kəs olmayıb, hamı aşağıda olub. Nənəsi deyib ki, get bax anan niyə gəlmədi. Uşaq gəlib deyib ki, anam qanın içindədir. Gəlin kömək edin.”

Dəhşətli qətl hadisəi Şəmkirin Səməd Vurğun küçəsində baş verib. 46 yaşlı Kifayət Məhərrəmovanın yaşadığı mənzilə gələn nəməlum şəxs əvvəlcə ona yataq otağında çoxsaylı bıçaq zərbələri endirib. Qadın aldığı xəsarətlərdən və qanaxmadan qadın yerindəcə keçinib. Hadisəni törətmiş şəxs daha sonra mərhumun öldüyünə əmin olduqdan sonra onun boynundakı qızıl və ağır çəkili qızıl boyunbağını da götürüb.

Mərhumun yaxınları ehtimal edir ki, onu qarət məqsədi ilə qətlə yetiriblər. Və evdə bunu sübut edəcək dəlillər də var. Belə ki, mərhumun qızıl-zinət əşyları saxladığı mücrüdən xeyli sayda zinəy əşyları və məbləği bilinməyən pul da oğurlanıb.

Hadisənin axşamçağı saat 19 radələrində törədilməsi və cinayətkarın rahat aradan çıxması da mərhumn yaxınlarında təəccüb doğurub.

Şəmkir rayon hüquq mühafizə orqanı əməkdaşları hələ ki, hələ ki hadisəni törədn şəxsin kimliyi müəyyən edə bilməyiblər. Və onun müəyyən edilərək saxlanılması üçün əməliyyat axtarış tədbirləri həyata keçirilir.

Qeyd edək ki, Kifayət Məhərrəmova şəxsi mənzilində yeniyetmə övladı ilə birgə yaşayırdı.