Yanğının baş vermə səbəbləri məlum deyil

Qubanın İkinci Nüqədi kəndində yerləşən Bakı Dövlət Universitetinin köhnə tədris binasında yanğın baş verib. ANS PRESS-in bölgə müxbirinin verdiyi məlumata görə, 2 mərtəbəli binada baş verən yanğını söndürmək üçün bölgəyə Fövqaladə Hallar Nazirliyinin Quba rayon Yanğından Mühafizə İdarəsindən 4, Qusar rayon yanğından mühafizə idarəsindən isə 2 yanğınsöndürən maşın cəlb olunub.

FHN Xacmaz regional mərkəzindən verilən məlumatda, yanğının bir saatdan artıqdır davam etdiyi bildirilib. Yanğının baş vermə səbəbləri məlum deyil. Araşdırma aparılır.

Qeyd edək ki, yanğının baş verdiyi keçən əsrdə tikilən 2 mərtəbəli taxta barakda əvvəllər qaçqınlar yaşayıb. Ancaq onlar daha sonra Müşfiqabadda tikilən yeni binalara köçürülüb. Yanğın baş verən zaman binada heç kim olmayıb.