Xəbəri APA-ya Ə. Osmanlının oğlu Dilqəm Osmanov təsdiqləyib. O bildirib ki, atası dünən Milli Parkda gəzişərkən anidən ürək tutması olub. Dərhal həkim çağırılmasına baxmayaraq, onun həyatını xilas etmək mümkün olmayıb.

***

11.41

Tanınmış təhsil eksperti, fizika-riyaziyyat elmləri namizədi Əlövsət Osmanlı 56 yaşında dünyasını dəyişib. Musavat.com-un məlumatına görə, bu barədə onun dostu Zamin Hacı sosial şəbəkədə məlumat verib.

Əlövsət Osmanlı 9 iyun 1956-cı ildə Gürcüstan Respublikasının Dəmirli kəndində anadan olub. 1979-cu ildə Azərbaycan Dövlət Universitetinin (indiki BDU-nun) mexanika-riyaziyyat fakültəsini bitirib. Azərbaycan, rus və gürcü dillərində nəşr olunmuş 50-yə yaxın dərslik və dərs vəsaitlərinin müəllifidir. Təhsilin məzmunu ilə bağlı geniş tədqiqat işləri aparıb. Onun son kitabları “Təhsil tariximizin qara ləkələri”, “Təhsilimiz hara gedir?” və “Təhsilimiz bu gün” olub.

Ailəli idi. 1 oğlu, 1 qızı var.