“Təmiz Dünya ” Əmək və Əhalinin Müdafiəsi Nazirliyi ilə birgə uşaqların müdafiəsini təşkil edir
Azərbaycan Respublikası Əmək və Əhalinin Sosial Müdafiəsi Nazirliyinin maliyyə dəstəyi ilə “Təmiz Dünya Qadınlara Yardım ictimai Birliyi Sumqayıt şəhərində “Məişət zorakılığına məruz qalmış uşaqların reabilitasiyası” Mərkəzinin fəaliyyətini effektiv davam etdirir.
Qurumdan verilən xəbərə görə, Sumqayıt şəhər “Məişət zorakılığına məruz qalmış uşaqların reabilitasiyası” Mərkəzinin əməkdaşlarının yerli qurumlarla əməkdaşlıq və müstəqil olaraq müəyyən etdiyi 79 uşaq proqrama cəlb edilib. Bu uşaqlara, hüquqi, psixoloji, sosial adaptasiyaya, məişət zorakılığına dair təlim keçirilib. Təlimlərin məqsədi uşaqların zorakılığa qarşı təhülkəsizlik tədbirləri, zorakılıq nəticəsində alınmış zədədən xilas olmaq üçün psixoloji adaptasiya, özünə inamın, özünədərkin artırılması, keçid dövründə üzləşdikləri problemlərinin aradan qaldırılması yolları və cəmiyyətə inteqrasiyaya hazırlamaqdır. Proqrama daxil edilən uşaqlara “Beyin Həmləsi”, “Müzakirələr”, “Praktiki məşğələ” zamanı qiymətləndirmə barədə nəzəri biliklər verilib. Həmçinin iştirakçılara “oxşar həyatlar” mövzusunda video çarxlar göstərilib və onların müzakirəsi təşkil olunub. Mərkəzin əməkdaşalrı icmalar və əhali arasında məişət zorakılığının aradan qaldırılması ilə bağlı məlumatlandırma işlərini davam edir.