Bu il Təhsil Nazirliyi 4011000 dərslik hazırlayaraq,çap etdirib
013/2014-cü dərs ili üçün II, IV, VI,VIII, IX və XI siniflər üçün 139 adda 4011000 nüsxə dərslik və müəllim üçün metodik vəsait hazırlanıb, çap edilib və yerlərə çatdırılıb. Təhsil naziri Mikayıl Cabbarov "Azərbaycan" qəzetinə müsahibəsində VI sinif dərsliklərinin ilk dəfə olaraq kurikulum əsasında hazırlandığını deyib. Digər dərsliklər isə əvvəlki nəşrlər üzərində redaktə işi aparılmaqla çap olunub.

"Təhsil Nazirliyində dərsliklərin çapı və yerlərə çatdırılması məsələsi ilə əlaqədar yaradılmış işçi qrupu üzərinə düşən vəzifələrin öhdəsindən layiqincə gəlib.

TQDK tərəfindən monitorinqi aparılmış II, IV və VII sinif dərsliklərində redaktə və korrektə işləri aparılıb. Dərsliklər növbəti illərdə tam tirajla çap olunarkən monitorinqin nəticələri nəzərə alınacaq".

Yeni dərs ilində orta ixtisas təhsili müəssisələri üçün isə 13 adda 17800 nüsxə dərslik, dərs vəsaiti və metodik vəsait (elektron versiyaları ilə birgə) ilk dəfə hazırlanıb nəşr edilib və orta ixtisas təhsili müəssisələrinə paylanıb