Space telekanalının səhiyyə və məhkəmə orqanları tərəfindən hüququ pozulan teleaparıcısı Zamirəə Dadaşova prezident İlham Əliyevə müraciət edib. Müraciətdə deyilir:

Aidiyyatı qurumlardan cavab gəlmədiyinə görə ümüdüm yalnız Azərbaycan respublikasının prezidenti cənab İlham Əliyevədir. Mən əminəmki ədliyyə və səhiyyə nazirlikləri sussa da dövlətimizin başçısı bu baş verenlərə göz yummayacaq.

Cənab prezident, mən bir qadın və ana olaraq, başıma gələn, daha doğrusu gətirilən olayları sizə və cəmiyyətə xəbər verməklə neçə- neçə dünyaya gəlmədən öldürülən körpə və ana qırğının qarşısını almaq istəyir və bu qətilləri törədənlərin qarşısını almağa çağırıram. Bu insanlığa sığmayan olayın təfərrüatlarından danışmaq mənə ağır olsa da başıma gətirilənləri danışmaga məcburam. Mən 3- cü hamiləliyimlə əlaqədar 2011- ci il fevral ayının 17- də Yasamal rayonu 2 saylı qadın məsləhətxanasına müracıət etmişəm və qanuna uyğun olaraq hamiləliyimin 14- 15- ci həftəsində qeydiyyata götürülmüşəm. 5 gündən sonra yenidən bura müraciət etmişəm, səbbəbsə verdiyim analizlərin cavablarını həkimə (Sona Aslanovaya) göstərmək və sual yaranarsa məsləhət almaq istəmişəm. O isə hec bir problemin olmadigini bildirib. Qaydaya uyğun olaraq ayda bir dəfə deyil, hətta ayda iki dəfə həkim müayənəsindən keçmişəm.Beləliklə hadisə baş verən günə qədər, yəni üç ayda keçirdiyim narahatçılıqlara görə 2 saylı qadın məsləhətxanasına 6 dəfə müraciət etmişəm. Baş ağrıları, ürək bulanması,yüksək təzyiq, qasıq nahiyəmdə ağrıların olmasını desəm də bunu sahə həkimim hamilələliyin fizioloji amili hesab edib və heç bir patalogiyanın olmadığını bildirib. Beləcə mən bu ağrıları yaşaya- yaşaya hamilələyin 7- ci ayına gəlib çatdım. Mayın 31- də yenidən Sona xanıma müraciət edib, özümü heç yaxşı hiss etmədiyimi bildirdim. Məni yenidən USM- dən keçirdi və heç bir problemin olmadığını , qadınların hamiləliyi fərqli- fərqli kecirdiklərini, 7 aylıq hamiləlik üçün bu ağrıların təbii olduğunu ondan eşitdim. Baxmayaraq ki, rəngim saralmış, gözlərimin içində saralma hiss olunurdu, bədənimdə səpkilər var idi. Onu da əlavə edim ki, USM-in cavabı və digər qeydlər hamilə və zahi qadinlarin müşahidə vərəqəsinə tikilməyib. Martin 9- da qadin məsləhətxanasinda analiz versəm de, həmin tarixdə də qadin məsləhətxanasinda olmagımla bagli hec bir qeyd aparılmayib və mart ayinda 2 saylı qadın məsləhətxanasına müraciət etmədiyim bildirilir. Baxmayaraq ki, 9 mart tarixinə Yasamal rayonu 2 saylı qadın məsləhətxanasınin ştampı ilə analizin cavabı müşahidə vərəqəsində var. Mayın 31- də sahə həkimimə bele vəziyyətdə işə gedə bilməyəcəyimi bildirdim və mənə işə təqdim etmək ücün dekret kagızı verdi.

Onu da bildirim ki, bu barədə də hamilə və zahi qadinlarin müşahidə vərəqəsində hec bir qeyd aparılmayıb. İyun ayının 1-də mənim dəhşətli agrılarım başladı. Və mən Perinatal mərkəzə getməli oldum. Çünki orada 7 aylıq körpənin yaşaması ucun küveyz var. Və həmin gün məndən qan və sidik analizi aldılar, USM- ə saldılar. Respublika Perinatal mərkəzin epikrizində qeyd edilib ki, mən aprelin 1- də zəif doguş sancıları və skleralarimda sarılıqla mərkəzə daxil olmuşam.

Bundan başqa dölün bətndaxili inkişafının ləngiməsi və hipoksiya, feto-plasentar catışmazlıq, bədən temperaturunun 37,5, qarin boşlugunda sərbəst maye oldugu, mədəaltı vəzin başının 4,1 sm qədər böyüməsi, öd kisəsinin möhtəviyyatının nəzərəcarpacaq dərəcədə qatilaşdıgı bildirilir.

Diaqnoz ise “HELP” sindromu, preaklampsiya. Bu xəstəliyin fəsadları adətən 1- ci, 2- ci doguşlar agır olduqda və sonraki hamiləlik dövrünün 3- cü ayindan sonra özünü biruzə verir, ana və övladın sag qalma şansı isə bir faizdir. Onu da nəzərinizə çatdırım ki, Perinatal mərkəzdə doguşdan sonra ölümcül vəziyyətdə olmuşam və 8 gün reanimasiyada yatmışam, 9- cu gün isə həkimlərin konsiliumundan sonra Gömrük hospitalına köçürülmüşəm, müalicəmi bu hospitalda davam etdirmişəm. Bu günə kimi də bu klinikada vaxtaşırı müayinə olunuram və xüsusi dietaya əməl etməyə məcburam.

Qeydiyyata durduğum tarixdən mayin 31- dək Sona xanım tərəfindən müayinələr düzgün və lazımı qaydada aparılmış olsaydı və bunlara müvafiq olaraq düzgün müalicə təyin olunsaydı mənim sağlamlığıma ziyan dəyməzdi və övladımın ölümünün qarşısı alınardı.

Məhkəmə tibbi ekspertizasının rəyində də menim dediklərim öz təsdiqini tapıb. Mayın 31- də 2 saylı qadın məsləhətxanasında kecdiyim USM- in cavabını hamilə və zahi qadinlarin müşahidə vərəqəsinə tikmədiyinə, martın 19- da qadın məsləhətxanasına gedib analiz verdiyim halda hec bir qeydiyyat aparmadigina, özünün dediyinə görə 7aylıq hamilə qadının doguşu ücün hec bir şəraiti olmayan bir dogum evinə göndəriş vermədiyi halda verdiyini dediyinə və mənim skleralarımdakı sarılıgı görmədiyinə görə, ümumiyyətlə yuxarıda sadaladıqlarimı nəzərə alsaq niyə mənə və mənim dogulacaq körpəmə bu qədər etinasız yanaşdıgını anlamıram.

Dediyinə görə, mənə doguş təhlükəsi oldugunu bildirib, bu səbəbdən də Əfəndiyev adına dogum evinə göndəriş verdiyini yazıb. Lakin hamilə qadına vaxtindan evvel dogulacaq 7 aylıq körpəsinin yaşaması ücün hec bir şəraiti olmayan bir dogum evinə göndəriş verməsi düzgün deyildi.

Bununla da sahə həkimi Azərbaycan respublikasının səhiyyə nazirinin 5 aprel 2010 - cu il tarixli 19 nömrəli əmrinin (Hamilə, dogan qadın və zahılara ixtisaslaşmış yardımın təkmilləşdirilməsi barədə) tələblərini pozmuşdur. Baxmayaraq ki, mayın 31- də ümumiyyətlə vaxtından əvvəl doguşdan söhbət belə getməyib. Bunlar azmış kimi xəstəxanaya göndərış jurnalında da saxtakarlıga yol verilmişdir. Belə ki? mən məhkəmədən texniki ekspertiza kecirilməsini xahiş etdim.

Məhkəmə ekspertizasının rəyini oxuduqda isə bir daha haqlı olduğumu anladım, xəstəxanaya göndərış jurnalında da saxtalıga yol verdiklərinin şahidi oldum və qəti şəkildə Sona xanımın və bu işdə bilavasitə və ya dolayısı ilə əli olan hər bır kəsin cəzalandırılmasını istəyirəm. Onu da bildirim ki, bu jurnal 2 saylı qadın məsləhətxanasının baş həkimində olur. Baş həkimin Sona xanımla əlbir olub belə saxtakarlıga necə yol verdıyını anlaya bilmirəm.

Mən məhkəmənin ədalətli olacağına inanırdım. Təəssüf ki, inamımın əksinə olaraq Yasamal məhkəməsi haqqı yox haqsızı müdafiə etdi. Rəsmi qaydada məhkəmə texniki ekspertizası tərəfindən təsdiq olunan sənəd saxtakarlıgına, tibbi ekspertizanın düzgün müayinələr aparılmış olsaydı uşaq ölümü olmazdı ifadəsinə, Azərbaycan respublikasının səhiyyə nazirinin 5 aprel 2010 - cu il tarixli 19 nömrəli əmrinin tələblərinin pozulmasına, övladını itirən ananın bundan sonra ana ola bilməyəcək faktına və bütün bu hadisələrin mənim psixoloji durumuma təsirini nəzərə alsaq məhkəmənin bu baş verənlərə nəyə görə göz yumdugunu anlaya bilmirəm. Əlavə edim ki, iki ay bundan əvvəl məhkəmənin qərarı elan olunsa da bu günə qədər qərarın hazır olmadıgı mənə bildirilir. Obyektiv tam araşdırma aparmadan, dövlətin adından cıxarılmış qərarlar sizin təyin etdiyiniz hakimlər tərəfindən pozulmaqla qövlətə və dövlətciliyə xidmət edən Azərbaycan qadınına vurulan bir zərbə yox, həm də demokratik dövlətimizin imicinə vurulan bir zərbədir. Mən növbətı instansiyalarda ədaləti axtarmaqda davam edəcəm. Haqqımı sübut edənə qədər dayanmayacam. Demokratik bir ölkədə bu cür haqsızlıqlar edənlərin cəzasız qalmayacaqlarını bilirəm və sizi də bu haqsızlıqlarla tanış etməklə biganə qalmayacağınıza tam əminəm.Mən bir aparıcı olaraq 18 ildir ki,müxtəlif insanlarla, fərqli taleli olaylar yaşamışlarla təmasda olmuşam,. Özümdə həyatın mənə vurduğu böyük bir ailə faciəsi yaşamışam. Baş verən avtomobil qəzasında doğmalarımın 6-sını ( Anam, qardaşım, bacım və 3 bacım uşağı) itirmişəm. Bu acıları qədərim bilib dözmüşəm və həm də bərkimişəm. İnsanlığın hər an imtahan qarşısında durduğuna özümü inandırmışam. Amma yeni bir qeyri- insani, insanlığa sığmayanların hərəkətlərini hələ də analiz etməkdə çətinlik çəkirəm. Cünki yaşadıqlarım nəinki mənim dünyasını dəyişən övladıma, həm də anasız qala biləcək iki ogluma qarşı edilən cinaətdir.Və gəldiyim qənaət budur ki, insanlığa qarşı cinayət törədən belə ağ xalatlı cəlladlara dur deyilməsə onlar cox ömürləri yarıda qoyub, çox körpələri doğulmadan öldürəcək, bir cox uşaqları anasız qoyacaq və yeni acılar yaşatmaqda davam edəcəklər. Bu öldürülənlər həm də gələcəyimizə vurulan baltalardı.

Qəssabları dayandırın. Cənab prezident, Siz hər bir azərbaycanlının prezidenti olacağınızı dəfələrlə qeyd edir və əməllərinizdə göstərirsiz. Mən və dünyaya gəldikdən sonra bir gün yaşayan körpəm də Sizin haqqı pozulan vətəndaşınızıq, sizin ədalətinizə inanır, kömək umur və ümüdlə gözləyirəm.

Hörmət və sayğı ilə “SPACE” televiziyasının “Hər həftə” analitik informasiya proqramının aparıcısı Zamirə Dadaşova