Göygöl rayonunda otlaq üstündə dava düşüb.
Dava Göygöl rayonu ilə Şəmkir rayon sakinlərinin arasında heyvanların otarılması üçün nəzərdə tutulan yer üstündə baş verib.

Belə ki, oktyabrın 2-də 4 nəfər Göygöl rayon sakini ilə 5 nəfər Şəmkir rayon sakini arasında yaranan davada bir neçə nəfər müxtəlif bədən xəsarətləri alaraq Göygöl Rayon Mərkəzi Xəstəxanasına yerləşdirilib.

Bu gün səhər saatlarında yaralılardan biri, 37 yaşlı Xəyyam Cəfərov xəstəxanada dünyasını dəyişib.

Faktla bağlı Göygöl Rayon Prokurorluğunda cinayət işi başlanıb, istintaq gedir.

◀▶