İctimai rəyin öyrənilməsi ilə məşğul olan “Gallup” beynəlxalq təşkilatı 2012-ci ildə 129 ölkədə həyata keçirdiyi sosioloji rəy sorğusunun nəticələrini dərc edib.

Virtualaz.org saytı xarici mətbuata istinadən xəbər verir ki, təşkilatın keçirdiyi sorğunun nəticələrinə görə, 108 ölkədə respondentlərin əksəriyyəti korrupsiyanı geniş yayılmış hal və öz ölkələrinin ən böyük bəlası hesab edib. Hesabatda bildirilir ki, Cənubi Qafqaz regionunda korrupsiyanın yayılma səviyyəsinə görə ən əlverişli vəziyyət Gürcüstandadır. Gürcülərin cəmi 25 faizi belə hesab etdiyini bildirib ki, korrupsiya onların ölkəsinin böyük problemidir. Azərbaycanda rəyi soruşulanların 62 faizi hesab etdiyini bildirib ki, onların ölkəsində dövlət sistemi korrupsiyalaşıb. Ermənistanda isə oxşar fikri əhalinin 74 faizi dilə gətirib.