Beyləqanda ağır yol-nəqliyyat hadisəsi baş verib.

Virtualaz.org yerli jam.az-a istinadən xəbər verir ki, rayonun Minabad kəndi yaxınlığında hərbi hissəyə məxsus tank dayanacağı uçuraraq, onun yaxınlığındakı iki avtomobilin üstündən keçib.

Məlumatda deyilir ki, hərbi maşını idarə edən əsgər onu saxlaya bilməyib və kanala salıb. Hadisə yerinə gələn hərbçilər və polis əməkdaşları vətəndaşlara ərazidə çəkiliş aparmağa imkan verməyiblər. Hətta çəkiliş aparan bir neçə nəfər polis tərəfindən saxlanılaraq, yerli şöbəyə aparılıb.