Akif Baxşəliyevin təmsil etdiyi nazirliyi aldatdığını və onun rayondakı obyektlərdən pul tələb etdiyi iddia olunur
Əmək və Əhalinin Sosial Müdafiə Nazirliyinin Bərdə rayonunda yerləşən Əmək Müfəttişliyi idarəsi ilə bağlı maraqlı iddialar irəli sürülüb. Demokratiya.info xəbər portalına göndərilən şikayət məktubunda vurğulanır ki, müfəttişliyin rəhbəri Akif Baxşəliyev rayonda özbaşınalıqlara imza atmaqla yanaşı, həm də ayrı-ayrı obyektlərdən pul yığır.

Bərdədəki orta məktəblərdən birində dərs deyən Xanım müəllimə yazır ki, Akif Baxşəliyevin rəhbərlik etdiyi qurumun vəzifəsi əmək təhlükəsizliyinə riyayət etmək, əmək müqavilələrinin bağlanmasına nəzarəti gücləndirmək və digər proflaktiki tədbirlər görməkdir. Lakin Bərdədə bunun tam əksi müşahidə olunur. Xanım müəllimə bununla bağlı yazır ki, Baxşəliyevin əsas məqsədi dövlət və özəl obyektlərdən pul yığmaqdan ibarətdir. «Bu gün Bərdə rayonunda tikinti təşkilatlarında yüzlərlə insan çalışır, lakin onlarla hər hansı bir əmək müqaviləsi bağlanmır. Şadlıq saraylarında azyaşlı uşaqların əməyindən istifadə edilir. Akif Baxşəliyevə belə vəziyyət sərf edir, çünki həmin obyektlərin sahiblərindən hər ayın sonu haqqını ala bilir».

Şikayətçi vurğulayır ki, Əmək Müfəttişliynin Bərdə şöbəsinin müdiri həmçinin heç kimlə hesablaşmaq niyyətində olmadığını da vurğulayır. O iddia edir ki, Milli Məclisdə qohumu işləyir və ona görə də kimsə bir söz deyə bilməz. «Hətta bui darə İcra Hakimiyyətinin də «yadından» çıxıb».

Demokratiya.info xəbər portalına müraciət edən şəxs həmçinin bir başqa iddiası da odur ki, Akif Baxşəliyev təmsil etdiyi nazirliyi də aldadır. «Əmək Müfəttişliyi rayonda qthkzizy Vzhrzpb Fptekin ikinci mərtəbəsində qərarlaşıb. Bu bina Akif Baxşəliyevin atası Hidayət Baxşəliyevə məxsusdur. Maraqlı odur ki, o, Əmək və Əhalinin Sosial Müdafiəsi Nazirliyindən bu binanı icarə etdiyinə görə, hər ay 1200 manat icarə haqqı alır».

Sahibkarların artıq onun əlindən cana yığıldığını bildirən şikayətçilər vurğulayır ki, A.Baxşəliyev hər gün işçilərini onların üzərinə göndərərək, pul tələb edir.

Məsələ ilə bağlı qarşı tərəfin də mövqeyini dərc etməyə hazırıq.