“Bu şəhərdə”nin sonuncu “İsti Rahət” konsertində Müasir Müsavat Partiyasının sədri Hafiz Hacıyev parodiya olunub.
H. Hacıyevin rolunu Rəfael İsgəndərov oynayıb. Partiya sədrinin prezident seçkiləri zamanı canlı yayımda etdiyi çıxışlar konsertdə parodiyə edilib və gülüşlə qarşılanıb.

Qeyd edək ki, məsələyə artıq H. Hacıyev də reaksiya verib. O, azxeber.com-a açıqlamasında bu parodiyanı normal qarşıladığını bildirib: “Mənim incəsənət xadimlərinin hamısına hər zaman böyük hörmətim var. Coşqunla Rafael bizim ölkənin ən yaxşı gülüş sənətkarlarından biridirlər. Onlar əgər, mənim prezident seçkiləri zamanı xalqımı müdafiə etdiyim zaman söylədiyim sözləri parodiya ediblərsə, buna heç bir etirazım yoxdur. Rafaellə Coşqun məni parodiya zamanı təhqir də etsə, tənqid də etsə bu mənim üçün problem deyil. Amma yaxşı olardı ki, məni də dəvət edərdilər konsertlərinə. Mən də izləyərdim və baxdıqdan sonra daha aydın fikirlərimi bildirərdim”.