Milli Məclisinin əslən Naxçıvandan olan deputatları Siyavuş Novruzov və Eldar İbrahimov Məsud Barzaninin Naxçıvanı “Böyük Kürdüstan”a qatmaq iddiasına münasibət bildirdilər.

Virtualaz.org-a verdiyi açıqlamada S.Novruzov Azərbaycana düşmən qüvvələrin zaman-zaman Naxçıvana ərazi iddiaları irəli sürdüklərini bildirdi: “Amma bütün bu cəhdlərin heç bir nəticəsi yoxdur və olada bilməz. Çünki Naxçıvan qədim Azərbaycan torpağıdır və heç kim ona iddia edə bilməz. Əvvəllər bu cəfəng iddialarla ermənilər çıxış edirdilər. Görünür indi növbə İraq Kürdüstanına çatıb. Sədəcə olaraq məsləhət görərdim ki, bu cür təxribatlara heç bir reaksiya verilməsin”.

Deputtat Eldar İbrahimov isə vurğuladı ki, Naxçıvanın təhlükəsizliyini qaranti Türkiyədir: “Bu Azərbaycan torpağıdır. Tarixən elə gətirib ki, bu bölgə daim düşmələrimizin diqqətini cəlb edib. Amma Naxçıvan öz taleyini əbədi olaraq Azərbaycanla bağlayıb və həmişə də belə olacaq. Bundan başqa Qərb sülh müqaviləsinə görə, Naxçıvanın təhlüksizliyinin qarantkarından bir Türkiyədir. Ona görə də Naxçıvana heç kim iddia edə bilməz”.



* * *-14:04

Məsud Barzaninin rəhbərlik etdiyi Kürdüstan Demokratik Partiyasə Azərbaycanın əksər şəhərlərini “Böyük Kürdüstan” xəritəsinə salıb.
Kürdüstan Demokratik Partiyasının rəsmi facebook səhifəsində yayılan xəritədə bütün Qərbi Azərbaycan əyaləti, Şərqi Azərbaycanın bir sıra şəhərləri, azərbaycanlılar yaşayan Bicar, Gürvə, Sonqur şəhərləri, Həmədan əyaləti, Naxçıvan və bir sıra başqa şəhərlər daxil edilib. Həmçinin iraqlı soydaşalrımızın yaşyan Kərkük vilayəti, Türkiyənin böyük hissəsi və başqa ərazilər də xəritəyə daxil edilib.

Xəritə 500 min kvadrar kilometr ərazini əhatə edir və hazırda həmin bölgədə 55 milyon əhali yaşayır. Sadəcə xəritəyə daxil olan əzəli Azərbaycan şəhərlərində milyonlarla azərbaycanlı yaşayır. Belə xəyali Kürdüstan təşkil edildiyi halda 25 milyon türk, ərəb, assuri, erməni, kəldani və başqa millətlər öz ərazilərindən didərgin düşməli olacaq.