Lənkəranda bir neçə gün əvvəl qətlə yetirilən iş adamı Etibar Nəzərovla bağlı saytımıza maraqlı informasiyalar daxil olub.

Lənkəranda hamının danışdığı cinayətə bir neçə ay əvvəldən hazırlıq gedirmiş. Belə ki, Etibar Nəzərov bir müddət əvvəl həmyerlisi ilə (Adını dəqiqləşdirə bilmədik) mübahisə edib. Mübahisə zamanı həmin isə şəxs infarkt keçirib. Onun Rusiyada yaşayan övladları isə Etibar Nəzərovu hədələyərək xəbərdarlıq ediblər ki, əgər atalarının başına bir iş gəlsə, elə həmin gün onu öldürəcəklər.

Noyabrın 18-i isə iş adamının dalaşdığı, infarkt keçirdiyi deyilən adam vəfat edir və oğlanları elə həmin gün nahar vaxtı Etibarla Lənkəranın məşhur “Ləvəngi” adlanan yerində görüşürlər. Kiçik mübahisə ilə başa çatan görüşdən sonra qərara gəlirlər ki, axşam bir daha görüşsünlər.

Və görüş baş tutur. Etibar Nəzərova Lənkəranda Ağır Cinayətlər Məhkəməsinin yanında 4 güllə vururlar. Hadisə 90 RV 863 dövlət nömrə nişanlı, “Mitsubishi” markalı avtomobildə baş verir və silah iş adamının əyləşdiyi istiqamətdə açılır. Güllədən üçü başına dəyir, bu an Nəzərov əli ilə özünü müdafiə etmək istərkən güllələrdən biri də əlinə dəyir.

Qeyd edək ki, cinayətdə məşhur avtoritet Rövşən Lənkəranskinin də adı keçir Belə ki, mərhumun yaxınlarının sözlərinə görə, qətldə şübhələndikləri “Əhməd” adlı şəxs Rövşən Lənkəranskinin yaxın adamıdır və o, çeçenlərə bənzər görünüşüylə şəhərdə həmin gün diqqəti özünə çəkə bilib.

Xatırladaq ki, Etibar Nəzərov Lənkəranda xeyriyyəçi kimi tanınır. Dörd uşağı var.

Artıq iş adamının qətli ilə bağlı bir neçə nəfərin həbs olunduğu deyilsə də, hələ ki, bu barədə rəsmi məlumat yoxdur.