Maliyyə nazirliyinin yoxlamaları “Orion M”MMC üçün problem yaradıb.



Maliyyə Nazirliyinin Beyləqan, Ağcabədi , Füzuli, Xocavənd və İmişli rayonlarında apardığı yoxlamalarda ciddi şəkildə korupsiya faktları üzə çıxıb. Adı çəkilən rayonlarda korupsiya faktları əsasən dövlət başçısının kənd və rayon yollarının təmir tikintisi üçün ayırdığı milyonlarla manat vəsaitin xərclənməsində yaranıb.

Məsələ ilə bağlı məlumat verən mənbəmizin iddiasına görə Beyləqan rayonunda dövlət başçısının sərəncamı ilə 35 km-lik Beyləqan şəhərini Bolsulu, Təzəkənd, Kəbirli, Baharabad qəsəbələri və Ağcabədi rayonu ilə birləşdirən yolun təmiri üçün ayırdığı 6 milyon manatlıq lahiyədə çəkilən yolun tikintisinidə iştirak edən “Orion M” MMC nin böyük maliyyə maxinasiyalarına yol verdiyi üzə çıxıb.

Xatırladaq ki, adı çəkilən yolun çəkilişi zamanı baş verən korupsiya halları ilə bağlı PİA.AZ hələ bir il əvvəl məlumat vermişdi. Məlumatımızda qeyd etmişdik ki, çəkilən yolun eni lahiyyədə göstəriləndən 1 metr 20 sm azdır və eyni zamanda yolun alt qatına səpilən çınqıl, qrabil, şüben matreallarının qiyməti qara bazardakından bir neçə dəfə şişirdilib

Qeyd edək ki, Beyləqan rayon İcra hakimiyyətinin başçısı Vaqif Abdullayev “Orion M” MMC nin rəhbəri Şükür Məmmədovla arasında olan şəxsi münasibatdan istifadə edərək qeyd etdiyimiz yolun tikintisinin tenderini məhz adı çəkilən şirkətə vermişdi.

Maliyyə nazirliyinin apardığı 5 illik yoxlama ilə bağlı məlumat verən mənbəmiz bildirir ki, nazirliyin müfəttişləri məhz çəkilən 35 km-lik yolun enindən kəsilməsini üzə çıxardıblar və tikinti işlərini həyata keçirmiş “Orion M” MMC nin rəhbəri Şükür Məmmədovu izahat verməyə çağırıblar. Hazırda aşkarlanan faktlarla bağlı hüquq-mühafizə orqanlarına müraciət edilməsi gözlənilir.

Mənbə bildirir ki, Maliyyə Nazirliyinin müfəttişlərinin qeyd etdiyimiz yolun tikintisində üzə çıxartdıqları korupsiya faktları “Orion M” MMC şirkətinin rəhbərini ciddi şəkildə təşvişə salıb.Çünki Şükür Məmmədov yol çəkilişlərində həyata keçirdiyi maxinasiyalarda bir milyon manatdan artıq vəsaitin mənimsənilməsindən söhbət gedir.

Mənbə onu da bildirir ki, Beyləqan rayon İcra Hakimiyyətinin başçısı Vaqif Abdullayev hal hazırda Beyləqan rayonunun Dünyamalllar, Xalac və Şahsevən kəndlərini birləşdirən yolun təmirini məhz “Orion M” MMC şirkətinə verib və adı çəkilən şirkət dövlət başçısının ayırdığı vəsaitin artıq 2 milyon manatını xərcləyib. Məlumatda o da qeyd olunur ki, bu yolun çəkilişində də ciddi maliyyə mənimsəmələri var. Lakin bu hələ “Orion M” MMC şirkətinin həyata keçirdiyi maliyyə mənimsəmələrinin heç də hamısı deyil. Əslində siyahı daha uzundur. “Orion M” MMC şirkətinin Ağcabədi , Füzuli, Xocavənd və İmişli rayonlarında apardığı yol çəkilişlərində və təmir bərpa işlərində də böyük korrupsiya faktları var. Ən böyük mənimsəmə faktlarından biridə həmçinin Saatlı rayonunda həyata keçirilən layihələrlə bağlıdır.

Bütün bu korrupsiya faktları ilə bağlı növbəti yazımızda məlumat verəcəyik.

Qaqşı tərəfin mövqyeini dərc etməyə hazırıq…