"Ziya Məmmədovun qohumu göyçaylıları qorxu və vahimə içində saxlayır"

gundemxeber.az "Göycay rayonunda son üc ayda müəllimlərin razılıgı olmadan məcburi qaydada əmək haqqlarından hər ay 1% pul tutulur". Bu haqda "Demokratiya və Vətəndaş Cəmiyyətinin İnkişafına Kömək" İctimai Birliyin sədri, hüquq müdafiəcisi Oktay İsgəndərli məlumat verib: "Göycay rayonunda 50-ə qədər məktəb, 3000 minə yaxın müəllim var. 2012- ci il sentyabr ayında müəllimlər əmək haqqı alan zaman təəcübləniblər.”
O.İsgəndərlinin sözlərinə görə müəllimlər bu haqda məktəb direktoruna narazılıqlarını bildirərək nə ücün əmək haqlarının az olması ilə maraqlanıblar: “Direktorlar müəllimlərə əmək haqlarının
1 % tutulmasını və bu pulların müdafiə fonduna kecirildiyini bildiriblər. Müəllimlər buna qəti olaraq etirazlarını bildirmiş, nə ücün onların razılığı və icazəsi olmadan pulların tutulmasına aydınlıq gətirilməsini tələb ediblər. Direktorlar bunun bir aylıq olmasını və yuxarıların göstərişləri olduğunu deyiblər. Etirazçıların çox olduğunu görən direktorlar- kim razı deyilsə, işləmək istəmirsə, ərizə verib işdən çıxa bilərlər- deyərək aldıqları təlimatlarla müəllimlərə hədə- qorxu gəlməyə başlayıblar. Müəllimlər pul tutulmasının bir aylıq olduğunu nəzərə alaraq məcburiyyət qarşısında susmağa məcbur olublar.”
Oktyabr ayında da əmək haqlarından 1 % pulların tutulduğunu görən müəllimlər yenidən etirazlarını bildiriblər. Yenə hədələrlə üzləşən müəllimlər qorxudan təlaş içindədirlər və hansısa qərarların qəbul edilməsində çətinlik çəkirlər. Etirazlarını yuxarılara bildirəcəkləri halda müxtəlif bəhanələrlə işdən qovulmaqlarından ehtiyatlanırlar. Dekabr ayında da analoji olaraq 1% əmək haqlarından pulların tutulması müəllimlərin etirazlarının son həddə çatmasına səbəb olduğu üçün bizim təşkilata müraciət ediblər. Müəllimlər bizdən xahiş etdilər ki, məlumat verən müəllimlərin adı heç yerdə hallanmasın. Hətta rayon rəhbərliyindən ehtiyyat etdikləri üçün adlarının çəkiləcəyi təqdirdə təkzib verəcəklərini də dedilər. Göstərilən faktlarla bağlı araşdırma apardıqlarını deyən O. İsgəndərli qeyd olunan faktın təsdiq olunduğunu bildirib: "Ən dəhşətli burasıdır ki, apardığımız sorğu nəticəsində müəllimlər iş yerlərini itirməmək üçün onlara qarşı təzyiqlər olacağı halda bu pulları könüllülük əsasında keçirdiklərini deyəcəklərini bildirdilər və qeyd etdilər ki, iş yerini itirmək ölümə bərabərdir. Fikirlərini belə izah etdilər ki, rayonda 99 % müəllimlərin əmək haqqı kartları banklarda girovdur. İşdən çıxarılacaqları təqdirdə götürdükləri kreditləri ödəyə bilmədiklərinə görə, evləri müsadirə oluna bilər. Müəllimlər bildirdilər ki, noyabrda Göycayda keçirilən" nar bayramı" onların "qara bayramı" olub. Hər müəllimdən 10 manat, direktorlardan isə 500-1000 manat pul yığdılar". Hüquq müdafiəçisi bütün bu işlərin başında Göycay rayonu icra başçısı, Mənsur Məmmədovun durduğunu deyir:" Nəqliyyat Naziri Ziya Məmmədovun yaxın qohumu olan bu adam icra başçısı təyin olunar-olunmaz büdcə təşkilatlarından və iş adamlarından məcburi qaydada pul yığılmasını qanuni şəkilə salıb. İnsanlar qorxu və vahimə içində yaşayırlar. Deyirlər bütün bunları mətbuat vasitəsi ilə ictimailəşdirəcəksiz, bəs sonra, məgər tədbir görüləcəkmi? Araşdırmalarımız və çox saylı sorğular bu məsələnin daha qəliz, daha qaranlıq olduğunu sübut edir. Mən bu faktları təqdim edirəm və korrupsiyaya qarşı mübarizə apardığı deyilən dövlət qurumlarının Göyçaydakı vəziyyəti araşdırmalarını tələb edirəm".

Tahir