Hərbi Vətənpərvərlik və Mütəxəssis Hazırlığı Mərkəzi MMC-nin Ağstafa filialında gördüklərimiz...

Hazırda sürücülərin ehtiyatsızlıq ucbatından törətdikləri qəzaların qarşısının alınması dövlətin ən prioritet məsələlərindəndir. Elə bir gün olmaz ki, ölkədə yüngül də olsa avtoqəza törədilməsin. Son vaxtlar isə bu vəziyyətlə bağlı günahsız insanların həyatını itirməsi adi bir hal alıb. Əlbəttə, hadisə törədiləndən sonra deyil, başlanğıcdan bu vacib məsələlərin qarşısı alınmalıdir.
Məktəbə ayaq açan uşaqlar təlim və tərbiyənin dərinliklərinə yiyələndikləri kimi, sürücülük məktəbinə qədəm qoyan hər bir kəs əvvəlcə özünü, sonra isə qarşısındakını qorumaq üçün cəmi 3 ay müddətində sürücülüyün sirrlərinə daha yaxşı bələd olmalıdır. Bəlkə də yeganə ölkədir ki, sürücülük vəsiqəsinə də minumum 800 manat pul verilərək alınır. Onda qəza da olacaq, üstəlik maşını təyyarə kimi sürmək də...
Bu məsəıə ilə bağlı, yəni sürücülük məktəblərində dərsin keyfiyyəti, sürücülərə dərs deyən müəllimlərin özlərinin hazırlığı ilə əlaqədar diqqətimizi Hərbi Vətənpərvərlik və Mütəxəssis Hazırlığı Mərkəzi MMC-nin Ağstafa filialına yönəltdik. Bəli, bu sürücülük məktəbinin necə deyərlər, müasir adıdır. Məktəbə uzun müddətdir ki, Nizami Əfəndiyev rəhbərlik edir. Məktəbdə istər hərbi komissarlıq hesabına, istərsə də öz hesabına oxuyanların biri də ayağını məktəbə basmır. Saxta diplom kimi oxumaya-oxumaya saxta da sürücülük şəhadətnaməsi verilir. Məzunlardan da sürücülük məktəbinin direktoru hər bidrindən 800 manat toplayaraq onlara aidiyyəti yerdən sürücülük vəsiqəsi verdirir. Hələ, şağirdlərdən keçirilməyən təlim üçün pul yığılmasını dilə gətirmirik... Bir söz, bu sahə ən böyük biznesə çevrilib.
Ağstafa sürücülük məktəbi sanki, məktəbin direktoru Nizami Əfəndiyev tərəfindən özəlləşdirilib. Onu məktəbdə tələbələri kimi çox nadir hallarda tapmaq mümükündür. Hərçənd ki, məktəbdə texnikaların saxlanılması üçün alaçıq olsa da, nəzarətsizlıikdən təlim maşınları açıq havada günün-yağışın altında xarab olmaqdadır. Bu bir yana, hazırda gələn ilin fevral ayında sürücülük məktəbini oxumaları üçün sənəd toplantısı ğetsə də, elə zənn edilməməlidir ki, dərs yoxdur deyən şagird də yoxdur. Əsla, elə məktəb başlayanda da burada şagirdlərə rast gəlmək mümkün deyildir. Öz hesabına oxuyanlar bir yana, Nizami Əfəndiyev hərbi komissarlıq hesabına oxuyanlardan da, yaxşıca pul “qırır”. Şagirdlərin təhsil alması üçün hərbi komissarlıqdan Nizami müəllimin məktəbinin hesabına ötürülən vəsaitin dərdini yalnız direktorun özü bilir... Hətta, elə olur ki, təhsil müddəti olan 3 ay qurtarmağa az qalmış Nizami müəllim həmin buıraxılışa adam yazır. Buradan da aydın olur ki, sürücü olmaq istəyənlərə saxat sürücülük vəsiqəsi verdirən Nizami Efendiyev bu hərəkətləri ilə nə qədər günah qazanır. Yol nişanlarından və maşın texnikasından tam xəbərsiz oln sürücülər bu səbəbdən yollarada “ölüm-dirim” mübarizəsinə girişirlər.
Texniki baza cəhətdən həddən ziya zəif oln məktəbin bu gün işləməsi məktəb direktorundan savayı heç kimə xeyri yoxdur. Nizami Əfəndiyev sürücülük məktəbində açıq-açığına “kamikadze”hazirlayır. Hələ bu məsələnin görünən tərəfidir. Məktəbdə təlim üçün geniş şərait də “yox” dərəcəsindədir. Sinif otaqları şagird ayağına həsrət qalıb. Həmişə vur-tut 2 və ya 3 müəllimə təsadüf edilir. Onların da yaşı 65-i ötüb. Həmin müəllimlər də Nizami müəllimin dedkiklərilə oturub duran¸ ynacaq silgisində dinməz imza atanlardır deyən qalıb işləyirlər. Axtaranda bu məktəb həqiqətən də gələcəkdə baş verəcək avtoqəzaların mənbəyini yaradır. Qəza da olsa olar, təki Nizami Əfəndiyevin adı olub, özü olmayan məktəbdə atdığı zərləri şeş qoşa düşsün.
Nə deyək? Hazırkı vaxtda hərə özünə görə bir bəydir. O cümlədən Nizami Əfəndiyev də! Yəqin ki, Nizami müəllimin bu saxta işlərinədən xəbərdar olanlar millətə yazığı gəlib onun qulağına nəsə deyərlər...

İlham Hacalı