Əksər sahələrdə olduğu kimi, “Hərbi Vətənpərvərlik və Mütəxəssis Hazırlığı Mərkəzi” MMC-nin yerli qurumlarında da eybəcərliklərin, qanunsuzluqların və.s, açıq şəkildə tüğyan etməsinin gündəlik şahidi olmaq mümkündür. Ekspetlər bildirirlər ki, jurnalistlər yazırlar, tam əksəriyyət narahatçılığını bildirir, amma ümumi vəziyyət düzəlmir ki, düzəlmir. Yəni, zaman keçsə də, yaxşılığa doğru heçnə dəyişmir. Əksər vəzifə sahiblərinin danışıqları ilə bərabər, taladıqları da hər kəsə gün təki aydın olur. Elə bu səbəbdən də, onlara baxıb qeyd olunan qurumun yerli şöbələrində vəzifə daşıyan rəhbər şəxslər də, həddi-hüdudu bilinməyən qanunsuzluq əməllərinə qol qoymaqdadırlar. Bircə qalmışdı ki, şagirdlərə dövlətin verdiyi təqaüdün mənimsənilməsinə, ona da toxundular. Yəni, “Hərbi Vətənpərvərlik və Mütəxəssis Hazırlığı Mərkəzi” MMC-nin Ağstafa rayon filialında olduğu kimi.

Məktəbdə saysız-hesabsız qanunsuzluq əməllərinə qol qoyulmasından, müəyyən prosedur qaydalarının kobud şəkildə pozulmasından və digər xoşagəlməz olaylardan xəbərdar olduğumuz üçün, hələ bir müddət bundan əvvəl istəyimiz o oldu ki, rəhbərliklə görüşüb yaşanan problemlərin varlığına birlikdə aydınlıq gətirə bilək.

Filialda baş verən olaylar haqda məlumatları radaksiyamıza çatdıran yerli mənbə bildirir ki, “Hərbi Vətənpərvərlik və Mütəxəssis Hazırlığı Mərkəzi” MMC-nin Ağstafa rayon filialının direktoru vəzifəsini daşıyan Nizami müəllim, ona verilmiş ixtiyardan hər an yararlanır və bu gün də minbir hoqqalara qol qoymaqda davam edir. Yəni, məktəbdə sürücülük ixtisasına yiyələnmək istəyən şagirdlərin tam əksəriyyəti, rəhbərlik tərəfindən sanki “ilan qabığı” kimi “soyulur”lar. Elə bu səbəbdəndir ki, adı məktəbdə olub özü dərs üzü görməyən şagirdlərlə bərabər, rəhbərliyə qarşı valideyin giley-güzarı da gündəlik artmaqda davam edir.

Redaksiyamızı məlumatlandıran mənbə onu da vurğulayır ki, məktəb kollektivinin və texniki işçilərin mütləq əksəriyyətinin mənimsənilən vəsaitləri hesabına, rəhbərlik və onun əsabələri bu günədək əməlli-başlıca var-dövlət qazanmağa da müvəffəq olublar. Düzdür, bu nə asan, nə də qorxusuz qazanılan var-dövlət olsa da, hər halda cinayət tərkibi

məsələlərdir deyə, mənbəmiz bildirir. Tam təfsilatı ilə yanaşdığımız belə bir olaylar ən azından ikitərəfli araşdırma tələb etdiyindən, hələ bir müddət bundan əvvəl qeyd olunan təhsil ocağında olsaq da, üz-üzə qaldığımız olay hələ də bizi təəccüb içində qoymaqdadır. Səhər saatlarında bir şagird olsun belə görməməyimiz, bizi həmin an qeyd olunan təhsil ocağında yaşanan ab-havadan tam xəbərdar etdi. Elə ki, məktəbin direktoru Nizami müəllimlə görüşməyə israr etdik, bu zaman müavin vəzifəsini daşıyan Akif müəllim bizə bildirdi ki, “Nizami müəllim olmayacaq, ona görə ki, açarları evdə qalıb” deməklə, bizi öz düşüncəsinə uyğun aldada bildi. Son anda istəyimiz elə istək olaraq qaldı.

Hörmətli oxucular! Növbəti sayımızda “Hərbi Vətənpərvərlik və Mütəxəssis Hazırlığı Mərkəzi” MMC-nin Ağstafa rayon filialında yaşanan durumun əksəriyyətə bəlli olmayan məqamlarından, rəhbərliyin son iki ay ərzində qol qoyduğu qanunsuzluq əməllərindən və.s bəhs etməyə çalışacağıq.

Mirzə

gundemxeber.az